“还钱党”讲齐个人资料 无厘头屋企楼下追债 醒目女教对付绝招：真系吓到眼泪都出埋｜Juicy叮
“还钱党”肆虐，打出追债电话的骗徒似乎能讲齐事主的个人资料，并在无厘头下扬言已到对方屋企楼下追债$36618，以十万火急的态度摧促即时回家与职员对文件，并恐吓行动组会淋红油，着令返屋企时小心啲云云。
有遇上骗徒的醒目女日前在网上公开事件教对付绝招，并坦言“真系吓到眼泪都出埋”。但原来不少网民有类似经历，也曾接过“还钱党”的恐吓来电，剧情也出奇地相似。详情见下图及下文：
“还钱党”讲齐个人资料 无厘头屋企楼下追债 醒目女教对付绝招逐张睇↓↓↓↓
楼主讲述“还钱党”行骗经过
楼主本月13日下午在社交平台Threads，附上怀疑骗徒的手机号码截图发帖，长文讲述怀疑“还钱党”的行骗经过：
又嚟骗局⋯真系好Ｘ紧要。今日小妹1点几收到个收数电话，都系纯正广东话，讲得出我全名、身份证号码同埋住址。话我争$36618冇还而家喺屋企楼下，叫我即刻返屋企同佢哋啲人对文件。
我想仲有几多万？但因小妹一直都冇问人借钱，期期信用卡都清嘅，真系唔知佢讲紧咩数，就问佢系边间公司，乜嘢数，佢答我“我哋系金Ｘ资产有限公司，其余你过嚟对文件咪得囉” 。
我话我返紧工，可唔可以wts（whatsapp）/email（电邮）俾我啲单？佢答“唔可以，因为啲文件系摆喺公文袋，一定要见到本人交收”，然后就话叫写字楼打俾我。
1分钟都冇佢个写字楼就打电话俾我，又系报我全名身份证就叫我还笔数，我叫佢俾单俾我，佢答“你有冇借过财仔，我哋收数公司不嬲都系你俾咗钱先会俾单你”。
我话无单我一定唔会过数，佢答“咁你即系唔负责呢条数啦，我哋行动组会上嚟淋红油，你自己返屋企小心啲，慢慢抹返啲红油，同埋到时会有行政费要你自己孭返”。
我已经俾佢讲到躁躁地，就话你威胁我你都要有单㗎，佢就已经爆晒粗口。Cut（切）咗线之后即刻去警署备案，后知后觉发现其实系诈骗。
但系都提吓大家，有咩事上嚟𠮶下真系会惊，点都唔好急急地俾钱。最后小妹真系吓到眼泪都出埋嚟。
相关阅读：“亲戚童党”港铁出没 出一奇招搲饭食、讨$2 港女俾钱后男童竟自认表弟
网民：有晒个人资料好恐怖
对于这类充满恶意的骗案，有网民感叹指“好恐怖，有晒个人资料”、我都试过，真系吓到流马尿”。
有人续指“正常俾我都会惊啦！但至少要问清楚咩事先，同埋肯定自己无欠人钱就更加理直气壮去问咩事，佢答唔出嘅就即刻报警稳阵啲”、“收过两次打嚟啲电话，真系会吓亲，但又要保持镇定唔好俾佢大到，我一话报警处理佢就收线”。
过来人分享同款经历
不少过来人深有同感，趁机讲述自己的类似甚至同款经历：
•假㗎，单单都话3万几。
•我㖊日系收到呢两个电话，同样都系金Ｘ，一模一样嘅case（案件）打嚟靠恶。
•我都试过俾人讲中地址同名，一直寄信叫我还钱，心谂边有借过钱。
•我都试过，又系身份证号都知，话欠几千蚊未还，我问佢我欠边个，佢话唔讲得，如果唔还，上门追！打咗电话去警局备案！
•我都试过收到呢类电话，我亦都系叫对方俾单我睇咗先，最后cut线仲打嚟，我唔理直接收线。
•我都收过依啲电话，又话有我屋企地址，叫我落楼下等，我直接叫佢上嚟收，我现兜兜俾佢，佢又大我话上嚟就会搞我，我同佢讲好呀，快啲上嚟，然后佢就cut咗线。
