港鐵扶手梯「左企乘客」被公審掀議 打工仔爭5分鐘遲到被阻 躁底呻爆：「可唔可以體諒吓？」｜Juicy叮

港鐵去年（2024年）底起積極宣傳搭扶手電梯「左右企穩」的安全習慣，一改過往「左行右企」的模式。有網民日前上班欠5分鐘遲到，他在金鐘站搭乘超長電梯，趕時間卻遇上「左右企穩」的乘客。

他發帖公審「左企乘客」：「有冇人明返八（點），仲有5分鐘遲到俾人塞住究竟有幾躁底？......可唔可以體諒吓我哋呢啲返早嘅人類？」

港鐵扶手梯「左企乘客」被公審掀議 打工仔爭5分鐘遲到被阻 躁底呻爆：「可唔可以體諒吓？」↓↓↓↓

有網民在社交平台發片發帖公審趕返工時，在扶手電梯「塞路」的左企乘客，樓主公開的影片顯示地點在金鐘站的超長電梯。

樓主在片中影住站在扶手梯左面的數名女乘客，在帖文中批評：「想點？有冇人明返八（點），仲有5分鐘遲到俾人塞住究竟有幾躁底？」

樓主認為，扶手電梯習慣仍是「左行右企」：「喺香港搭扶手電梯就係左行右企㗎啦。」他促請「左企乘客」體諒趕返工的打工仔：「行唔郁嘅企返去右手邊好難？可唔可以體諒吓我哋呢啲返早嘅人類？」

「行唔郁嘅企返去右手邊好難？」

帖文引發熱烈迴響，反應兩極，有網民認為：「唔阻住其他人係基本禮貌。」有網民認同樓主所言：「明明香港就係左行右企，你唔行咪企返去右邊lor，有幾難姐。」

有同樣趕時間、但在扶手梯被「左企乘客」塞住路的網民表示認同：「完全懂！早上趕時間卻被堵在扶梯上，心裡罵爆卻又不能講出口，那種憋屈真的超難受！」

「有啲人唔會明，覺得條路係佢㗎。我都試過畀人block 住條路，就要多花六花鐘等車。（海怡半島線要等六分鐘）」

趕時間遇塞路：那種憋屈真的超難受！

不過，有網民則認為樓主應改善時間管理：「明白趕時間時係心急d，我自己都試過，但其實冇話一定左行右企，以前都只係建議，只好自己預鬆d時間，控制唔倒人，可以控制自己。」

「時間管理係咪出現左啲咩問題？吓吓預到咁準？」「就算畀你行，得返5分鐘你係打算上到地面，就立即拔足狂奔？預早少少時間出門口好過啦。」「趕時間行樓梯咪得。」

有網民亦指出「左右企穩」不但可減少意外，亦是最有效率疏導人流：「勁Ｘ多人塞個陣，左邊完全無人企，無人行，但個個死都要排右邊，明明企埋左邊大家時間可以快一倍。」

「兩條都站人流才會疏通的快」

「實驗表示，兩條都站人流才會疏通的快啊，明明就有兩邊可以站，為什麼只站一邊......如果兩邊都可以站，人流一下就疏通多好。而且多少人是像你一樣趕，在手扶梯上走動真的很危險。」

有網民又指出，其實「左企乘客」都是打工仔，亦趕返工：「朝早其他人唔係返工？」「人地有時間觀念，唔使搏命行條識郁既扶手梯......唔該為自己唔識管理時間負責。」

6成港鐵扶手電梯意外 在電梯上行走為肇因之一

全港港鐵站有逾1300條扶手電梯，港鐵去年宣傳「左右企穩」時指出，2024年首9個月，錄得430宗扶手電梯意外，其中約6成原因與乘客沒緊握扶手或在電梯上行走而失平衡、被他人碰撞，以及攜帶大型物件有關。

為此，港鐵於2024年11月啟動「扶手電梯安全運動」，並派出穿上紅色背心的港鐵「扶手電梯安全大使」，站在扶手電梯兩邊，手持「握扶手，兩邊企定」標語牌，又透過「小丸子」卡通等作宣傳，鼓勵市民改變以往「左行右企」的習慣。

來源：dailykickkkk＠Threads

同場加映：旺角爆扶手電梯大戰險釀人踩人 拖大喼行李男女塞電梯衝突 身後仲有BB車 路人驚呼：喂！行啦！↓↓↓↓

有網民在上周五（29日），於鄰近港鐵旺角東站的一個商場，目睹以下驚險一幕：

網民現場實拍的影片看到，一名女子，攜同一部方形手推車，搭扶手電梯

手推車上再疊放一大箱行李，有半身高。

女子身後有人推著一部BB車，搭乘扶手電梯

另一邊電梯亦見BB車。

懷疑女子的行李碰到前面一名大叔，大叔回頭以粗口指罵她：「Ｘ你老母，你特登嘅！」

女子則罵她「衰佬」，又警告他：「你唔好揩到我。」

樓主在帖文中表示，該大叔「落扶手梯嗰陣，叫個阿姨死開兼撞到佢」。

「之後個阿姨話『撞咩啊我手上面揸住嘢㗎』」

之後兩人塞住扶手梯展開罵戰。

現場影片，看到兩人到達後，一直站在扶手電梯前不離開，互相指罵。

大叔罵女子：「揩到你眼淚水咋，你大晒啊！報警呀！你係咪大晒啊！」

女子則繼續罵他「衰佬」，「我唔係大晒......又唔係行唔到？男人老九」似在辯駁行李塞路。

男子則不斷罵她：「八婆，賤八婆，做雞㗎。」

兩人爭駁時，現場有BB哭聲，兩人身後有一部BB車。

由於兩人擋住扶手電梯出口，BB車及其後搭乘電梯市民被塞。

一度在扶手梯出口出現擠湧混亂情況

BB車要在兩人身邊間隙攝過，險象環生。

片中聽到疑為拍片者，及其朋友大叫：「喂，行啦！」「喂，建唔建議行前少少！」

嘈交男女這時才向前行，但仍不斷怒罵對方。

不少網民留言指大件行李及BB車竟上扶手電梯，「沒升降機嗎？好危險。」

多位熟悉現場環境的網民指，該處的確只有扶手電梯上落，「嗰個位無lift（升降機）㗎。」

樓主留言表示：「嘈交唔緊要，唔好塞住個路，我差啲跌死。」

網民亦紛指斥兩人塞住扶手電梯嘈交，有機會釀成人踩人，危害他人安全。

網民：「一陣間失平衡打保齡就大鑊！ 」

網民：「睇到最大嘅問題係，兩條友塞住扶手電梯口，後面果啲好危險囉。」

網民：「一個大喼一架BB車，有咩事呢就真係。」

不少網民呼籲：「攜帶大型行李或嬰兒車嘅乘客，請使用升降機，多謝合作。」