陈健安与歌迷会“本原族”提早庆生 亲制刨冰派海报送公仔 自携喇叭首唱《额头有字》

陈健安日前与歌迷会“本原族”逾百族人庆祝生日，兼歌迷会成立三周年纪念。现场布置多个打卡位，族人一家大小到贺，与安仔玩游戏、唱歌、抽奖、合照、切生日蛋糕，玩到又笑又叫，非常尽兴。生日愿望除了夹公仔得心应手，大家身心健康，安仔希望在更大场地再举行个唱。

喜见歌迷会日渐成长

安仔在自己生日狂送礼物和海报、与粉丝齐玩游戏、即场亲手刨西瓜冰，还自携喇叭首唱新歌《额头有字》，让族人先听为快。看见歌迷会日渐成长，安仔感安慰说：“欢迎新‘族人’，亦多谢一直支持我嘅旧‘族人’，我哋嘅相遇永远都系不迟不早。唔使担心好迟先认识我，最紧要有认识。好多谢你哋嘅爱，我会继续做好多作品，希望我唱歌每次都有进步。”安仔透露刚收到新歌歌词，即将录音，族人都兴奋欢呼。

陈健安获歌迷会为他庆祝生日。

安仔好开心㖞！

除了安仔生日，亦是歌迷会成立三周年纪念。

“本原族”逾百族人庆祝安仔生日。

安仔亦有去玩游戏。

好热闹啊！

安仔的生日蛋糕。

安仔与歌迷互动。

生日正日，安仔表示会去踢足球。

安仔的生日愿望系继续做歌、唱歌继续进步。

好搞鬼嘅安仔。

安仔亦都希望喺更大嘅场地开骚。

感激族人花尽心思为他生日

在玩游戏时安仔和两位司仪嗌到声嘶力竭，好搞笑。安仔更加插惊喜，首唱新歌《额头有字》，还全场大合唱，他开心到跳吓跳吓，他赞叹：“呢个版本系无可取代！”他续说：“我好开心！一入场见到啲布置好靓，一年靓过一年，佢哋知我喜欢嘅嘢都整晒出嚟。睇吓个生日蛋糕，有我钟意嘅元素！佢哋整咗啲盲盒，内有不同款嘅手机磁吸，仲有隐藏版，识玩！”安仔感激族人为他生日花尽心思。他有回礼：“我精挑咗好多夹嘅公仔送畀大家，以sweet为主题，例如一对对嘅公仔或者甜品系列，希望大家钟意。”期间安仔误认小新妹妹是小新女友，全场爆笑。

去更大场地开骚

生日正日，安仔表示会去踢足球，而生日愿望，他说：“钟意夹公仔嘅朋友，包括我，顺利夹到想夹嘅嘢。我继续做歌、唱歌继续进步。大家身心健康，自在写意！”至于开演唱会，他说：“单飞至今都有廿几卅首歌，近年又多咗啲新歌。上次喺麦花臣开咗4场，但都有歌迷话买唔到飞，希望喺更大嘅场地开骚。呢个唔只生日愿望，系目标。”