港铁男乘客月台艳遇 两“飞来蜢”少女索联络方法 过来人点出破绽 提醒呢招长玩长有 ｜Juicy叮
一名男乘客早前在港铁长沙湾站月台等候交收期间，突然被两名飞来蜢少女上前答讪，声称玩游戏要每个站揾人交换联络方法。不少过来人原来也曾有过同类“艳遇”，有人甚至以案件重演方式点出破绽，提醒呢招长玩长有。详情见下图及下文：
港铁男乘客月台艳遇 两“飞来蜢”少女索联络方法 过来人点出破绽提醒呢招长玩长有逐张睇↓↓↓↓
楼主：无啦啦有两个女仔走过嚟
楼主早前在社交平台Threads上载月台相片发帖，留言指“啱啱喺度（长沙湾站月台）等紧交收，无啦啦有两个女仔走过嚟话玩紧Game（游戏），话要喺每个站揾人交换Contact（联络方法），我本能反应秒拒绝，唔系呢即系我觉得好多时都好鬼，无端白事唔会有人搭讪你同你交换Contact”。
楼主在回应栏补充，“即系咁讲，我都对自己个样有自知之明，就算有朋自远方来，都觉得系非奸即盗（真系试过，唔系保险就系借钱），何况系陌生人，所以话咩街边炒牌吖或者见到想问佢拎ig（拿Instagram帐号）嘅一律系有Ｘ病”。
网民：我都喺长沙湾试过
原来不少回应的网民曾被答讪，纷以过来人身份分享类似“艳遇”——“我动漫节𠮶时喺会展遇过类似Case（案例）……”、“我都喺长沙湾试过，话玩酒Game”、“早前喺何文田站都遇过，即刻Say no（说不）”。
当中有人提到“试过连续两日喺同一个地方，同一个人话佢玩紧Game，话好似Running man咁，要问电话，第一日无理，然后第二日我同佢讲你连续两日都玩同一个Game吖🤡”。
另有网民提到在“观塘骆驼漆（大厦）附近试过无啦啦有人叫你俾个支持佢，讲啲鼓励说话，我心谂三五识七俾乜都无用，不过见后面好似有人落搭”。
网民：走埋嚟问我咩星座
网民还指出，搭讪者借口层出不穷，有人遇到“有日我坐喺荃湾西站，有个后生女走埋嚟问我咩星座，话系啲咩大学功课，问我攞电话想我Send（传）返个Sticker（贴）俾佢就完成任务。你无聊可以当吹吓水打发时间，但佢哋有个特点就系覆得好慢，大概24小时先覆你，可能太多客，去到后期就会问你几时得闲约出嚟食饭，想送支洗脸乳俾你，咁你就知咩事啦。利申：冇去食饭”。
有人案件重演式告诫，指“啲女仔嘅对话内容是咪大概这样：你好呀，我啱啱同Frd（朋友）玩酒Game输咗，需要揾3个唔同星座嘅人同埋攞你嘅嘅电话，我先可以免除个惩罚。Ｘ，咪我之前都试过，原来真系有同路人，我一样拒绝咗，毕竟有自知之明🤣之前仲同Frd讲话会唔会系真系睇上我，我冇俾电话佢有啲后悔之类，睇到呢个Post（帖文）就放心鸟（了），留友看…”。
网民：美容／中医／保险必中一范
而按网民的经验证明，这类搭讪最终“美容／中医／保险必中一范🙂↕️”。有人简单归纳“唔系美容就系传销”，或“𠮶啲乜嘢人生导师课程之类嘅嘢”，甚至“洗脑课程”。
续民爆后续：朋友帮衬成万蚊美容
接着，有网民详细描述这类搭讪的后续发展，“之后Ｗhatsapp你约做Facial（美容） 🙂↕️ 呢招玩咗咁多年，仲有人玩紧”；另有人说得详细：“我朋友早两个月左右就系中过，交换咗电话，食过几次饭。我当然有提佢好奇怪，佢有冇揾你着数？ 我朋友当时话冇。结果而家两个月后，我同朋友食饭先知原来𠮶条美容妹，已经揾佢帮衬咗两次美容疗程，加埋成万蚊，仲叫佢要申请信用卡，准备迟啲再签爆佢。”
网民提爆笑对付方法
虽然网民普遍认为这类搭讪带有欺骗性质，但有人却一针见血地指“好多毒Ｘ信㗎......所以呢招长玩长有～”。
有人则以幽默方式应对——“我同佢交换咗Contact😏，我讲完自己做保险再问佢就消失咗......”；更有网民建议“交换电话系18222（防骗易”热线）”、“平时边个得罪你，讲佢电话号码出嚟就啱晒”。
资料来源：_blackcat_11_16＠Threads
相关阅读：
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
