万元靓鲍溏心风暴 港妈狠下一“毒手”变汤渣 网民齐爆糟蹋贵价食材惨案｜Juicy叮
一名厨师近日自爆溏心风暴，肉赤地讲述家中珍藏的30头吉品溏心鲍鱼遭遇不测，被母亲手起刀落，下一“毒手”即惨变煲汤料的经历。网民大叹暴殄天物的同时，也哭笑不得地爆出更多贵价食材被家人误用的嘥料惨案。详情见下图及下文：
万元靓鲍溏心风暴 港妈狠下一“毒手”变汤渣 网民齐爆糟蹋贵价食材惨案逐张睇↓↓↓↓
楼主：煲汤成本用咗万几蚊
楼主早前在社交平台Threads上载短片发帖，留言指“妈妈见我的30头旧吉品溏晒，切晒啲心，用来煲汤！一煲煲咗万几蚊，赤到我，瞓咗觉都弹起身”。片中见到汤勺滔起鲍鱼渣和红萝卜。
楼主并在回应栏补充，“因为（30头旧吉品溏鲍）可以炆，煲汤成本用咗万几蚊”。
网民安慰：都系食落肚遮
有同情楼主的网民指“睇到都觉得心痛”，也有人“斋睇都觉得肉赤 😂”。另有人好言安慰，指“好唔好饮先，最重要🤣🤣”及“至少好好饮”。
有人更直白地表示：“买嚟食㗎吗，食咗落肚啦，冇问题😄”、“都系食落肚遮🤣”、“自己食嘅都好啦”、“都系食落自己个肚啫，唔紧要啦！☺️”、“至少有你份（食）吖⋯⋯”、“一家人一齐食大家有口福 大家高兴已经值得”。
有网民则从另一角度劝解，指“好彩佢唔系以为发晒霉，直接掉咗佢”、“好过好多妈妈收埋到发霉都唔舍得食”，有人甚至建议“抽返几旧去炆：（”。
和牛变菜心炒牛肉
这宗“鲍鱼惨案”引发不少曾有类似暴殄天物经验的网民共鸣。不少人敞开心扉，分享了自己或朋友类似的肉赤经历：
和牛变菜心炒牛肉：“我都试过，俾工人拎咗我啲成千银嘅和牛，俾佢菜心炒牛肉…重点系，系工人自己食，我冇得食😂（我发现到系因为我入厨房见到有菜心炒牛肉，而牛肉嘅色水完全唔似平时啲牛肉，我一问佢先知），所以你有得饮已经好好！”
顶级红酒变炆牛尾：“有个名人个妈妈见个仔将啲红酒（Lafite）放喺洗手盆下面用咗嚟炆牛尾😇”。
西班牙火腿炒津白：“我之前喺西班牙买咗旧伊比利亚火腿返嚟，有一日我阿妈拎咗嚟炒津白，炒之前仲要出一出水😂”。
虫草花蒸鸡变虫草蒸鸡：“我同事个工人用虫草蒸鸡，佢以为虫草就是虫草花…………成蚊嘢一碟蒸鸡😂😂😂”。
大嚿金华火腿煲汤：“（工人）将我friend（朋友）云南带俾我做手信𠮶一大嚿金华火腿，成嚿攞晒嚟煲冬瓜汤，可能佢试咗味先，我返屋企佢第一时间话我知佢完全冇落过盐”。
威士忌当烧酒：“咁我99（奶奶）攞咗屋企支麦卡伦（威士忌品牌）嚟当烧酒咁出水用都唔系好伤啫😂”。
其他惨案还有：
•“朋友老母将三文鱼生蒸熟来吃😆”；
•“我都试过因为我阿哥返嚟食饭，我阿妈一嘢煲咗我包$1500嘅花胶，cＸs😭”；
•“工人姐姐一次将一斤鳄鱼肉煲汤；我问：咁鲜甜，下星期再煲。姐姐答：要再买😣”；
•“试过喺北海道拎啲白粟米返嚟，谂住大家一齐当水果食，屋企人话想用嚟做粟米羹”；
•“我老母将我袋帆立贝刺身全部一次过烚熟晒🤗，唔系好贵嘅$600左右啫，但系所有帆立贝系overcooked（过熟） 🤗🤗，唯一可以赞嘅系鲜甜嘅”；
•“咁我买箱糖心苹果返嚟，佢哋切晒话烂咗，成箱掉晒，都唔算好肉赤啫；🥺佢哋觉得个糖心=只苹果喺入面熟烂咗，系搬返嚟有啲重同冇得食， 你个边就又贵又好味😋😋😋”
网民妙法免重蹈覆辙
面对这些屡见不鲜的“惨案”，网民们提供实用建议避免重蹈覆辙：“放屋企的贵嘢最稳阵就贴Label（贴标签），否则不明文规定为屋主所用🙈”、“凡是屋企有唔识货嘅人，一律建议唔好摆啲靓嘢喺屋企！”。
资料来源：home_little_chef＠Threads
相关阅读：
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
