港铁电脑男车厢乱吐“指甲弹” 好声好气劝止无效 港女运丹田气成功伸张正义｜Juicy叮
港铁车厢惊现乱吐“指甲弹”核突男，边用手提电脑边咬手指不特止，还把咬甩的指甲吐在左右两边。坐其身旁的一名“高级大人”女乘客在好声好气劝止无效下，透过运丹田气力斥，成功伸张正义，喝止恶行。网民大力表扬，齐声赞叻猪。详情见下图及下文：
港铁电脑男车厢乱吐“指甲弹” 好声好气劝止无效 港女运丹田气成功伸张正义逐张睇↓↓↓↓
楼主：做咗高级大人会做嘅事
楼主早前在社交平台Threads以“地铁大战”为题上载相片发帖，留言指“话说今日做咗高级大人先会做嘅事——就系同乘客表达不满”。
楼主讲述详情时表示“是咁的，由上水站上车，坐落二人位，另一个位已经坐咗一个男士。过咗一个站，佢开始攞部Laptop（手提电脑）出嚟睇嘢，一路睇一路咬手指甲，不特止，佢咬完仲要将块指甲掉落左／右脚边😵”。
震惊的楼主称“哗，忍多一个站，终于忍唔住好声好气、细细声同佢讲：‘唔好意思呀，麻烦你可唔可以唔好咬手指甲然后掉落地？因为好唔卫生😅🙏🏻’（指一指地下）佢望一望我，冇出声，停咗冇再咬。个样好不屑。（佢个样系听得明但唔想停）过咗几秒，又再将手放近个口。咁我就再好细声，转用普通话问佢：‘你听得懂吗？🥺’佢好串咁话：‘听不懂！’”。
楼主接着讲述后续情况，指“由丹田发力：‘我是说，请你不要再咬手指甲了好不好！你咬完再扔到地上！很不卫生！’”。
电脑男：可以不要那么大声吗？
楼主讲述对方反应“个男人即刻劲细声：‘可以不要那么大声吗？😠’，我：‘你刚才说听不懂，我怕你听不懂又听不到，所以跟你再说一遍😀。谢谢🙏🏻’。佢都系：‘可以不要那么大声吗？谢谢！’，佢可能发现惹著个癫婆，都系唔好搞咁多嘢，终于都停咗冇咬，然后喺大学站落咗车”。楼主在帖文结尾时表示“你咬指甲食返落肚唔紧要，但咬完扔落地冇公德心呀嘛😵”。
网民：好勇敢嘅高级大人
对于这场涉及公共卫生及个人礼仪的“地铁大战”，引起不少网民的共鸣，有网民肯定楼主的勇气，指“Respect（尊敬），好勇敢嘅高级大人！面系人哋俾👍”、“做得好”。
有网民接着指“好声好气讲系唔会听”，楼主也现身表示：“我一开头都谂住系人都要面，好声好气同佢讲，点知扮唔识听。冇计啦😟惟有大家一齐样衰😟面斥不雅”。
楼主：初时以为撩鼻屎
另有网民则重点谴责电脑男的“冇公德心”。楼主还在回应栏补充，“我初时都以为佢撩鼻屎，所以我系有拧个头过去、正眼望住佢究竟做紧乜。而佢发现我望佢，都有望返住我。初时以为咁样眼神示意，会令佢唔再咁做，但原来系自己天真咗，佢系继续咬继续掉😵所以先有以上对话”。
资料来源：thefungsnichijou＠Threads
相关阅读：
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
