王敏奕不效法糖妹明言未敢雪卵 唔知老爷曾志伟动向

王敏奕今日现身时装活动，以一袭低胸抢眼裙装吸引众人目光，近日有报道指王敏奕为好友糖妹“打针”雪卵，她表示紧张到手震：“我听佢讲好多年㗎啦，我觉得佢有呢个谂法想去做呢件事，我一直都好支持佢。虽然我个人冇办法陪佢飞去台湾进行呢件事，我都好庆幸佢有一part系返香港要support嘅，佢都系畀一个机会我去参与。”对于“打针”一事，34岁的王敏奕坦言也心生畏惧，甚至形容针头的长度令人心惊：“我打都手震㗎，啲针原来咁长㗎，都惊啊，唔系𠮶啲短嘅针。”被问是否有考虑冻卵时，她坦白回应：“暂时未有需要。”

新project要保密

提到老爷曾志伟卸任TVB高层后，王敏奕表示未闻对方新动向：“我都冇独家消息，临近年有新年，希望可以大家放个假先啦，有啲咩都新年后再继续过一个新嘅一年，好嘅一年再出发啦。”又透露工作未受老爷卸任而减少，对即将展开的新项目充满期待：“其实都好好彩嘅，即系有啲好好嘅机会啦，嚟紧都会有新嘅project，好期待可以快啲同大家见面！”

另外，王敏奕现身时装骚，强调拣选服饰时最重视的并非“性感”与否：“着衫最紧要系舒服，同埋要清楚自己钟意啲咩，着得出自己一个感觉为主，所以我冇乜谂性感或者唔性感，呢套衫我着得好舒服、好钟意！”又透露平日会“借”老公外套陪衬：“而家好兴Unisex㗎嘛，我都会有时会买男装褛，即系oversize少少咁样衬一件比较可能feminine嘅款！”

王敏奕现身时装活动。

王敏奕明言未需要雪卵。

王敏奕明言唔知老爷曾志伟新动向。

近日有报道指王敏奕为好友糖妹“打针”雪卵，王敏奕表示紧张到手震。

2019年，王敏奕与曾国祥结婚。

两人十分恩爱，不避谈生育话题。

王敏奕有爱情有事业，于《万千星辉颁奖典礼2025》凭《新闻女王2》“刘艳”一角获颁“最佳女配角”。