外佣“神仙级”待遇大晒冷 港妈爆邻居出$9500重金请人 5天工作朝8晚5每年送机票 网民亮出更癫福利｜Juicy叮
外佣“神仙级”待遇大晒冷。有港妈近日在网上发文，爆出同层邻居以9500元重金请人，待遇是5天工作、朝8晚5兼每年送机票。不过高处未算高，网民纷纷亮出听过更癫的外佣福利，有人出钱供工人仔女读书，甚至终极送楼。详情见下图及下文：
外佣“神仙级”待遇大晒冷 港妈爆邻居出$9500重金请人 5天工作朝8晚5每年送机票 网民亮出更癫福利逐张睇↓↓↓↓
楼主：同层A室个靓太俾$9500
楼主昨天（5日）在社交平台Threads以“工人姐姐”为题发帖，留言指“我邻居问我俾几钱请工人，我讲咗大概，佢居然发恶话：你知唔知你俾咁高，到时我工人知道，又扭要加人工😠”。
楼主续鬼马地指，“我好唔好同佢讲，同层A室个靓太，工人系返Mon to Fri（周一至周五）8am to 5pm，每年送一张机票返菲律宾，人工$9500😅 （我有时同靓太讲，不如请我🤣我唔使你包机票仲抵）”。最后，楼主向网民发问：“你哋见过最夸张俾工人系咩offer（待遇）呢？”。
网民大爆超夸张外佣待遇
如此一问，即吸引大批网民热烈分享他们听过或见过的“超夸张外佣待遇”，各种“神仙级福利”令小市民及打工仔大开眼界：
•助养全家： “暂时见过最夸张，供埋工人嘅仔女读书，直至岀身做嘢”。
•神仙打工： “我fd（朋友）~个女放暑假7月中就俾工人返菲律宾等开学先返（薪金照出），仲有出街食咗自助餐，去迪士尼都请埋玩”。
•夸张送楼： “返10 am - 5 pm，工人房500呎，人工50k（5万元），每年一个月大假，100k（10万元）bonus（花红），做到60岁送层楼俾佢”。
网民分享：住海景私楼、开启第二人生
另有网民详细分享了身边的实例，证明好雇主大有人在：
•“某跨国银行嘅高层，4工人 + 司机，司机负责车工人去买𩠌 + 接送小朋友，1个工人净系负责照顾个小朋友，2个负责家务 + 执屋 （2层），1 个凑宠物”。
•“岀粮之外每个月储笔钱俾两个工人第日返乡下起屋，一年两个月唔喺度，叫个工人唔系喺房，岀嚟厅睇电视，最后佢哋移民，一个工人返乡下，一个跟咗去加拿大做跳板，依家去咗意大利做护士，开启第二人生”。
•“我老爷，出几多钱人工唔知，但俾一间独立嘅2房600呎私楼海景单位2个工人住，只有𠮶2个工人住！ 佢住同幢另一间更大嘅单位。叫工人拎2只喇叭落车，每人200元贴士。平时每个月都至少有一个星期去咗旅行，佢啲工人爽过我两公婆”。
•“我哋$9000 ，一年一张机票返去菲律宾，圣诞放一个月。如果我哋两公婆都喺香港唔使出差，佢就返一至五，11:30至夜晚8点，主要凑细𠮶个放学，同佢去公园玩，帮我哋煮晚餐。一齐食饭，嘢食平均分，唔会要佢食差啲嘅或者匿埋厨房食，同埋都俾埋膳食津贴。（如果要出差的话，咁佢星期六都要返，因为星期六好多课外活动要带出带入。）姐姐都系人，都系为咗生计出嚟打工，可以的话，都唔使使到咁尽”。
凑足30年 患癌外佣获赠几百万
在众多留言中，最令人动容的莫过于一个发生在20年前的感人故事：
“20年前嘅事，朋友唔算好有钱，高级中产，工人做左30几年，由我朋友出世凑到大，人工万几，住200呎独立套房有车揸，人好做嘢更好。60几岁突然发现癌症未期，自己执齐嘢偷走返菲律宾乡下等死，朋友请人揾到佢地址，成家飞过去睇佢，再俾咗几百万佢”。这份超越主仆的情谊，让不少网民大受感动。
网民反思：同人唔同命 际遇最重要
不过，也有网民提醒，外佣的待遇始终与雇主的经济能力和双方的缘份有关。有人就中肯地指出：“其实多与少都好多因素，工人姐姐同我哋打工仔一样，雇主就系佢哋嘅公司，遇到好公司待遇就自然好啲...好多时能力工作量同人工都未必成正比，好讲自己嘅际遇”。
同时亦有人提到，有些外佣即使拿着最低工资，每天工作十几小时，依然“仆心仆命做”：“有能力先做得起，可以multi tasking（处理不同事项）嘅工人一个顶2个俾多啲钱冇问题啦😂人比人比死人，见识过俾最低工资每日4am起身煮饭到夜晚10-11（时）先可以冲凉，但仍然仆心仆命做，做到跌断手入院两日出院继续要做粗重功夫”。
资料来源：meanmama.hk＠Threads
相关阅读：
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
