铁路迷曾傲棐旅居日本狂搭新干线打卡 当年考DSE分心Busking成绩未达预期

歌手曾傲棐（Arvin）日前出席“港铁艺术舞台”夏日音乐会，一连唱出四首歌曲，吸引数百乐迷驻足欣赏，更不时向Fans“派心心”，认真识做：“我真系成日搭港铁，表演完就咁搭车走，如果大家车厢见到我，都可以随时走过嚟问我‘攞心心’。但如果我系同屋企人一齐嘅话就打声招呼先，唔好吓亲佢哋。”

曾傲棐自认铁路迷

Arvin自爆是铁路迷，这次于港铁站内表演大呼感受特别，“我住元朗，以前东铁未有得过海嘅时候，每次过港岛就系喺呢度行行行，去到𠮶边搭车，所以第一次喺呢度唱歌畀大家听系好特别。”原来Arvin 6月时到日本旅居一个月，笑言“欠片债”在假期都有拍片工作：“公司就嚟‘劈’我啦！我要返去剪片！其实在当地都有录歌，音乐创作上都有很大启发，制作节奏都比香港快。”讲到日本之旅的难忘时刻，原来又跟铁路有关：“关东嘅新干线我搭晒啦！点解会对日本嘅情有独钟呢？因为我由细到大都住元朗，元朗𠮶架‘千九公主’就系日本做嘅，所以我一路都好想去日本睇吓啲铁路。”

曾傲棐（Arvin）日前出席“港铁艺术舞台”夏日音乐会，一连唱出四首歌曲。

Arvin以过来人身分为应届考生打气。

Arvin唱歌吸引数百乐迷驻足欣赏，他更不时向Fans“派心心”。

Arvin日内将推出新歌派台。

他笑指早前日本旅居时，不忘拍片开工。

Arvin表示新歌MV内容sell集体回忆，望拍出共鸣感。

曾傲棐日本旅居不忘拍片开工

日内将推出新歌派台的Arvin，原本打算透露歌名以慰藉fans，点知原来早已泄漏，惟有向MV“埋手”，“MV好睇嘅，因为今次MV我参与得比较少，所以系好睇嘅，哈哈。系关于一啲集体回忆嘅嘢，希望大家睇完之后会有共鸣！”此外，下星期亦是DSE放榜大日子，Arvin以过来人身分为应届考生打气：“当年DSE分心Busking和打波，成绩未达预期亦意料之内，但其实成绩不是一切，最重要是找到发光发热的地方，当年我都觉得证书很重要，但现在回看又好似不是，路都是由自己行出来。其实担心都没有用，善用时间做自己喜欢的事。”