门外疑现诡异踩线记号 独居户惊到唔敢去厕所 网民拆解烟头、钉、纸皮石格数密码｜Juicy叮
有独居户怀疑被贼人在门外摆放诡异的踩线记号，惊到厕所都唔敢去。对于一对摆放端正，好比肃立的“烟头＋钉”，网民尝试细意拆解烟头、钉、纸皮石格数当中潜藏的可疑密码。详情见下图及下文：
门外疑现诡异踩线记号 独居户惊到厕所都唔敢去 网民拆解烟头、钉、纸皮石格数密码逐张睇↓↓↓↓
楼主：屋企门口被放烟头同钉
楼主早前（26日）在社交平台Threads上载相片发帖，留言指“X，好X惊，屋企门口被人放烟头同埋钉，放到好X端正，贴埋一齐，好似同我肃立咁。系被人做记号定系我谂多咗😭近排屋企得我自己一个”。
楼主：发现个下惊到厕所唔敢去
楼主描述的令人不安景象相当到位，但见一个烟头与一支钉子被整齐且紧密地摆放著。
由于楼主强调“近排屋企得我自己一个”，这份独居状态更增添恐惧，在回应栏补充时坦言：“近排都系下昼出门口😭”、“发现个下真系惊到厕所唔敢去”、“吓到我房门都锁埋😖”。
高科技保安法——装cam
楼主的恐慌在网络上引起网民关注，纷提供建议协助保障居家安全。不少网民都担心这可能是一个不怀好意的“记号”，提醒楼主“出入要留神”。
有人务实地提供多种安全建议，包括高科技的“装cam（镜头）”，买一款“当有人经过你屋企佢会自动响，有提示”，甚至买锁加强保安“建议大门内装多几个锁头，屋入边可以多重反锁”。
低科技保安法——门口摆对男人鞋
有人作低科技建议，如“摆对男人鞋喺门口”、“摆空城计，长期打开度门”、“你不在家时，屋企长期播放收音机节目，等佢以为有人”、“长开电视或播音乐，出门口同空气讲byebye（拜拜）、“整个收音机，或电视机成日开住”。
另有人提出“回到家同空气讲返嚟啦今日无出去咩”、“如果有拜神咁你出门口嘅时候烧一烧枝香喺门口，多数人都会觉得屋里面有人／好快会返屋企”、“黐个欠债还钱系门口，佢即刻转目标😂”、“录制啲狗吠声，同人声，冇人𠮶阵循环播放”。
对于已发现的“记号”，有人直接建议“一脚踢到佢冇雷公咁远啦”、“扫走佢咪无咗囉”；但细心的楼主则谨慎地回应：“我𠮶阵都系踢走，不过好似收埋更好，万一真系有咩发生都叫做证据😔”。
网民提混淆视听做法
有网民建议采混淆视听法，“放多粒钉同烟头，大一大佢”，甚至“放多几个喺同层唔同单位”、“你黐多几个烟头喺隔离屋咪得”、“帮佢加够30支烟同50口钉😂”。
网民拆解烟头＋钉密码
有人则实牙实齿地指明这是踩线，称“摆得咁整齐可能会有啲目的，似记号，你试下唔好咁定时出入”；有人更加尝试细意拆解烟头、钉、纸皮石格数当中潜藏的可疑密码——
•钉代表一人，好少用呢啲钉，除非你附近有木板工程；
•钉系老人、烟系后生、格数系出现时间；
•一支烟，一支钉，代表贼人发现你有一个老人家，一个后生男喺屋企，打横代表成日有人！我估㗎咋。
网民：纯属巧合
不过，也有网民从“巧合”的角度去解释，有装修师傅提出：“食完烟唔小心跌咗烟头同枝针其实都好合理”。
有好眼力的网民进一步解释：“呢只系拉钉条芯，通常装冷气换铝窗门都用，可能有条Ｘ街喺你隔离左右做小工程，喺走廊食烟兼打钉🤔”，建议楼主“可以问问楼下管理处今日有无你住家方向换冷气或窗，因为做记号通常拣唔显眼地方mark（标记）”。
楼主对此回应：“多谢师兄小知识 ，我几相信呢个讲法😭但系都系好惊”、“系，不过发现个下真系惊到厕所唔敢去”。
资料来源：mck_l1＠Threads
相关阅读：
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
