沙田街头遇露体狂 夜归女转身穷追：我无嘢惊，唔怕！ 拍下大只露械男狼狈反应｜Juicy叮
沙田一名夜归女日前在街头惨遇露体狂，惊魂甫定后心念一转，在“我无嘢惊，唔怕！”的信念下大胆转身穷追，结果以手机拍下大只露械男一狼狈反应。不过有网民紧张提醒，“一个女仔夜妈妈要小心啲”、“追上去其实有啲危险”。详情见下图及下文：
沙田街头遇露体狂 夜归女转身穷追：我无嘢惊，唔怕！ 拍下大只露械男狼狈反应逐张睇↓↓↓↓
楼主：心情似坐紧过山车
楼主本月16日在社交平台Threads以“露体狂”为题上载短片发帖，讲述惨遇变态男后难以用笔墨形容的心情，和穷追的心路历程。
楼主先警世地提醒“住沙田区嘅朋友！要小心！有变态佬出没！”，并形容自己的心情——“我而家嘅心情就好似坐紧过山车，好难以用笔墨形容”。
楼主接着讲述事件的来龙去脉：“事缘我如常搭𠮶架小巴返屋企，平时都有一两个人一齐过马路。过完马路我见有个男人行咗喺我前面，见佢个感觉好似揾紧路咁，跟住见佢落咗去隧道，然后又行返去我前面”。
楼主：睇佢个样同装束正常
楼主续称“我以为佢揾紧路点行啦。睇佢个样同装束正常，身形操过肌咁款，就无再为意，咪继续剪片”。
说到戏肉“点知！当我行到转弯位𠮶刻，佢老Ｘ呀！佢企咗喺墙边，打大赤肋露咗条Ｘ出嚟。我当堂吓到走夹唔抖，即刻系佢隔离跑走：Ｘ！系咪黐Ｘ线㗎！”。
楼主：几十岁人我有咩未见过
但楼主接着心念一转，表示“当我跑咗几步之际，我心谂我都几十岁人我有咩未见过！我无嘢惊，唔怕！于是即刻跑返转头，谂住影佢大头，点知条变态佬已经走到母雷公咁远，跑到去街尾位置。好可惜帮唔到佢出名！”。
楼主最后告诫“真系唔好睇个人四四正正，原来都可以做出咁癫嘅行为！一个女仔夜妈妈返屋企真系要每分每秒保持警惕，变态佬无样睇！”。
楼主：似喺沥源方向行过嚟
楼主在回应栏补充，事发于“大概（凌晨）2点尾时间”、“佢行路都亏亏地咁款”、“都唔知佢系咪做完Gym（健身）嚟，佢好似喺沥源𠮶个方向行过嚟”。
上载的短片由楼主边追边拍，“露体狂”当时“向紧沥源方向跑”，楼主沿马路边穷追，终在街尾见到“露体狂”正在狼狈地拔足狂奔，并在一路牌旁沿路左转。此时，楼主已跑得气喘连连。
有回应的网民指“条友逃走嘅跑姿咁似进击的巨人𠮶啲巨人🤣”，亦有人指“背影身型睇落唔似操过肌”。
网民力劝报警
不少网民都力劝楼主报警，有留言指“报警，有cam（镜头）好易捉”、“你要去备案！警方有机会揾附近cctv（闭路电视）捉条友”，另一网民则称“你照报警，通常几日内拉到人，太多实例”。
事件也勾起其他人的恐怖回忆，有网民爆料“沙田一路都有露体狂， 以前喺新城市广场，大概系而家松本清附近对住嘅大玻璃，我曾经见过有两团肉色嘅嘢贴住玻璃，心谂系咪有猫仔啦仲走过去望，望真啲原来系pat pat嚟㗎！ 跟住我就喺条路一路跑一路嗌有变态佬露体狂，有个保安好快就追咗出去可惜追唔到个变态佬😢，以前啲保安好尽责真系出尽力跑⋯ 总之，夜归都系要小心啲了”。
网民：追上去其实有啲危险
同时，不少人关心楼主的安全，提醒她“好彩条友走咗咋，点知呢啲变态佬会做啲咩，你一个女仔夜妈妈要小心啲”、“就咁睇片条街都ok静 追上去其实有啲危险”、“好危险啊，下次唔好啦”、“最怕佢引你追而有其他人埋伏”。
楼主则现身回应，称“其实都真系呀，条街好少人，我追𠮶刻都有啲淆，唔知佢仲系咪匿埋咗𠮶条柱旁边”。
也有人提供自保建议，称自己会“如果行些好静的位，或者夜晚条街无人，我会手持缩骨遮，当武器傍身”。
资料来源：togit.leather＠Threads
相关阅读：
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
