港男暑期工做保安日行30层楼 苦叹似军训：冇你哋谂得咁好做 前辈传授揾笋工心得：你唔识拣盘啫｜Juicy叮
不少人都以为保安工作是轻松的 hea（轻松）工，但事实可能并非如此。一名港男到私楼做保安员当暑期工，岂料中伏，大呻要日行 30 层楼梯打卡，工作似军训，忠告“保安冇你哋谂得咁好做”。
不过，有老行家却隔空反驳，批评工作辛苦只是“唔识拣盘啫”，并大方传授寻觅保安笋工的心得。详情见下图及下文：
港男暑期工做保安日行30层楼 苦叹似军训：冇你哋谂得咁好做 前辈传授揾笋工心得：你唔识拣盘啫逐张睇↓↓↓↓
楼主：日日军训咁 5:15 起身搭车
一名年轻港男前天（7日）在社交平台Threads发帖，大方分享自己对保安工作的看法。他直言：“暑假冇嘢做去考咗个保安牌，依家返紧私楼暑假工保安。日日军训咁 5:15 起身搭车，然后喺座头坐足 12 个钟头，仲要冇冷气，要由 30 楼行楼梯一层一层落去打百几个钟（打巡更卡）。”
楼主补充，这份工作连上厕所都有诸多规矩，甚至连手机也无法使用：“屙尿都要有人替你先可以去，手机讯号畀 cctv（闭路电视） 机抢晒，同冇得玩手机一样，返到屋企必定秒瞓，每日都要返咁滞，一个月得 4 日假，人工又低，请假又医生纸。”
对于有网民疑惑“手机玩唔到仲唔走，傻猪”，楼主澄清指公司规矩其实并非如此严苛，纯粹是位置问题：“佢俾带耳机加玩手机，纯粹佢俾个 X 位我，冇讯号。”
楼主最后无奈总结，保安绝非如想像般轻松：“最主要系每日 12 个钟超闷，𠮶种闷仲要系想瞓𠮶种，但系做保安一定唔瞓得。所以保安冇你哋谂得咁好做，有咩事都系唔好考保安牌。”并在留言区补充“真心要做过先知有几苦。”
网民旁敲侧击薪酬
这番辛酸感悟引起网民留意，有人推测楼主的年纪并询问其人工待遇，指出在现时市况下：“19岁做12码（12小时一更），冇一千蚊日都唔好做”。对此，楼主无奈回应指自己的薪水大约只有“一半多啲（大约 500 多元日薪）”。
有网民惊讶如此辛劳却低薪，有网民疑惑为何不选择工时较短的岗位：“做乜唔做 8 码（8小时一更）呢？又唔系等钱使。”但楼主大叹暑期工寻求职位不易，自己是迫于无奈才接受：“我见咗 10 几份，都嫌我冇经验同太后生。”
亦有熟悉保安行业的同行留言指出，楼主之所以如此辛苦却拿不到高工资，是因为他入错了“盘”：“返私楼。单栋式嘅。多数冇乜钱。”
该网民更教路指：“要多钱一定系商厦先多钱。因为你要多钱。即系每一户要收多啲管理费。仲要 12 码。其实都知道冇咁多钱请看更所以先 12 码。所以私楼系最小钱。做就做豪宅区。唔会做单栋式。”
网民：过度美化保安行业
另外，有网民亦指出，现在社会上很多人过度美化保安行业，直言“保安根本恶做！系啲人成日美化以为笋工”、“读书做过都奇怪近排做乜Ｘ 系咁吹捧做保安，仲要一面倒唱好𠮶只，边个咁靠害带起。”
也有过来人深表同感，指所谓好做的盘只是少数：“我明你，我曾经做过保安都觉得系唔会话好做得去边嘅，所谓好做𠮶啲，一系就已经叫揾咗个好少少嘅工作地方嚟做，一系就未做过就觉得好做。但系人工系高啲，后尾就入返去大专院校读书之后，就想试下做其他行业。”
资深前辈揭物管辛酸
除了一般的入行讨论，更有任职物业管理的资深前辈（老 Seafood）现身说法，大爆大堂保安不为人知的幕后辛酸，劝市民不要轻视其工作量：
“物管老 Seafood 想话畀各位知，唔好平时睇到大堂保安好似好得闲，多嘢做上嚟做到 Ｘ 街无人知，剩系跟夏天冷气滴水一座楼一晚可以几十单，已经可以跟咗大半日，仲未计日常运作。”
前辈教路：你唔识拣盘啫
不过，也有同行前辈站出来“教路”，指点楼主应该如何挑选合适的保安岗位，笑指他只是“唔识拣盘”：
“你唔识拣盘啫。识人返通宵更睇书睇戏打机玩玩具砌模型刨马赌波乜都做齐，只要有做足巡楼同唔瞓觉。”并称“apply（申请） 𠮶阵有写边区咩类型㗎嘛，派嚟派去多数 event（活动）保安。”
也有网民分享自己在其他屋苑见过极其休闲的“极乐保安”实况，力证前辈所言非虚：
“我住紧𠮶度，有冷气，日更系个伯伯，基本坐喺度，夜更系个阿姐，夜晚经常几个同乡喺度倾偈，到了瞓觉时间就瞓，琴晚个替更瞓到已经进入深度睡眠状态🤣。”
同行：年轻人不应委身屋邨保安
更有同行前辈建议，年轻人不应委身于屋邨保安，应多尝试其他物管或商场岗位：“做保安唔一定惨，系你唔识拣。咁后生去揾商场 CS（顾客服务）已经差好多”、“其实后生嘅攞咗个牌唔好去做屋邨保安。会闷到你抽筋。最好去啲大商场做信Ｘ呀、ＡＸＭ𠮶啲，呢几个月商场多活动你一定唔会闷，又有嘢睇行行企企周围走唔会焗喺一个地方。做 show（展览／活动）𠮶阵又有得睇埋一份好快收工。”
有网民也好言相劝，劝勉楼主既然年轻，做保安不妨只做兼职或散工，最重要是趁年轻学一门一技之能，对日后的前途才有实质帮助。
资料来源：hzl_0229＠Threads
相关阅读：
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