•我都试过几次，又系讲到我个人资料，我问佢边间公司，我几时点争佢钱，佢答我系公司机密唔讲得，之后我Ｘ到佢飞起，我唔知点解争你钱但要我还，我叫佢约去警署门口等，我即刻还俾佢，佢净系识系咁讲粗口，又话我咁串，叫我出街小心啲，又系话淋我红油！点知隔咗1年又打嚟，但系咁啱我已经搬走咗旧地址，我话又打嚟想呃X我，傻仔，我搬走咗啦，之后佢讲完粗口就收咗线。
•试过骗徒用6字头打嚟，知道晒我中文全名，要我还钱，𠮶下著咗，大声喝条友：你呢个电话号码我记低咗，录埋你音，我而家就去报警，条友即刻惊到话有事慢慢讲，即刻收线冇咗打嚟，我跟手block（拦截）埋个电话号码。
•同我系6月24收到电话故仔嘅一模一样。不过佢好似冇讲我身份证号码，一开始佢讲出我名同地址，我以为顺丰送货，倾落去之后同你一模一样，之后系咁话已经有team（队）人系我屋企出面，不过同时我开住cctv（天眼）睇屋门口系咪真系有人（当然冇人啦），但系最后佢冇咁直接讲会上门淋红油，佢净系话咁你唔处理条数佢地team人就会做嘢㗎喇，临近收线仲提我去五金铺买定天拿水。
•有遇过，话会走上门收数，仲要知你个人资料，但系一问边间收数公司就唔答，之后我就block咗了。
•之前遇过次一模一样手法，无啦啦话我差人钱，问佢差边个又唔讲，话还咗俾张单我，我同佢讲我宜家系屋企啊你上嚟收啦，又话我态度唔好又剩要揾人搞我，结果都系冇事。我之前见youtube（网上短片平台）有条女因为之前真系差太多人钱俾佢吓到真系走去俾钱，结果就系还咗一次又要还其他费用变无底洞，最后还唔起仲要俾人淋红油惨Ｘ到。
•我上星期都有收到同一个电话，后来同你一样都系报咗警，警察覆我系诈骗。
•我老公都收到一模一样嘅电话，之后去报案，喺警署见到又有其他人都因为咁嚟报案。
•我个fd（朋友）都试过，佢仲夸张啲，几个人轮流wts佢又电话轰炸，系咁叫佢还钱，又sd（传）淋红油相吓佢，佢即刻惊到喊，人哋叫佢去过数佢就想去，我问返佢，你有借过钱咩？无借过惊咩，仲要啲相摆明上网求其揾。但因为实在太滋扰，佢都系去咗警署报案，啲差佬同个收数佬讲咪再打嚟。
相关阅读：豪订12人海鲜作饵 “生意党”用一尴尬借口怂恿订酒图呃钱 海鲜店一招识破诡计
网民讲述对付电骗心得
另有人讲述自己对付怀疑电骗的心得“佢大我唔到，我一般会接听咗喂都唔讲，由佢Ｘup完cut线”、“一见到唔识嘅电话打嚟，我只会喂一声，然后任佢讲嘢唔出声唔应机，你出声咪即系认咗啲资料系你嘅囉”。
于是有人表示，“所以喺香港，陌生电话一律唔听，生活会轻松好多”、“现在唔识的电话一律不要听，太累人，一个不小心就中伏，之后后续可能又太多问题”。
另有人提醒“真正嘅收数公司系唔会咁onＸ话淋你红油嘅，你估如果你录咗音佢哋会无事咩？ 假嘅会咁做，因为想吓到你六神无主就过数俾佢”、“其实好易分别，呢啲一打电话来就将你嘅私人资料有几多up（噏）几多出嚟博你信任嘅九成系呃Ｘ人。喺呢个世代要有你嘅私人资料根本易过借火”。
资料来源：kensleyyu_0.0＠Threads
相关阅读：骗子遇骗 电骗疑犯失手后即时反应原来系咁 一句对话惨遭秒杀 网民学起来：侮辱性极强↓↓↓↓
骗子遇骗，真是以其人之道还治其人之身。有电骗疑犯犯案时，惨遭对手一句对话秒杀，失手后的即时反应令人愕然。有见及此，网民加快把高招学起来，认为这句对话对骗子来说，杀伤力和侮辱性都极强↓↓↓↓
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
