被呃3万拒醒觉！深水埗手机店主苦战堕骗局两婆婆 最后“咁做”全网叫好｜Juicy叮

深水埗一间手机维修店的店主在其Instagram上发布了一段影片，记录了两位婆婆堕入愈踩愈深的投资骗局，事件掀起网民热议，店主苦口婆心劝说，却敌不过婆婆们“有钱攞”的决心，最终只能作出一个心痛的决定，令人无奈。

被呃3万拒醒觉！深水埗手机店主苦战堕骗局两婆婆 最后“咁做”全网叫好↓↓↓↓

店主在其IG中发片发帖表示，当日两位婆婆走进店内，焦急地要求店主帮忙“整电话”。从影片可见，其中一位婆婆身穿粉红色背心，内搭黑白间条长袖衫，另一位则身穿深色背心，她们向店主表示，手机内的投资App无法开启，导致无法取钱。

“你唔安装个程式攞唔到钱，你明唔明呀？”

店主在帖文中写道：“今日有两位街坊嚟咗揾我整电话，话啲App要认证先攞到钱。”

对话一开始，婆婆便直接道出来意：“投资𠮶啲咁样啊，我就买比特币𠮶啲，将啲钱转落去啊。”店员一听，已察觉不妥，立刻警觉地问是谁介绍，婆婆只说是“网上睇到㗎囉”。

店员随即断言：“呢个系诈骗嚟嘅。”谁知婆婆完全听不入耳，更理直气壮地反驳：“咩诈骗？佢话安装（App）咗有钱攞呀嘛，唔安装冇钱攞呀嘛！”店主在影片旁白中无奈表示：“听到呢一度，我已经知道呢一个系典型嘅投资骗局。”

苦劝婆婆全当耳边风：“果度三万银囉”

随着对话深入，骗局的细节愈见心惊，婆婆透露已“日日投资啲钱转落去”，并且已投入了“三万银”。她们深信，只要支付一笔“手续费”，便能将投资回报取回。

片中见到，眼见店员迟迟不动手，婆婆情绪开始激动，催促道：“依家要攞钱呀，你明唔明白呀？”

店员尝试解释：“都攞唔到㗎，你信我呀。”但婆婆坚持要“安装吓先，得唔得先啦”，更称骗徒要加收“30%嘅手续费”，而另一位婆婆更补充：“你再唔搞呢，再唔入钱落去呢，佢仲加落去。”

店主心知事态严重，甚至拿出新闻报导，证明这是骗局，但两位长者依然故我，坚信“呃唔呃都定咗㗎啦，而家安装返攞返啲钱出嚟先”，其中一人更抢过手机，不让店员细看，只重复著“有钱攞！你讲啊”、“我哋呢间呢就直接去商场攞钱嘅”。

幕后“团长”嘘寒问暖

在店员追问下，揭发了骗局背后由一位被称为“团长”的人在微信上操控，这位“团长”每天对婆婆嘘寒问暖，建立信任，从而诱骗她们投入更多金钱，婆婆展示的手机对话中，竟有“话要跟佢揾食㖞”的内容。

店主在旁白中痛心地说：“佢哋好似俾人洗咗脑咁样，我怕继续落去，佢哋会将所有钱都摆晒落去。”

眼见无法说服已被洗脑的婆婆，店主决定采取唯一能做的事，他在帖文中表示：“最后只能够帮佢哋铲晒所有可疑App同骗徒资讯，希望佢哋唔好继续中招。”他向婆婆们讹称手机被限制，无法认证，从而删除了所有诈骗相关的应用程式和资料。

两位婆婆显得非常失望，无奈地说：“唉，搞咗你咁耐唔得都要俾返钱你啦。”店主马上拒绝，只叮嘱她们：“你应承我唔好入钱俾人得㗎啦。”

网民激赞店主决定 叹长者“叫唔醒”

影片公开后，引起网民极大回响，大部分网民都大赞店主的行为是“无斗篷的英雄”，感谢他“救咗长者”，有网民留言：“欣赏老板的坚持不为她们安装，免她们越陷越深。”

不少网民对两位婆婆的固执感到无奈，认为她们“似乎都阻唔到依两个阿婆嘅决心”，“转个头又中招”，有网民悲观地表示：“入咗局既人好难清醒”，“佢要去死，唔阻止都无用嫁”。

店主及网民吁多关心身边长者：自己都会有老嘅一日

有网民深入分析长者容易受骗的原因：“长者一直都喺最容易被呃嘅一群...人此终会老，谂嘢会变得冇咁清晰，转数冇咁快，加埋仔女大哂有自己生活，老人家缺少咗需要嘅关心，就好容易俾人乘虚而入。”这位网民呼吁大家多给予同理心，“唔好吓吓话人废老冇得救，自己都会有老嘅一日㗎。”

店主最后在帖文和影片中亦都发出呼吁：“其实而家诈骗真系无处不在，有时候 一句关心，一个提醒，已经可以帮身边既人避过陷阱，由今日起多啲关心身边人，让爱成为最坚固嘅防线。”

来源：ezfixhk＠Instagram

同场加映：“仔女问就冇，骗徒要就成副身家” 婆婆ATM前险中伏 网民叹：自己人讲唔听↓↓↓↓