㓥房租客变业主 死悭死抵储$150万买$400万楼 月入$3万打工仔遭朋友嘲接火棒｜Juicy叮
有月入3万元的打工仔成功由㓥房租客变业主。毕业后打工，死悭死抵储150万元后，咬紧牙关胆置业，买下一层价值400万元的物业。跟朋友分享喜悦时却被大泼冷水，嘲讽如今买楼好比“接火棒”。网民却有不同看法，几乎一面倒力撑楼主上车。详情见下图及下文：
㓥房租客变业主 死悭死抵储$150万买$400万楼 月入$3万打工仔遭朋友嘲接火棒逐张睇↓↓↓↓
楼主：冇乜人穷过我都够胆上车
楼主日前在社交平台Threads以“买楼”发帖，留言指“应该冇乜人穷过我都够胆上车🙈”。
楼主自述“grad（毕业）后自住咗几年㓥房，月租6k（6000元），平日好悭，前年人工30k（3万元）都唔够，冇父母干，连埋投资储咗150（万元）左右，买咗间400（万元）楼下。而家月供12k（1.2万元），但生活质素好好多，完全冇后悔”。
虽然如此，但楼主却无瘾地指“不过买咗之后好开心，同fd（朋友）分享，点知被人笑我接火棒、因住负资产”。楼主最终感叹“可能只系我一厢情愿当人系朋友😮💨”。
网民力挺上车决定
网民对楼主的遭遇反应热烈，当中多是支持或劝勉。有网民力挺与鼓励楼主的上车决定，有人直言“香港人就系最钟意泼冷水。你嘅决定冇问题。加油”、“你储钱能力不错，买到楼其实都几叻”。
有人更称赞上车“有远见，决定唔会错👍”、“做得好！邓你开心，咪鬼理人点睇，住系自己地方点都唔同啲，好快就再储到另一个200万再换过好啲嘅环境😆”、“唔使理其他讲咩，最重要系自己觉得舒服、值得，呢啲系钱买唔到嘅😊”。
网民：恭喜有自己小天地
更有网民由衷恭喜，指“恭喜您有自己嘅小天地”、“你好叻👍 好多人睇唔过其他人过得好，唔使理佢哋”。有人甚至预言“到你供完，佢哋都系会讲‘傻嘅先买楼’所以不用理会”。
另有人指出，“自己有能力供。有个安乐窝，住得开心，又唔系拎嚟投资，就算未来真系会变负资产又点？你而家赚到嘅系生活质素，呢样嘢无价，再讲未来嘅事无人知”。
网民：唔需要理人咩睇法
更多网民强调“最紧要自己开心唔需要理人咩睇法👍”、“买会俾人笑，租都会，理唔到咁多人，最紧要自己舒服”、“住喺自己地方点都唔同啲”。
网民更似乎会读心，批评楼主朋友的言论，认为他们大都出于嫉妒，有人一针见血地指出：“真正嘅朋友只会有几种反应，一系邓你高兴、二系担心你会唔会大压力、三系客观咁俾建议你，而唔系嘲笑同贬低你，佢哋笑你只系因为吃不到的葡萄系酸嘅，自己无能力亦都唔够胆买咪唯有笑你嚟抬高自己”。
另一位网民也补充“储到150m（150万）都叻仔㗎，信你上楼有谂清楚，fd（朋友）眼红姐（啫）”。
网民：远离影响情绪嘅人
更有网民分享自身经历：“我8年前买屋𠮶阵，都被身边所谓朋友‘说三道四’，我全部blocked（封锁）”，并建议事主“尽快远离影响你情绪嘅人！”。
有网民则从更深层次剖析，指“可能因为大家都系同温层，或者系同一个世界同一个圈子先做到朋友。当你离开咗原有嘅世界同圈子唔再系同温层，你就系异类。相对地，你就会认识到识嘅同你同一世界同频嘅人。朋友会因你嘅际遇同改变而换过一批，其实真系唔需要太在意”。
网民：成世帮人供楼先最蠢
有网民更从反面角度强调买楼的重要性，指“成世帮人供楼先最蠢，睇下到70岁时仲有无人够胆租俾佢哋，惊你无钱交租，分分钟死埋，变凶宅呀！”。
还有人补充“反正你都要交租，买嚟自住有咩问题，你啲朋友都戆ＸＸ，系唔系都要住㗎啦唔通交租交一世”、“唔通一世都帮业主供楼，到你供满之后就系你自己了，到佢哋70、80岁，睇吓仲有冇人租俾佢哋，加上你本身都租紧楼，帮人租，不如自己买❤️，自己负担到就冇问题”。
高人教路理财
另有理财高人建议“好劲㖞，由㓥房租客变业主，仲要月供12k，应该系你会负担得起。不过如果有投资，建议扣起月供金额甚至多几个月嘅金额，咁股市情况唔好或者唔好彩工作上有咩问题都仲可以继续供楼，加油呀💪🏻”。
资料来源：ashkli95＠Threads
相关阅读：
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
