草蜢相隔1年再踏舞台 杰仔笑言开脑后劲过AI 挑战明年40周年红馆骚约定Kelly做嘉宾
草蜢成员蔡一杰，去年10月宣布完成切除脑部肿瘤手术后闭关休养，草蜢接近1年没有演出，前晚合体为“陈慧琳Season2万人结界演唱会”担任表演嘉宾，连环又唱又跳经典快歌《热力节拍wou bom ba》和《打开天空》，及新鲜出炉新歌《老的辣》，状态大勇，震撼全场。
杰仔术后首次表演似初恋
杰仔再踏上舞台跳唱心情如何？他说：“有啲紧张，第一，做完大手术之后第一次上台；第二，我要喺好短嘅时间学一首全新嘅歌⋯⋯”阿智说 ：“证实你个脑无事啦！”杰仔笑言：“因为插咗新嘅芯片入脑，呢个芯片好犀利，令到我记嘢快咗。（AI蔡一杰？）劲过AI。”杰仔扬言再踏舞台，感觉像“初恋”，他说：“今日上台系有啲紧张、有啲新鲜感，又惊㖞，好似初恋咁，系‘初恋呀’嘅感觉！”
杰仔多谢Kelly邀请
阿智说：“过往我哋平均每个月都上台几次，相隔1年冇上台表演，所以我哋‘饿’咗舞台好耐，今日想去表演‘饱’，舒服晒！”苏老板说：“今日Kelly嘅尾场观众特别热情，所以我哋喺台上表演亦都特别开心。”杰仔说：“再一次多谢Kelly嘅邀请，好荣幸可以做到佢今次演唱会嘅嘉宾。”
向现场观众送上新歌
杰仔说：“我本人相隔9个月冇上舞台，一路康复中，喺呢段期间里边为我担心嘅各位，我要喺呢度要讲声多谢你哋。”阿智对杰仔笑说：“算你有口齿啦，因为你喺IG度讲过，返上舞台嘅时候一定会带礼物俾大家，算你有口齿，今日带咗份新嘅礼物俾大家。”杰仔说：“我喺呢段期间因为没有特别嘢做，除咗锻炼自己就系作曲。为表我嘅诚意，今日就送上全新礼物：新歌《老的辣》。”阿智说：“我哋要好多谢Wyman，因为佢好忙，但系要喺好短时间帮我哋填咗呢份歌词。系一首好感动嘅快歌，其实好少快歌嘅歌词会令人好感动。”苏老板说：“呢首歌系令我喺台上，一路跳一路唱好感触，以为慢歌先至会有呢种感情，但系呢首快歌，每一句歌词令我觉得，我真系活喺台上，我系唱紧我自己。”
草蜢筹备40周年专集
阿智感谢Kelly的观众反应非常热情，杰仔扬言欢迎大家明年4月来红馆草蜢演唱会继续玩，他说：“Kelly刚才喺台上讲咗会嚟做返我哋嘉宾，哈哈，Kelly，你走唔甩架啦！”阿智说：“我哋终于排除万难，申请到明年4月红馆档期，大家要密切留意我哋经理人公司、官网、我哋嘅IG，发放消息。未来呢几个月，我哋都会非常之努力筹备40周年专集，呢张专集同过往嘅好唔同。（杰仔：第一plug 有我写嘅《老的辣》！）第一首系《Framily》，你系第二主打！（杰仔：我系第一首快歌！）好。咁嚟紧仲有我嘅作品，（指住杰仔）佢嘅作品，同埋（两兄弟一齐望住苏老板）⋯⋯唔知。嚟紧我哋密锣紧鼓去筹备我哋全新嘅演唱会。”阿智坦言明年4月红馆演唱会前，草蜢要履行之前因杰仔生病受影响的演出合约，包括几站“RE:GRASSHOPPER 演唱会”巡演。他们扬言欢迎观众入场，作为明年4月草蜢全新演唱会热身！
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
