黄贯中历12年心血打造新碟玩埋黑胶 rock尽摇滚初心：可能系最后一只！

黄贯中（Paul）以历时12年心血打造的大碟《碎片》即将于本月21日面世，令一众摇滚粉丝引颈以待，大碟共8首歌，包括：《彗星》、《广东道》、《碎片》等，更会推出黑胶唱片，Paul表示：“呢个可以话系我对音乐一个承诺，因为初入行出唱片时系推出黑胶碟，而家我出黑胶碟，系反映我嘅初心。”

相隔多年再出碟不紧张

为打造今次大碟，Paul耗了12年心血，他说：“今次大碟嘅歌，全部都系我钟意，原本预先做咗4、50首歌，一有少少我唔钟意，我就唔要，慢慢拣吓拣净呢几首，一个过程嚟，呢个过程12年。”Paul又坦言相隔多年再次出碟并不紧张：“平常心，其实今次系对自己一个交代，容许我自私啲，冇乜特别期望，只系为音乐而做，自己入行40年，唔知自己几时再有能力做出一只碟，可能呢一只就系最后一只，好难讲，毕竟我都61岁。”

黄贯中以历时12年心血打造的大碟《碎片》即将于本月21日面世。

Paul更会推出黑胶唱片。

型到爆！

Paul表示初入行出唱片时系推出黑胶碟，而家他出黑胶碟，反映他嘅初心。

Paul在MV跟狗狗户动。

Paul坦言：“唔知自己几时再有能力做出一只碟，可能呢一只就系最后一只。”

Paul酷热天气下到户外车房拍摄

对于每一首歌Paul都一丝不苟，早前为大碟歌曲《彗星》拍摄MV，Paul于酷热天气下到户外车房拍摄，一身黑色西装的除了要弹结他，还要跟狗狗互动，Paul表现专业，拍摄过程十分顺利，他指：“对上一次拍MV都唔记得几时，起码系10年前；今次拍摄过程系热啲，但出嚟效果好好。（点解唔出动私伙狗？）唔可以，惊佢太过跟住我，同MV剧情唔啱。好彩养开狗，我同动物沟通好好，好少会沟通唔到。”

囡囡渐对音乐感兴趣

提到太太朱茵与囡囡黄莺可有听过他即将面世的新碟？Paul笑言：“佢哋唔觉意会听到，好少喺屋企播自己啲歌，有时我喺屋企check下歌词、check下编曲，佢哋间中听到。囡囡实话爸爸嘅嘢系好听，都唔知真定假，所以唔问佢意见。”至于囡囡可有遗传Paul的音乐天分？Paul谓：“而家Feel到佢钟意，佢想学，我随时教，佢本身有学钢琴、小提琴，我睇佢团火几时著，始终屋企有好多乐器，佢容易接触到，由细到大都对住结他，但佢好少问，最近开始问我边支打边支，开始好奇。”