林盛斌被嘲“猪头炳”冇样欠品味 苦等20年吐气扬眉：唔可以睇死自己丨独家

凭《女神配对计划》人气急升，林盛斌（Bob)首夺“最佳男主持”，恨足20年终圆梦。他自爆得奖背后有唔少辛酸史，曾被隔篱电台嘲讽“猪头炳”、衣着冇品味、只接到屋邨骚，扮鬼扮马亦被取笑骑呢 cheap，但他将冷嘲化为养分，终获大品牌赏识，体会到“人家睇死你唔紧要，自己唔可以睇死自己”。 采访：方骞平 摄影：朱伟彦

首夺“最佳男主持”的林盛斌坦言：“真系好开心，期待咗好耐。20年前由电台助理做到DJ，再入电视台主持拍剧，大家睇住我演变，眼见师兄师姐一步步做到‘最佳主持人’，都有期待几时到我？尤其年前拆分成男女，机会自然加速一倍。”

Bob终于圆梦成为“最佳男主持”。

林盛斌苦等“最佳男主持”20年。

BOB手执奖项爱不释手。

林盛斌曾被隔篱电台嘲讽“猪头炳”、衣着冇品味。

BOB面对压力仍坚持要努力向上。

BOB成功背后有辛酸史。

他最感恩《女神配对计划》及《攻你上大学》增强信心：“有时街上有fans拉住话‘净系投你一票！’当晚颁奖礼更获同行鼓励‘今晚谂咗感言未呀？’公布一刻，原来真系要靠演技做表情管理。我呢方面管理唔到，内心滚动劲想喊，不断反问系咪真㗎？脑中一片空白。”恨奖恨足20年，他希望有一个长寿经典节目，而《女神配对计划》正好配合他的媒人身份。

阿Bob获奖后激动“锄”烂个奖成为焦点。

“最佳男主持”林盛斌（Bob）与“最佳女主持”车婉婉齐于尖沙咀日本餐厅包下厢房，慰劳《中年好声音》、《女神配对计划》及《攻你上大学》全体幕后，相当有心。

《女神配对计划》成为Bob代表作。

BOB成为茶余饭后话棒

问到风光背后可有受过打击？他忆述入新城电台主持《新香蕉俱乐部》几年，开始有人认识就招来话柄。有朋友向他报料：“隔篱台有一班 DJ 每日私下笑你个样‘猪头炳’，佢哋又潮又型，笑你啲衫唔系潮牌、着得唔好睇，做节目语气粗鲁麻甩，讲情讲爱冇营养，仲笑你开部欠品味嘅烂鬼日本飞仔车，不屑你成日做小型烂鬼商场骚……”他续说：“𠮶时我先知，原来有一班人成日拎我出嚟茶余饭后。冇影响力嘅人被留意都好惊讶，坦白讲我又唔系真系唔够佢哋有型、贴近潮流，阿妈生出嚟又冇佢哋咁靓仔……”他坦言，为了揾食，当时他确是接较多做屋邨骚，同行前辈更狠批：“睇佢个样就知，佢做嚟做去都系二、三线活动，大品牌、大型晚宴唔会揾佢。”

阿Bob早年在新城电台工作时畀人睇唔起。

当年阿Bob主持《新香旧俱乐部》时开始有fans。

林盛斌咬实牙关要争气

到了由电台跳去电视台头几年，他经常扮古灵精怪造型，比如卡通人物、经典电影角色，甚至慈善节目做五指山其中一只手指，同样被取笑：“其实冇乜好笑，我系做嘢、带出欢乐，扮鬼扮马系我职责，可能你笑点唔高就引唔到你笑。”即使被笑“骑呢” cheap、上唔到大枱，他却视为重要养分：“有呢啲人讲闲话，我更加要咬实牙关争气。几年后获汽水品牌公司邀请主持周年晚宴，我写咗篇长文，觉得吐气扬眉——终于得到大品牌赏识。我深切体会到，人哋睇死你唔紧要，你自己唔可以睇死自己，否则好难再进步。”

阿Bob跟细细粒在《老表，你好hea》激吻戏相当经典。

阿Bob曾在红馆开过talk show。

阿Bob有幸福家庭。

小朋友睡房。

林盛斌屋企好大，厨房都好阔落。

林盛斌曾曝光家居。

林盛斌豪宅越搬越贵。

当时同子女一齐拍片介绍间房。

阿BOB承诺继续派欢乐

得奖后他承诺继续为大家带来欢乐，刚拍完马来西亚贺岁片都系扮鬼扮马。导演话：“Bob，我做咗好多research，大马观众钟意你唔同装扮、戴唔同假发，钟意你乸乸哋嘅搞笑造型，一见你就开心。”至于可有升价？他明白市道有得做已好好，市面上选择太多，揾你都系性价比高。不过经理人话，多咗四成顾客要求报价。

反串扮古装。

搞鬼扮家燕姐。

林盛斌过往曾有不少爆笑造型。

林盛斌“徐小姐”造型撞样“南京红姐”。

扮相惹笑。

Bob唔介意扮鬼扮怪。

阿Bob在大马贺岁新片《妈妈又要嫁》派出欢乐。