睇中烧炭盘拟装修自住 港女自嘲穷鬼因一理由心动 “凶宅”过来人劝世：病咗几个月｜Juicy叮
有自嘲“穷鬼”的港女因一个心动理由睇中烧炭盘，计划买入装修自住。不过，这念头一动，即有“凶宅”过来人现身劝世，淡淡然自爆一句：“冇嘅，我病咗几个月”，真是信不信由你。详情见下图及下文：
睇中烧炭盘拟装修自住 港女自嘲穷鬼因一理由心动 “凶宅”过来人劝世：病咗几个月逐张睇↓↓↓↓
楼主：买嚟装修自住谂得过
楼主昨天（20日）在社交平台 Threads 发帖，留言指：“有冇人住紧凶宅？最近睇咗个单位有人烧过炭，但送到去医院急救，价钱真系好抵，其实买嚟装修自住好似都谂得过”。
楼主在回应栏无奈补充“穷鬼系咁…又平咗50万了”，并进一步透露烧炭情况，指“死咗啊最尾”、“去到医院就死咗”、“总之系白车走，唔系黑箱车”。
在回应网民“估唔估到价？做唔做到按揭？”等提问时，楼主更指“个Agent（地产代理）话做到”、“估到”。
网民关注：穷鬼 VS 冤鬼
面对凶宅有“50万大劈价”的强烈诱惑，“向钱看”的网民直言“穷”才是人世间最恐怖的事：“有咩恐怖得过穷？”、“其实睇你怕唔怕、迷唔迷信啫，香港最怕就系穷”、“呢个世界人比鬼恐怖...穷都好恐怖...”。
甚至有人豁达地表示：“自住冇乜所谓㖞，其实自古以嚟咁多天灾人祸，又成日打仗又大屠杀咁，有边寸地会系冇冤魂呢？”、“地球上到处都死过人”、“平均一日一单，周围都死过人，可能住咗都未必知”。
有人更直言只要行得正企得正就无有怕：“其实睇你个人迷唔迷信，我朋友就天不怕地不怕，佢觉得佢有冇做亏心事就唔会惊依啲嘢，所以都系睇你有冇做亏心事”。
网民：住到要烧炭 风水系点自己谂
不过，还是有不少网民从玄学角度极力劝退楼主，提醒：“凶宅如果死过人，冤气大”、“我觉得只要有一丁点疑虑，都唔好买。除非你有好多钱咁，呢间唔住咪买过间囉😂”。
有网民一针见血指出盲点：“住到要烧炭，风水系点自己谂”、“屋企嘅风水真系好紧要，如果间屋风水差，住落会好影响运势，就算唔使钱都系咁话”。
更有疑似过来人抛出震撼弹，淡淡然的一句回复：“冇嘅，我病咗几个月”可堪回味；亦有人分享身边人撞板经历：“有朋友住过之后成日病，佢自己唔信，但佢家人Ｘ到佢飞天，最后都要佢搬走咗 😂”。
网民忧易买难卖
除了鬼神之说，亦有精明网民实际地指出“凶宅”的致命伤在于市场流转率：“易买难卖呢”、“唔会自住，只做投资放租”、“你转手未必卖得出。不买”。
网民苦口婆心提醒楼主，就算过得了自己那一关，也要考虑下一手的承接力：“你自己惊唔惊系你自己问题，但呢类货市场未必接受，或者愿意用市价接受”、“你考虑到唔介意嘅下一手用咩价钱承接你个单位就得...... 或者，你预咗住一世”。
资料来源：dreydreydreyyyyy＠Threads
相关阅读：
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
