芯駖@COLLAR新歌《POSH》借揸车比喻战胜心魔 为MV性感造型落力减肥

COLLAR成员李芯駖（Sumling）去年单飞出歌，先后推出《SPYLING》与《让思忆症发作》后，昨日再推出个人跳唱单曲《POSH》，以揸车为主题，节奏澎湃；而特别之处，除了编舞上专诚邀请日本排舞师之外，MV造型更是单飞的三首歌之中，最性感一次。

芯駖妈咪狂loop《让思忆症发作》

Sumling明言《POSH》的感觉像度身订造，“第一次听首歌，就感觉好似揸车咁。我最近考完车牌，好想从揸车中带出自己想法：‘揸车对我嚟讲系一件几有趣嘅事，点解我咁迟先考车呢？因为我觉得自己唔适合揸车，学车师傅话我揸得几好，原来我一直畀自己嘅恐惧打败’，我想透过呢件事，反映日常生活有啲嘢，我哋系自己打败自己，未试过就话唔得，原来试咗之后系OK嘅。”《POSH》舞蹈上比较特别：“揾咗日本排舞导师编舞，佢系一个好出色嘅老师，我成日喺IG睇佢啲片，邀请到佢我非常开心，亦好多谢制作团队帮我实现呢个梦想。”犹记得《SPYLING》性感间谍造型，芯駖表示这次MV内造型比之前更性感，更少布：“当我知道造型比上次性感，我就落力减肥。而家我嘅体脂比之前再低咗，因为之前拍团综，然后做舞台剧，跟住就录歌排舞拍MV，冇乜放松状态。”

芯駖大爆妈咪在家中长期loop她过去的两首作品，成为她的流量担当：“妈咪都有嚟睇我做舞台剧（《你好，打劫！Reunion》），佢睇完净系话‘你都好辛苦，冇得抖，打呢份工真系好辛苦’，妈咪最担心都系子女健康。”

芯駖新歌《POSH》借揸车比喻战胜心魔。

呢架法拉利，郭嘉骏（193@ERROR）今年第二首个人单曲《I Just Wanna Dance》MV都出现过。

芯駖踢爆妈咪是自己的流量担当。

芯駖想成为性感担当？

8月29日，COLLAR迎来第二次演唱会，芯駖希望当晚首次演绎《POSH》。 

芯駖坦言受COLLAR成员影响而考车牌。

芯駖考车1 take pass

提到COLLAR成员陆续考车牌，问芯駖决心考牌是否受其他成员影响？她表示：“有少少，Gao系第一个考车牌，我冇谂过自己可以1 take pass，觉得自己冇乜方向感，揸落车先知自己好钟意揸车，喺车入面好有me time感觉。”至于8月29日迎来COLLAR第二次演唱会，芯駖希望可以在演唱会当晚首次现场演绎《POSH》。