冯允谦拍MV首次租水车拍落雨戏 新歌孖细佬Tim Fung携手填词

“唱作王子”冯允谦（Jay）今年第二首英文歌《Close to the Edge》MV昨晚上架，因为他一句“我想淋雨”而租水车拍摄，营造滂沱大雨照头淋效果，岂料未拍完已水情告急。而今次Jay首次与孖生细佬Tim Fung一齐填词，他笑言最初以为会打交，结果合作愉快。

首拍落雨戏好兴奋

新歌《Close to the Edge》讲一段Toxic relationship（身心有害的关系），由Jay作曲，他与细佬Tim Fung携手填词，编曲Matthew Chow和T-Ma，监制T-Ma。第一次拍落雨戏的Jay兴奋说：“今次有好多得意事，首先就系book咗架水车，因为要扮落雨，原本睇天气报告，以为会落雨，点知冇，所以要租水车。另一件得意事，就系拍到差唔多最后无晒水，而且最尾系高潮位，要越嚟越大雨，要谂点样拍埋个ending。”结果用到最后一滴水，MV大功告成。

Jay今年第二首英文歌《Close to the Edge》MV昨晚上架。

Jay首次与孖生细佬Tim Fung一齐填词。

Jay第一次拍落雨戏。

Jay透露今次有好多得意事，首先系book咗架水车。

Jay对MV非常认真！

他透露今次MV故事与导演一同创作。

MV出动水车！

Jay坦言好想试被雨淋湿。

Jay说成日见到其他人拍嘅MV落大雨，成身湿晒，未试过就好想试。

想感受一下被雨淋

今次MV故事由Jay与导演一同创作，Jay说：“因为歌词内容好适合落雨，我又未试过租架水车拍落雨戏，好想试被雨淋湿晒。”他透露小时候很期待落雨玩水、踩泥氹，可惜加拿大落雨时天气太冻，不能出户外玩水，而香港落雨天气和暖，所以想感受一下。“我成日见到其他人拍嘅MV落大雨，成身湿晒，失落嘅感觉，未试过就好想试。我知道化妆师、发型师和造型师都有好大concern （忧虑），发型同埋个妆都甩晒，唔知似咩！但我唔理，我想做就要做！”

最欣赏Moon Tang写的英文歌词

新歌首次与孖生弟弟Tim Fung一齐填词，Jay笑言没有想过如此顺利，他说：“因为我好有自己嘅谂法，佢又好坚持，我以为我哋会打交，估唔到合作咁愉快。其实Tim写嘢几叻㗎，佢做过copywriter（撰稿人），今次揾佢帮手，希望写到唔同嘅感觉。”Jay表示在香港唱作人中，很欣赏Moon Tang写的英文歌词，希望有机会合作。