“小巴恐惧症”发作 港女直击邻座蚊滋咁细声嗌有落惨遭飞站 结局闻者心酸｜Juicy叮
港人搭小巴最怕遇上“亡命Van”和嗌“有落”。有港女早前便直击邻座乘客“小巴恐惧症”发作一幕，蚊滋咁细声嗌落车，最终惨遭“飞站”处理，结局更是闻者心酸。帖文引起大批网民共鸣，纷纷围炉“斗惨”，有人甚至自爆曾因唔敢开口而搭到去总站。详情见下图及下文：
“小巴恐惧症”发作 港女直击邻座蚊滋咁细声嗌有落惨遭飞站 结局闻者心酸逐张睇↓↓↓↓
楼主直击：细声到以为同我咬耳仔
楼主前天（12日）在社交平台 Threads 发帖，留言直呼对不起：“Sorry（对不起）唔敢嗌有落嘅人，我真系忍唔住笑咗出嚟，我下次一定会帮你嗌多次！！！”
楼主续指：“😔隔离位突然发咗啲气声，我load（读取）咗一阵先知佢嗌紧XX有落，真系细声到我以为佢想同我咬耳仔。。。”
楼主接着讲出心酸结局：“🤡然后就飞咗站，我偷望咗佢一眼，佢超级平淡咁望住窗边，好似习惯咗咁，好Ｘ心酸！Ｘ！”。
网民大有共鸣：要鼓起勇气先敢嗌
这段充满无奈的小巴奇遇在网上爆红，有网民感同身受，直言：“每次都要鼓起勇气先可以叫有落😔”、“想嗌有落之前，个心入面真系好多小剧场😭😭”。
有人为了避开这个“社死关口”，会采取“陪葬式”搭车法：“每次都好惊，如果有人喺前一个站落，我会跟埋一齐落，最多行远少少🤣，怕自己想落个站冇人嗌落车”、“多数都系等人叫跟住落，但有次冇人叫落车，要喺总站行返去”。
小巴恐惧症大合集：情愿搭到总站
网民越讲越兴起，演变成“小巴恐惧症大合集”，不少人自爆曾因为不敢开口嗌“有落”，而选择默默坐到总站：
•“我细个𠮶阵觉得自己把声难听，都唔系好敢嗌有落。有次无人叫，我自己又唔敢，唯有搭到总站转番巴士返屋企😹”；
•“细个坐小巴唔够胆嗌落车，试过搭佐敦道小巴我要喺旺角落车，平时一定有人喺旺角落，点知𠮶次冇，仲要啲灯位劲顺，一嘢就去咗佐敦🤣🤣”；
•“就算唔怕叫有落，但有啲时刻系真系唔想讲嘢，咁就会无嗱嗱由总站行返屋企”。
尴尬往事：嗌错“司机走葱”
有人更忆述当年的尴尬往事：“我有次嗌咗‘司机落车’”；“我后生时都唔敢叫，每次提前两个站就心跳加速手震，好紧张咁鼓励自己要勇敢啲，每次都心急黐咗脷筋咁 lur（螺）出嚟。有次仲叫错咗‘司机走葱！’，后来我净系练习一句：前面有落！”
网民自救心得：坐最前 / 举手
为避免被飞站，网民各出奇谋分享“有落自救”心得：
•坐车头： “通常要搭唔熟路嘅小巴我都会坐第一排，方便问司机，当然我都会上车时先同司机讲定边度落”；
•举手加声音： “细个细胆唔敢叫，叫出嚟冇声㗎阴公。之后次次都坐司机后面🤣，叫落车顺便举埋手，举到几个司机都记得我🤣，到站自动停🤭”。
感谢拔刀相助“豪迈乘客”
幸好，小巴上总有一些乐于助人的“豪气乘客”：
•“试过坐后排，我自问都算大声，叫咗有落司机无反应...好彩有个男士劲大声‘有落呀！！！’司机先停车，仲俾司机话我细声，个男士即刻帮我讲：‘人哋叫咗几次啦！’谂返都好多谢𠮶位男士🙏🏻”；
•“试过喺最后排有个老人家真系好努力叫，个司机都听唔到。我坐喺中间都忍唔住帮佢嗌落车，虽然之后被个司机Ｘ点解我嗌落车又唔落”。
有网民一语中的总结：“搭小巴真系好讲技巧。要吼住咩位嗌有落，太早怕司机唔记得，太迟又埋唔切边俾司机Ｘ，仲要注意音量确保司机听得到。真系好唔简单”；有人则庆幸“依家有钟揿，唔使嗌，超开心”。
资料来源：yuet2xd＠Threads
相关阅读：
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
