楼上狂倒水将军澳街坊无符 过来人好言相劝无改善 自爆曾冒险做一事吓退自私精｜Juicy叮
有将军澳街坊受楼上狂倒水影响，窗外日日落大雨，在无符下拍短片在网上公审兼大呻。有过来人则分享自身经历，指好言相劝无改善后，自爆曾冒险做一事成功吓退自私精，从此“楼上倒水掉垃圾绝迹”。详情见下图及下文：
楼上狂倒水将军澳街坊无符 过来人好言相劝无改善 自爆曾冒险做一事吓退自私精逐张睇↓↓↓↓
楼主：日日好似落雨咁
楼主前天（18日）在社交平台facebook群组“将军澳主场”上载短片发帖，留言指“楼上每晚倒水落楼下，日日好似落雨咁，管理处劝佢唔听，可以点做？”。
楼主后来无奈地补充“其实已经拍咗片，就系正正楼上个单位，通知咗管理处，佢话上面唔认”。
家居问题影响深远，网民都热烈回应，谴责自私精之余也同情事主，并自爆苦况——
•“我都系，厨房位置间中就倒水咁，但看不到那层倒水，唯有每次都关窗，唔明啲人可以咁自私”；
•“我楼上都系咁啦，喂白鸽又系佢，洗窗台又系佢，就唯有当自己唔好彩”；
•“我屋企楼上都系咁呀👀，已经拍过两次片亦通知过管理处，自己走埋上去拍门添，里面明明有人就系唔开门，扮无人。。。。。。”。
•“一模一样，我住𠮶度又系咁，楼上条Ｘ街晚晚半夜洗厕纸，跟着就成桶水由厕纸窗倒落去。 投诉就话楼上楼下忍让下！未见过咁Ｘ街嘅人”；
•“讲到倒水下来。我本人身受同感的（公屋）。我以前单位不知几次倒水下来，弄到水渗入时弄到窗户附近成天湿的。之后上面古惑家伙趁下雨才倒下来了。我打去吵管理处了。如果下雨了拍不到证据了。只能投诉处理了。但近年楼上好像乖了些了”。
过来人：闹咗半个钟
有过来人更加慷慨分享成功经验，自爆“上年我顶唔顺就逐层楼问上去，确认咗倒水的住户，好言相劝。今年再次捉正，我冲上去拍门闹咗半个钟，隔离邻舍觉得我滋扰报咗管理处，管理处来到一如既往冷处理话会出通告，踩佢都傻啦！唔一次闹到位，楼上唔会惊，自次之后，楼上倒水掉垃圾绝迹”。
过来人补充“当时我成个颠婆咁，又踢又拍又闹，我老公喺度同啲睇热闹啲邻居解释，呢场大龙凤，佢仲惊过我”。
另一过来人也曾用类似办法“我自己都试过，管理处话无得搞，我自己胆粗粗做野蛮人喝上去，两三次就解决咗🤣”。
还有网民分享另一成功经验，指“我试过，拍片，揾埋管理处上去同佢嘈，话再有下次就报警，跟住管理处岀埋notice（告示）写明再岀现这情况，我会报警处理，之后就无再发生”。
网民：会唔会系水管爆裂？
有人则尝试推测“会唔会系水管爆裂？”、“好有可能是冲凉无关窗。于是流到楼下。试下过邻居望吓是那户，告诉管理处”。
更有网民豪气地提出“租佢上面以其人之道还治其人之身”、“买个楼上个单位，日日倒水，俾佢试吓你嘅感受😂”。
资料来源：FascinatingPhoenix4704＠facebook将军澳主场
相关阅读：
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
