荃灣公屋自行裝修1萬元有找 港男分享鋪地板心得 網民大讚：好貼地｜Juicy叮
慶祝新居入伙前，裝修這步驟往往叫人頭痛萬分，一來花費，二來繁瑣。有精明港男以朋友的荃灣350呎公屋單位作例子，提供一個「便宜、簡單、方便、快捷、唔爛尾」的另類裝修選擇，同時分享油漆和鋪地板心得，指「如果自行裝修一萬有找」。詳情見下圖及下文：
荃灣公屋自行裝修1萬元有找 港男提供鋪地板心得逐張睇↓↓↓↓
荃灣350呎公屋單位
樓主上月在facebook群組「公屋討論區 - 香港facebook群組」上載裝修前後的對比圖發帖，留言「便宜、簡單、方便、快捷、唔爛尾，荃灣350呎單位」。
網民讚貼地查詢細節
企理的自行裝修引來網民垂青，大讚「好貼地，都唔錯」，並紛紛討論，和向樓主查詢更多細節——
•網民A：簡簡單單，正正常常。公屋鋪無縫地板幾好打理，唔怕樓下冷氣太凍出水，冬天唔會好似磚地咁凍，又唔會好似地磚谷起。又平！自己鋪都得。
樓主：仲有抗磨，厚度夠，防霉，加上現時潮流興用。
網民A：買厚少少，12mm，住家通常AC4抗磨，好易打理，又靚。
相關閱讀：剛上樓公屋戶為間三房勁頭痛 網民獻計超額完成 咁設計做出四房一廳
•網民B：地唔平鋪唔鋪到？
樓主：不行。
網民A：依啲係舊公屋，好多時上手已經整平咗地下，鋪上面就得！反而新公屋未裝修過，要搵啲英泥填平。
•網民C：請問如果屋企有重型輪椅鋪唔鋪得呢隻地板？會唔會好跣？地板會唔會爆呢？
網民A： 最重要個地要夠平，地板唔跣，輪椅個碌係圓，無尖角，點會壓得爆地板！你可以去旺角嗰條裝修街，有實物可以摸，早幾年有一間地鋪，有好細塊樣品，可以攞走。
樓主：對。
相關閱讀：公屋改造術｜230呎火柴盒變3房「大戶」引熱議 一部冷氣涼全屋？
•網民D：幾多錢？自己做裝修？
樓主：油漆唔難，俾多少少心機個個得；地板有少少難度，地板盒有教你怎裝，同時網上亦有教學，如果自行裝修一萬有找。
•網民E：重點！預防噪音就真。
樓主：防噪音就說不上，但真係有較減少噪音。
相關閱讀：接收丟空1年單位 公屋樓下冷氣口向上吹 地下勁發霉戶主愁爆 網民教路一招搞掂
網民提醒低層單位慎防鼠患
另有網民留意到相中的為低層單位，好心提醒要慎防鼠患，留言：「我親戚都係住低層，近馬路邊唔近垃圾房，可能住得低有老鼠趁無人為意靜雞雞入咗屋度住，你朋友露台個網啲窿好似幾大，啲小動物頭入到身體就縮到入嚟。溫馨提示下，網孔個尺寸，我之前買咗50mm網孔話可以防貓，睇到6mm-10mm網孔可以防鼠，希望佢買啱尺寸」。
該位網民並補充「有人住嘅地方就算無煮飯都有嘢食嘅氣味，我親戚甚少煮飯，食完外賣馬上包好，估計老鼠應該係想有個可以隱藏又溫暖地方生BB。食物佢哋出去搵都好方便。入伙後先發現有鼠入屋咬爛家具衣服，鼠尿又臭都幾麻煩」。
資料來源：Ken Tse＠facebook
相關閱讀：港男豪裝公屋天價還原？14處改動還原開支高達「呢個數」 網民震驚：將公屋改到私樓咁↓↓↓↓
公屋租戶遷出單位時，必須拆除裝修改動，還原到入住時的狀態，有港男曬為公屋還原的花費竟高達5位數字，掀起熱議，不少網民對開支感到震驚，形容事主「一定係豪裝」，「只能說豪裝的代價」，「將公屋改到私樓咁」。
租戶還原公屋單位，可自行找承辦商，或由房屋署代為還原並向租戶收取費用。事主透露今次是由房署代還原，並詳細披露14項改動還原的收費詳情如下↓↓↓↓
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
