康堤推首支广东歌《一律建议分手》 创作灵感自亲身经历 获黄伟文亲自填词
康堤（CONSTANCE）继她英文歌曲《doll》后，新歌《一律建议分手》由她本人和Eason YH Chan及Ernest Choi一起创作，黄伟文作词。新歌延续摆脱“有毒关系”的主题，但将焦点从爱情中的纠缠转向跨越界线的友谊。康堤用歌曲表达自己坚定的立场，拒绝被卷入那些与自己无关且不必要的闹剧或情感负担。新歌灵感更源于她的亲身感受。
揾YY黄伟文去填词
康堤说：“那段时间好多朋友在感情上出现问题，然后我（当时）又有好多事要处理，觉得好烦，所以就有啲愤怒，跟住就写咗呢个melody。其实一入studio就同Eason（Eason YH Chan）谂住呢个感受去写，当初个demo系因为我啲中文唔系咁好，所以我就用中文数字去写。之后就揾咗YY黄伟文去填词，YY就写咗一份好好嘅词，好适合我当初写呢只歌所谂嘅感受。”她续说：“写呢只歌嘅过程其实几好玩，bridge部分系英文字，我喺studio尖叫发泄情绪。最好笑系我哋揾到一个尖叫声sample，最后就放咗落去，我要澄清返其实𠮶把声唔系我。”
表情管理不容易
康堤亦分享关于拍摄MV的搞笑事，“拍MV时有一幕要抌纸，令我有啲愕然，之前《doll》嘅MV要抌羽毛，呢个MV又要抌纸，唔知点解有少少尴尬，而且要同时管理表情，𠮶样愤怒之余又要cool cool哋，加上工作人员系上空抌啲纸跌落嚟，我好惊啲纸会𠝹到我块面，而家谂返起觉得呢一幕好搞笑。另一幕要跑步，当初知道个效果系需要有啲slow motion，我就心谂：‘吓，我系咪要slow motion跑步？’但原来最尾知道系可以正常跑嘅，但我都谂紧我嘅表情系咪要好淡定？我觉得呢两个scenes都几搞笑、几好玩。”
新歌未算最完美
康堤自认新歌未算最完美，需要下苦功练习广东话，“录音嘅时候Ernest最苦恼，因为当时我喺佢后面睇佢剪take，可能我由细到大唔系特别听好多广东歌，啲口音就出哂嚟，跟住录音嘅时候Ernest就剪得好辛苦，我要加倍练习下啲广东话，而家听返我都觉得其实唔系最完美。”《一律建议分手》推出后，黄伟文亦分享了他与CONSTANCE的渊源，当年正正是他为康堤取名，29年后她的第一支广东主打也刚好交到他手上，希望可作为“开学文具”送给她！
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
