42岁陈柏宇担忧变“陈伯”肌肉流失 急向Tyson Yoshi取经

陈柏宇昨晚（13日）到湾仔出席慈善晚会，身穿背心及毛毛外套的他不时露臂晒肌，他表示今年好畀心机记录操练进度，亦有控制饮食，坦言有问歌手界最大只的Tyson Yoshi攞贴士，问对方如何锻炼后膊和降体脂，会否会跟对方斗震波？陈柏宇说：“我又未见过佢震波，我都唔系好震得！”

陈柏宇启发太太符晓薇一起健身

问到胸肌目标是否想像Tyson Yoshi一样？陈柏宇明言以现在的年纪（42岁）不可能：“呢啲都要讲资质，当然个个人都可以尽力去做，但我唔相信个个人都可以有Tyson Yoshi咁嘅胸肌。”陈柏宇称最初是因为年纪而去操练之初心，皆因年纪越大肌肉流失就越快：“早两年开始，望住块镜，觉得自己好似个阿伯咁，冇晒啲肌肉，瘦得嚟又肥肥哋，所以扚起心肝操。（会唔会骚下肌？）梗系要啦，等我有𠮶阵！不过都应该下年。”陈柏宇透露稍后会拍新歌MV，破天荒做未做过的事情：“我会下海！42岁下海！不过我著西装，而家畀啲甜头大家，吊吓瘾！”问老婆符晓薇现在如何评价他的body？陈柏宇表示没有评价很久，现在老婆用行动去表达，跟他一起去健身：“佢畀我启发到，而家都开始食吓鸡胸，朝头早车阿女返学然后一齐去健身，几劲呀，要连续一个月有十几日六点几起身之后冇瞓返，系一件好巴闭嘅事，我识佢咁耐可能都系得十日八日系早过12点起身！”又表示希望两人之后可以斗fit，而自己对老婆的身材一向没有投诉，无论她fit还是肥肥哋也好睇。

陈柏宇受年纪影响，大肌肉流失快。

陈柏宇︰“早两年开始，望住块镜，觉得自己好似个阿伯咁，冇晒啲肌肉，瘦得嚟又肥肥哋，所以扚起心肝操。”

师兄个膊头好横！

同场的Marf@COLLAR。

陈柏宇身穿背心及毛毛外套，不时露臂晒肌。

陈柏宇露臂晒健身成果。

陈柏宇有信心下年骚下肌。

陈柏宇透露稍后会拍新歌MV，破天荒做未做过的事情：“我会下海！42岁下海！不过我会著西装。”

Tyson Yoshi劲大只！

陈柏宇担忧变“陈伯”肌肉流失，急向Tyson Yoshi取经。

陈柏宇说：“我未见过Tyson Yoshi震波，我都唔系好震得！”

谂起《刃牙》！

Tyson Yoshi歌手界最大只！