姜大卫八卦儿子感情状况 谭俊彦睇缘份约爸爸狄龙与John哥叙旧
姜大卫、谭俊彦、郭柏妍等今日（12日）出席《麻雀乐团》花车巡游，花车途经湾仔、旺角及尖沙咀，期间众演员亦有大派饮品及纪念品。
John哥赞关嘉敏勤力
《东周刊》早前独家爆出参加《女神配对计划》的姜卓文（细John）背关嘉敏偷嗒露股网红CoCo，而CoCo得知细John参加节目后大发雷霆，两人更因此闹大交。对于儿子的感情事，姜大卫（John哥）表示也有问过儿子，而他也跟自己说是在网上认识，只是对方刚来香港玩，问到对CoCo印象？他说：“冇认真睇！我问佢你有冇先，佢话冇，只系朋友，但因为拍紧节目佢自己都担心，佢话明冇，我信佢！有就有冇就冇，有乜所谓！（细John唔系好大压力？）唔知！”至于细John跟关嘉敏关系，John哥就表示不知道，但笑言自己也有追看节目，不过就没有问细John，问到对关嘉敏的印象如何，谭俊彦即帮口表示对方在剧集中做得不错，而John哥就觉得关嘉敏是一个很勤力的女仔：“有乜讲乜，好爽！但我同佢冇合作过，（啲人话佢似家嫂型！）系咩？家嫂有好多种，（做新抱好唔好？）唔知，睇佢对我点先，对个老爷点，唔好问呢啲，关我咩事！”
John哥称与狄龙想法不一样
另外，近年John哥与狄龙一直传不和，John哥也曾讲过跟狄龙是“道不同”，不过狄龙最近接受访问时表示John哥是“永恒的朋友”，John哥指大家对“朋友”的想法也会有不同，而身为狄龙儿子的谭俊彦就指看过一个专家讲，表示如果跟对方做了四年的朋友，就是一世的朋友，问到现在两人的关系如何？John哥说：“我都讲过，大家谂法唔一样，做法唔一样，大家咁大年纪，做嘅嘢唔一样唔出奇，冇乜来往都唔出奇。”谭俊彦则以一个喜欢吃公仔面，另一个喜欢吃炒饭作比喻，问谭俊彦会否相约爸爸和John哥一起食饭，他说：“有缘份咪约到出嚟，我都好难约到我阿爸，而家佢最紧要凑孙，嚟紧我同John哥又继续合作，缘份嘅嘢就好似我同John哥咁，呢几年一路咁行落去，可能更加多机会继续合作，同细John可能又会合作，大家都系呢行嘅人，一代二代咁样落去。（同John哥合作又俾人提返呢啲事，会唔会尴尬？）梗系冇啦！”
谭俊彦获教授打牌手法
另外，提到《麻雀乐团》John哥指今次拍得过瘾，因可打麻雀，谭俊彦就谓John哥也有教他打牌手法，又透露John哥曾因流感中招，本想还想开工但故被监制叫他休息。提到打麻雀，John哥指因以前没太多娱乐，所以也有跟沈殿霞一起打牌，不过后来就不敢打：“因为越打越大，唔关输赢事，觉得唔系几好，当时70年代，一场几万蚊。”
胡敏芝与初恋男友一起7年
同场的郭柏妍指第一次做花车巡游宣传，觉得几得意和新奇，又透露最近跟女性朋友及家人也有一起做运动，至于胡敏芝就自爆因拍完综艺后觉得自己眼界不够，故早前与男友去了欧洲旅行一个月，问到跟男友朝夕相对可有闹交？她笑言对方是初恋男友，已在一起七年，早已闹完要闹的交：“加上老咗，已经冇力闹交，(有冇谂旅行结婚？) 我仲后生，完全冇谂过结婚。”
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
