大叔小巴司机蜘蛛侠式拉筋 街坊见证更极致超狂一幕 网民拜服：司机超柔软｜Juicy叮
一名大叔小巴司机在站头蜘蛛侠式拉筋的短片和相片在网上流传，技惊四座。网民即时甘心拜服，狂赞“救命司机超柔软”。有街坊更加上载相片，见证更极致超狂一幕。详情见下图及下文：
大叔小巴司机蜘蛛侠式拉筋 街坊见证更极致超狂一幕逐张睇↓↓↓↓
4秒4下深蹲拉筋 下下有力
楼主昨日（10日）在社交平台Threads上载短片发帖，指“司机喺等客期间，落咗车做舒展运动。呢样嘢好欣赏佢，至少唔系继续坐喺个位睇短视频，同埋我呢程车应该会坐得安心，尤其咁多职业司机都系年纪大，最近又发生意外”。
短片长约4秒，开始时已见大叔司机开动，就在这短短的4秒内，戴口罩、双手紧握前放的大叔，已左左右右做了4下深蹲拉筋运动，下下有力。
网民发相和应：好劲㗎佢 啲筋好软
有网民似乎认得这位高人，上载相片和应“好劲㗎佢，啲筋好软”。相中，大叔做正靠在铁柱做垂直压腿，把这个栋企一字马拉筋动作做得极致超狂。
有网民认得现场可能是“大围火车站”。有人爆料“呢个司机成日行走大围沙田火炭，我成日坐到佢车，好鬼正”；楼主则自爆“我今日系大围去荃湾”。
另有见惯见熟的街坊称“佢日日都系咁㗎，我日日都搭”。还有人体谅司机工作的辛劳，指“坐喺度揸车咁耐，落车拉下筋都好正常”、“劲！司机长时间坐喺一个屈住对脚嘅位度工作都很辛苦，乘客同司机都要大家体谅”。
相关阅读：片段直击｜港铁扶手玩“人旗”！黑衣男晒惊人臂力 吓呆网民
网民：大叔有料 下盘好稳
有人笑言大叔连番深蹲，“系咪跌咗嘢落车底”。不过说回正经，大叔的筋骨柔软度实在羡煞旁人，网民连番写下拜服留言：“大叔有料”、
“他练得很好！！！”、“下盘好稳，应该练开功夫”、“睇完佢，我返屋企面壁思过”。
有人自叹不如称“做咗几廿年人我都未试过做佢呢啲动作”、“忍唔住跟住做，结论：做唔到”、“呢个坚！真系唔系个个都做到”、“呢个动作真心难做，我leg day（练腿日）做热身就系做呢个动作”、“超劲！！！小巴司机太易静脉曲张、血唔到脚，咁长工时啲筋都咁软，太劲”。
相关阅读：奇葩瘦男港铁车厢操筋 狂做掌上压凌空挥拳
网民：返工返学坐得多都应跟住做
另有网民关心大叔“唔惊伤到膝头关节咩？”，有人回应时直言“我相信佢筋骨柔软过你同我，啲关节应该都好过你同我...”、“啲筋仲软过我”，感叹“救命司机超柔软”。
有网民还指出拉筋对身体好，借着大叔的勤力舒展来鼓励大家“返工返学坐得多，都应该跟住做！”、“年纪大咗，关节会退化，坐得耐起身，膝头后面关节会痛，咁拉筋可以舒缓”、“一日坐起码8个钟，真系要松筋㗎～个个坐office（写字楼）都未必有佢咁松～”、“好犀利，应该可以激活返髋屈肌，大家如果平时需要坐好耐，都建议大家学司机咁做运动”。
资料来源：wendykwy、__yumib__＠Threads
相关阅读：港铁职员月台跳怪舞 超高难度深蹲7秒𨅝16脚 港铁回应咁解释↓↓↓↓
网上疯传有港铁职员在月台上跳怪舞，舞姿超高难度，极低角度深蹲，7秒内竟高速𨅝出16脚，震惊网民：“唔好睇少呢个动作，腰够直，腿够力，难度极高，佢系一位高人。”港铁回复《星岛头条》查询，解释该港铁职员何以在月台有此行为↓↓↓↓
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
