晚年婚姻危机 72岁大叔呻活得冇尊严想分身家离婚 老妻愿“做一事”求和解｜Juicy叮
夕阳拉长了影子，结冰的岁月却把两人挤成一道裂痕。一纸婚书像枷锁，沉沉压在胸口。尊严日复一日地消磨，碎成一地无声叹息。
一名高龄72岁的大叔出现晚年婚姻危机，坚决提出离婚，大呻多年来“活得冇尊严”，要分身家搬出去独自生活。虽然老妻愿“做一事”求和解，但遭斩钉截铁地拒绝。网民倒也看得通透，指事到如今，不如双方余生都为自己活。详情见下图及下文：
晚年婚姻危机 72岁大叔呻活得冇尊严想分身家离婚 老妻愿“做一事”求和解逐张睇↓↓↓↓
痛诉冇尊严 决意分身家搬走过新生活
为人子女的楼主早前（13日）在社交平台 Threads上发帖，大呻近日面临家变，直言：“72岁老窦想离婚。爸爸话自己活得冇尊严，想离婚分身家自己搬出去住。”
楼主续指，“妈妈就希望佢冷静啲，都一齐生活咁耐，任何嘢忍一忍就过去。爸爸就话唔得，无可能返转头。”
这段高龄婚姻决裂的帖文曝光后，网民一度误以为是楼主母亲单方面要求父亲“再忍她一忍”。楼主随即在回应栏作出澄清，致歉指：“我阿妈系同我讲佢忍老窦，始终系我爸爸，并唔系叫我老窦忍。”
楼主大爆父母开火细节
面对网民好奇询问母亲一方的性格，楼主亲自大爆两老日常交锋的细节，指母亲平时会“叫你唔好食咁多烟，唔好食烟霸住个厕所搞到人冇得去，每次嘈交就会讲返n年前爸爸同爸爸屋企人嘅不是”。
而楼主听完父亲的诉苦后，亦忍不住帮母亲说话，直言父亲埋怨母亲“去得太多旅行呢个 Point（盲点）系好 Ridiculous（荒谬）”，反驳指“今时今日有边个人唔钟意去旅行轻松下，系佢烟瘾大去边都唔方便佢先话唔去，讲真去2、3日𠮶啲使几钱……佢食少2日烟条数都喺度”。
有网民认同两老不合拍，不如放生对方。然而，楼主随即无奈大爆最现实的致命伤：“情感上我都认同，佢哋两个放生对方系最好，但系财力唔容许佢两个分居而又维持现时生活水平。”
网民：一世人至少做一件对得住自己的事
两老相处不来，加上经济限制，令不少网民大感唏嘘。但大批网民依然认为，既然老父觉得委屈，72岁选择放手、还他自由也是一件好事。网民称：“72岁还佢自由吧”、“都72，畀佢自己选择自己嘅人生”、“自己往后生活开心啲，无可厚非”、“支持老窦展开新生活，畀老窦自由啦”。
亦有网民好言相劝，指老人家忍了大半世，所剩日子无多：“忍咗大半世，得返最尾𠮶几年。一世人，至少做一件对得住自己嘅事。”、“忍多两年人都走埋，含住道怨气，到时真系变咗死唔眼闭”、“72岁好彩都仲有十几廿年人生，点解唔畀佢决定自己嘅最后时刻。人生只有一次，你爸已到了无法承受的地步，由得他，给他自由。”
有网民则点出，父亲对婚姻而言可能已经功德圆满，指他有权选择：“可能对爸爸嚟讲，佢已经喺呢段婚姻中‘毕业’，完成咗自己做爸爸、老公大部分责任，会唔会可以同爸爸去饮下茶、散下心，用一个平静啲嘅方法去倾下”、“如果真系活得冇尊严，早离早著”。
有网民更叮嘱楼主：“72了，放过老窦啦！当佢出边真系有女人，呢个都系佢人生最后快乐嘅日子！做仔嘅应该成全和祝福！更唔应该吼住老窦嘅辛苦钱！”
网民警示小心骗局 劝睇实辛苦钱
虽然大批网民支持老父活出自我，但亦有不少人好心提醒，要小心外面的人或防范他被骗去棺材本。有网民警告：“72岁就由佢啦，佢想做咩咪做咩，睇住佢啲钱就得啦”、“72岁咪由得佢囉，睇实你老窦睇下有无畀人呃就得”、“72岁都唔畀佢任性？（只要知道唔系畀人呃钱就 OK（可以）)”。
有网民更直言要提防最坏情况：“如果系你爸爸外边有第二个，佢可能系想分走一半钱同二奶一齐。”
亦有网民分析父母在公司与家中的家庭地位，问楼主：“两方系咪一个强势一个忍受？若果世伯系忍开𠮶个，佢觉得临老想要自由空间都唔出奇㖞。”并建议如果不想直接离婚，大可以尝试“先分开住一排再决定”或“建议父母分房睡觉💤”。
最后，有网民看罢两老在柴米油盐、抽烟与旅行间的无尽争执后，大叹：“咁……放过佢哋~畀佢哋离婚啦”，无奈之情溢于言表。
资料来源：Threads
相关阅读：
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
