黑色话剧《唔讲得》9月重演 叶童新尝试由闹交变“唱”对方 与黄德斌再合作有熟悉距离感

由叶童、黄德斌领衔主演的舞台剧黑色喜剧《唔讲得》，去年11月在香港文化中心大剧院的首演叫好叫座，早前于吉隆坡及广州两地的巡演也获取了空前成功。本剧将于9月4至7日在香港文化中心大剧院重演，现因观众反应热烈，更特别加开9月6日下午2时30分场次。

叶童、黄德斌现场互“唱”

叶童、黄德斌领衔主演的舞台剧黑色喜剧《唔讲得》。

叶童、黄德斌等近日进行新一轮排练。

叶童指今次同德斌再合作有一种熟悉距离感。

叶童指今次新尝试系同德斌喺个剧度本来系闹交变了“唱”佢。

舞台剧黑色喜剧《唔讲得》。

叶童、黄德斌等近日进行新一轮排练，德斌说：“呢个剧过咗咁耐再喺香港重演，对我嚟讲系一个新鲜嘅体验，因为今次有啲唔同，特别系音乐方面嘅处理方式，我会当佢系一个新嘅剧去做！”叶童表示：“我同德斌系上年合作呢个剧，之后我哋去咗几个地方演出，9月就会喺香港重演，大家都好开心。今次同德斌再合作有一种熟悉嘅距离感，唔知系咪一种感情嘅升华，就好似要行番远少少去观望佢，去体会佢嘅感受嘅𠮶种感觉，我唔知德斌佢点谂，但我觉得佢好似回避紧我，佢开始对我有距离感！冇嘢嘅，我接受到嘅，有啲你唔想讲嘅就唔好讲，我明有啲嘢系唔讲得嘅。今次重演我哋有个新尝试，呢个新尝试就系我同德斌喺个剧度本来系闹交，闹闹吓就不如‘唱’佢好似好啲。”德斌：“我哋会系现场互‘唱’，将𥚃面一啲心底话‘唱’出嚟！”叶童续说：“我唔单止会独唱乐坛大姐大嘅歌，我仲会同德斌合唱一首天王天后级嘅歌，去‘唱’出我哋系剧入面嘅心情。我哋一直以嚟都系用对白呈现感觉同故事，今次就将我哋嘅心情用歌曲呈现，我有一种‘唱’德斌唱得好澎湃嘅感觉，我会周围去‘唱’佢。”

杨永德：“观众睇《唔讲得》呢部剧唔单止系睇剧情，后面重有好多深层次。”翁炜桐：“香港嘅观众睇过第一次就会食过番寻味睇第二次，再睇会睇得更加深入。”李俊乐：“今次我再喺香港参予《唔讲得》，心情有啲紧张，𥚃面有啲新歌同音乐都要再准备，剧情都有改动，所以我都好期待。”