搭红Van无带现金 司机大胆提出以一物易车资 港女变相有钱收 疑似事主现身讲细节｜Juicy叮
有乘客搭红色小巴由西贡出铜锣湾时，由于无带现金在身，司机有急才地提出以一物易车资，令女乘客变相有钱收。疑似女事主事后惊喜在网上留言，亲述事件细节。详情见下图及下文：
搭红Van无带现金 司机大胆提出以一物易车资 港女变相有钱收逐张睇↓↓↓↓
楼主：香港人真系好正
楼主本月11日在社交平台Threads发帖，指“香港人真系好正”，讲述坐红Van时的所见所闻：
•港女：净系收Cash（现金）？
•司机：系呀。
•港女：喔咁要揿钱（准备落车）。
•司机：唉你阵间七仔（便利店）帮我买包烟，我俾返钱你，就咁啦。
•港女：哦。
（1小时后，红Van由西贡到咗铜锣湾）
•司机：拿你帮我买包烟啦。
•港女：哦，买边只？
•司机：红万呀，知唔知万宝路，红色。
•港女：哦，OK。
楼主续指，“然后港女去七仔排队。成个交易好Smooth（顺畅）好弹性。香港小巴佬急才小癫，又学到嘢。（车费$25×2，一包红万好似80蚊，应该系港女帮买完烟司机俾返$30佢）”。
有回应的网民查问“仲未理解到，万一乘客早落车买唔切烟点算，点解系$25x2，同埋其实乘客落车揿钱再搭下一架有机会系咪会快过上车再中段落车成车人等乘客帮司机买烟”。楼主回应时解画“冇中途站㗎，西贡满客直铲铜锣湾尾站，齐人就开车”。
疑似事主惊喜留言
疑似事主翌日（12日）也惊喜地在回应栏留言，“Hi，琴日系我哋两个港女成世人第一次买烟。btw（顺带一提）系$105（一包烟）”。
回应的网民直指，事件中“大家讲个信字”、“搭红Van尤其呢条线嘅客同司机都好有互信，一来熟口熟面，二来Call车留位服务已经培养咗一种互相信任的精神（前西贡居民）。
也有人大赞“成单嘢好香港”、“好狮子山下Feel（感觉）（正） ”、“这个港女帮司机买烟的故事真有趣，感觉香港小巴生活很随性又弹性。买烟、付钱、坐Van都能顺利搞定，还带点小趣味。这种日常小互动才是真正的香港味道，看到就会笑出来，也学到一些小聪明”。
网民：好钟意呢啲香港人故事
由于有网民留言“好钟意呢啲香港人故事！”，不少网民慷慨分享自己出行时遇上的窝心故事：
•好记得30几年前我搭Van仔去铜锣湾，落车时要俾5蚊，我冇碎银，俾张100蚊佢，个司机话冇得找，我呆一呆，谂住点算好，我后面跟我落车个年轻人伸手俾钱个司机，话帮我俾埋，落咗车，我同佢讲明日喺边度等我俾返钱你，佢随即笑笑口话唔驶，跟住行咗去，我系后面好远大声话唔该晒，佢冇拧转头摇摇手继续行咗去，30几年后依家仲记得。
•多年前一包烟仲系$60，有一晚懒到唔想行，开飞的app揾的士司机，备注讯息填上：帮我买包黑万来我楼下，我给你$100。点知真系有司机肯接，最后成功交收，事后感觉很神奇
•我试过有次无带银包出门，谂住都系用八达通无所谓，点知一上个绿Van司机话八达通机坏咗，我讲咗句唔好意思，转身谂住落车，
佢问我系咪冇散银，我同佢讲系冇带银包，佢叫我坐低，话请我，
准备落雨，你两手空空我车你出去。劲感动。
•我试过赶时间，但身上得张500蚊。我都知衰，截车时喺车门同司机讲“唔好意思，我得张500蚊冇散纸，你有冇得找？”个司机话“得啦，上车啦！”。到我要中途落车时，俾张500蚊，司机开门好型咁话“冇得找呀，得啦！”。
•中学有次坐车唔记得带银包返学，𠮶阵电子支付仲未流通安装，有个EE（姨姨）同班车上撞到佢，成个书包差唔多摷匀都揾唔到Cash，个姨姨就行过嚟就话我俾你$20啦，我问点俾返佢电子支付，佢话唔使啦下次见到再俾返。大概过咗一个月咗右先喺同班车次（再见）姨姨，行过去俾返佢𠮶阵佢话唔使啦，觉得真系好Warm（温暖）。
•有次我坐低咗先发现得100蚊纸喺银包，咁我问坐前面个靓女有冇散纸同我唱啦，跟手佢俾咗啲银仔话请我，人美心善就系呢啲。
•我好印象深刻中学时自己搭小巴出去，上到车先发现八达通冇钱，又冇散字，谂住落车嘅时候，有个叔叔帮我俾埋，仲俾多$10我惊我冇钱返屋企。
•我今日旺角搭观塘红Van，只收现金，问司机有冇得找，佢话：冇㖞，是但啦你有几多俾几多，争少少由佢，结果将成身嘅散子俾晒佢就坐低咗。
•我都试过多年前有一次上车想俾钱先发觉无带银包，以前八达通都系放喺银包，所以乜都无喺身。即刻同司机讲唔好意思我唔记得带钱，谂住一定俾人赶落车，点知司机叫我下次俾返就OK，𠮶下系几感动。
资料来源：matthewwth＠Threads
相关阅读：搭小巴遇超级有礼司机 4句对答抚平生活压力 港男：成个人精神爽利晒↓↓↓↓
有时做好人就是这么简单，自己开心，他人又快乐。一名压力山大的港男早前乘搭小巴时，遇上一位超级有礼司机。就是因为在车上听到的4句对答，情绪价值拉满，巨大的压力得以在短短10分钟内抚平，“成个人精神爽利晒”，“功效”神奇。详情见下图及下文：
搭小巴遇超级有礼司机逐张睇↓↓↓↓
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【移民百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
