父$17网购40块惊变400块!? 港女变百洁布富翁：中秋转送百洁布 网民嘲：400嚿传3代｜Juicy叮
有港女自爆网购奇闻，因为店家的“慷慨”，从此变身“百洁布富翁”，并扬言“年年中秋送月饼，今年转送百洁布”。网民大肆调侃事件，有人嘲笑这400嚿百洁布可传足3代人。详情见下图及下文：
父$17网购40块惊变400块!? 港女变百洁布富翁：中秋转送百洁布逐张睇↓↓↓↓
楼主：足足有400嚿（10*40条）
楼主早前在社交平台Threads以“百洁布富翁”为题上载大箱百洁布，和买两份20个装百洁布（共40块）网购画面的图片发帖，并发长文表示：
“见到老豆拖住大半个人咁高箱嘢返嚟，心知不妙。佢坚称唔关自己事。me（我）: 全屋得你用淘宝，唔通关我事。
一打开崩溃咗，一大片黄色几护眼，数过足足有400嚿（10*40条）。咁开心即刻send（传）俾frd（朋友）求救散货。然后个个都耻笑mode（模式），仲即刻改埋chat nickname（聊天绰号）——‘每日即弃都用超过一年’、‘可以刻两副麻雀开两台’、‘仲可以拎落楼做埋关爱队𠮶份’、‘劲似泰国椰汁糕’、‘送俾邻居打好关系’”。
楼主最后补充“年年中秋送月饼，今年转送百洁布有无得谂”。
网民疑送百洁布错款式
有好眼力的网民发现，网购挑选的是腰型款，但开箱后见到的是疑似长方款，称“都唔系腰形，佢发错货㖞”、“都唔系腰型装嘅？佢寄错咗货俾你㖞”、“系好似寄错款式俾你爸爸㖞，佢系要腰型款”。
于是有人查问“因为货不对办所以卖家假1赔10？直接俾够400你？成件事好怪鸡”。楼主也不明白店家操作，回应称“我都唔知，净系知全家对住箱嘢笑咗劲耐”。
有人笑言，“人死布还在，400嚿传3代？！？！？！”、“圣诞party（派对）交换礼物换走佢”、“抵到烂，中秋送完到圣诞礼物，唔使谂”、“等多阵先，就快有xmas party（圣诞派对），如果公司有春茗你仲可以友情赞助添”。
对于如何处理这海量的百洁布，不少网民作出具建设性的建议：
•入信箱一人一嚿派晒佢啦；
•想知可唔可以黐埋一齐整张床褥出嚟；
•都可以砌张床，或者贴在窗度，可以做隔热；
•攞去啲会派饭嘅铺头，话捐俾佢哋，派饭时顺便派埋佢啦；
•笑死，攞落楼下管理处，之后写个free（免费），第2日应该无晒；
•写个名上去个百洁布上面，然后喺条街度派，分分钟区议员你都选到。
还有人附图称“世伯想夜晚打牌唔好嘈亲人啫”、“可以做两副无声麻雀....”、“可以整安静版麻雀”、“可以开到两枱麻雀”。
有人则好言安慰楼主，指“1毫子买3嚿，劲呀”、“$17.19有400嚿！？抵到黐线”、“实现百洁布自由，赢咗好多人”、“即弃都唔使18蚊一年，好抵”、“日日换百洁布，干净又卫生”、“摆得嘅，慢慢用囉！或者，可以唔使悭住用”、“如果屋企日日都要洗碗，一星期用一嚿，好快用晒㗎咋”。
网民自述网购发货奇事
另有人自述各式网购发货奇事：
•哦，我试过淘50只胶碗，佢送咗500只嚟，而加仲有300零只喺度。百洁布 + 胶碗中秋礼盒，有无得谂。
•阿妈淘宝买储物盒仔，卖家发错货，变咗60枝牙刷⋯⋯重点而家得阿妈一个喺香港，60只牙刷当一个月换一只都要用5年；
•试过买M巾（卫生巾）3包点知送咗3箱过嚟，用到停经都未用完；
•我试过买1 set（套）3个拉链网袋仔，8蚊人仔但佢送咗8 set嚟，大中细一set加埋有24个，啲网袋到家阵仲喺屋企寄存中；
•我屋企人试过买3包Granola（燕麦脆片），点知送嚟个时劲大箱，结果买咗33包，总数3000几蚊，我问佢点解你俾钱个时唔发现，佢话：因为系俾美金几百蚊无为意，笑死我。Granola买几千蚊都系一个奇景。
资料来源：wanyuen＠Threads
相关阅读：网购300磅大雪柜祸不单行 苦主爆集运公司5宗罪 送货撞烂灯又爆玻璃 仲教贱招向商家卸膊↓↓↓↓
有市民在网上购买了一个逾300磅的大雪柜和另一个柜，集运期间却祸不单行，送货时撞烂屋苑照明灯赔钱500元不特止，在狼狈送雪柜入屋时，负责运送的司机又怀疑撞爆雪柜玻璃。事主追讨损失期间，涉事的集运公司更加教授贱招向商家卸膊，企图将赔偿责任推向对方。
事主看不过眼，7月6日在facebook群组“香港集运苦主群”以“网购大型电器／傢俬教训”为题，上载相片发警世帖文大爆事件，以自身的教训提醒网民“用私人集运真系要加倍小心”↓↓↓↓
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
