陈蕾新歌《空无之地》挑战四日拍三个MV 富士山失温险晕低

陈蕾今日（21日）推出全新歌曲《空无之地》，继续亲自包办曲词。“空无之地”一词来自一本名为《每一天，都是放手的练习》的书，意思是当人离开舒适圈、失去了本来属于自己的东西后，所进入的一个“一无所有”而使人不安的境地，但陈蕾认为“空无之地”并不绝望，人反而要“无”，才会使自己日后拥有更多，要“放下”手上的东西，才可以用这双手创造更多可能性。

被新歌歌词感动

陈蕾分享道：“‘空无’就咁听落好似好悲伤、负面，但其实换个角度睇，可以系一个好好嘅机会俾你做任何嘅尝试、做任何嘅开创，我就俾呢个感觉深深感动到，写到后半段嘅歌词，所以呢首歌对我嚟讲一路写已经系有无限嘅感动涌现出嚟，可能系我写过最感动到自己嘅一只歌！”更坦言：“就好似歌词入面其中一句‘能够放下便徒手 接万有’！呢只歌亦都成为我人生除咗《相信一切是最好的安排》之外，另一首好重要地支撑住我每一个阶段嘅歌！”

陈蕾今日（21日）推出全新歌曲《空无之地》。

陈蕾今次特意到东京富士山拍MV。

陈蕾以全身黑色简洁造型，躺于富士山黑色泥土上。

不过，原来陈蕾险于富士山因失温晕倒！

陈蕾今次去日本要四日连拍三首歌MV，再加上唔够瞓而险晕倒。

陈蕾指一冷一热加上又唔够瞓，拍了第一个镜头已经低血糖。

靓相的背后是多么辛苦！

陈蕾表示最后睡在富士山泥地上差不多20分钟，血糖才开始上升。

后悔未有带齐保暖衣物

为配合歌曲意境，今次团队特意到东京富士山拍MV，全身黑色简洁造型的陈蕾漫无目的地游走于看似无尽头的荒废隧道、极简水泥墙壁空间，更躺于富士山黑色泥土上，画面尽现万物虚无的感觉，画面背后陈蕾可谓历尽艰辛，更险于富士山因失温晕倒！陈蕾说︰“今次去日本其实系要四日连拍三首歌嘅MV，同埋嚟紧预计喺年尾就会推出个人大碟入面嘅相，所以其实每一日都好唔够瞓，再加上每日都要好早就化妆同埋要跑唔同地点嘅拍摄，拍呢首歌嘅MV𠮶日，室外嘅天气系好热，讲紧如果喺阳光底下我着嘅𠮶套衫其实都会流汗𠮶种，但系一去到隧道系冻到极度需要有件羽绒笠住，我之前喺香港仲系度谂，夏天有时拍室内都觉得热，唔洗带保暖嘅衫去啦，点知去到就好后悔啦！一冷一热加上又唔够瞓，拍咗第一个镜头已经低血糖，我啲同事惊我真系晕系富士山，一cut机就疯狂咁畀我食嘢、狂食朱古力，最后我系直情瞓咗系富士山嘅泥地上面差唔多20分钟，啲血糖先慢慢开始升返上嚟，先至可以正常拍摄。”