《头文字D》20周年4K修复重映 刘伟强自豪为漆黑山道添生命 感激当年飘移车手揾命搏

刘伟强与麦兆辉经典作品《头文字D》今年上映20周年，世界各地“头D迷”（《头文字D》粉丝暱称）举办不同庆祝活动。香港作为电影的原产地，隆重其事，电影4K修复杜比全景声9月17日重返大银幕。刘导赞叹：“好自豪，点解20年前拍到一部咁好睇嘅戏？真系揾命搏！”他坦言不会开拍续集。

刘导回味每一段配乐

刘导自豪地说：“一个日本漫画嘅故事俾我哋拍，90%香港演员，结果超乎大家嘅想像，20年后睇返都系咁好睇。今次4K修复版，提升画质比以前嘅版本睇多好多嘢，声音亦重新调整，感受好唔同，啲声喺前后左右冲埋嚟，呢个系我最高兴嘅效果。”他回味每一段配乐：“由开场，到周杰伦（饰演拓海）赢咗乐仔（余文乐饰演中里毅）⋯⋯每次重睇都好似叹紧老酒，好醇、好好饮！”他透露与星级配乐师陈光荣细仔调整配乐和车厢内外的引擎声效，配合杜比全景声后“啲嘢出晒嚟”，感觉好正！

刘伟强经典作品《头文字D》今年上映20周年。

《头文字D》4K修复杜比全景声9月17日重返大银幕。

刘伟强赞叹：“好自豪，点解20年前拍到一部咁好睇嘅戏？真系揾命搏！”

刘伟强坦言不会开拍续集。

刘伟强指《头文字D》20年后睇返都系咁好睇。

他又感激当年日本飘移车手揾命搏 。

刘伟强透露与星级配乐师陈光荣细仔调整配乐和车厢内外的引擎声效。

他指配合杜比全景声后“啲嘢出晒嚟”，感觉好正！

刘导又自豪指：“一个日本漫画嘅故事俾我哋拍，90%香港演员。”

当年的周杰伦。

感谢当年一班飘移车手

“无论AE86、GTR、Evanlotion都有性格，我哋冇当佢哋系死物，当佢哋都系有血有肉嘅演员。睇返飞车场面，依家拍唔返，速度感同埋每个人与人之间嘅感情，系我哋团队嘅骄傲。镜头穿过车辘到车厢，座山就拍到有生命嘅一样，车路就好似血管流动。多谢当年一班日本飘移车手，每个镜头都系佢哋好用心、用精湛技术、用生命去同我哋搏返嚟，因为一个唔小心随时就跌落山崖。”刘导表示每天开工前，工作人员来回山道仔细检查地面有否碎石，以确保安全。

据悉刘导专挑高危镜头亲自揸机拍摄？他承认：“因为我知道我自己想点，准确拿捏。”拍摄前，演员要训练、赛车要改装，就连“主角”秋明山都妆扮一下，刘导说：“座山完全冇灯，于是我同美术、灯光组一齐研究，用雪糕筒、街灯、广告牌、围栏、光管，每一区用唔同嘅灯光效果区分，好似画龙点睛，为一座黑鼆鼆嘅山添上生命。”