小仪撑卢觅雪是姜糖︰MIRROR每位镜仔佢都锡 唔觉商台出现裁员潮

小仪今日（4日）主持开幕礼活动，对于姜涛发生堕海事件后，商台主持人卢觅雪于节目《在晴朗的一天出发》中，批评姜涛的言论，质疑睇日落说法。小仪说：“我觉得卢觅雪纯粹系𠮶吓无端端咁讲，但其实无乜意思，系无心嘅！以我所知、眼见，佢好锡MIRROR，每位镜仔都锡，所以佢无必要用咁说话去讲。佢平时可能讲嘢都咁样，将平时讲嘅嘢摆咗落去。”

小仪话外界敏感咗

提到森美指卢觅雪是“姜糖（粉丝称呼）”，小仪指卢觅雪是姜糖，她每位MIRROR成员都喜欢，每逢开骚都会入场睇，没有特别针对任何一位。谈到商台《在晴朗的一天出发》PA蔓儿被炒一事，令人联想跟卢觅雪出位言论有关。小仪说：“我觉得一定唔系！我喺呢间公司咁多年，一定一单还一单，唔会咁样！若然关卢觅雪嘅事，点解要蔓儿去‘食’呢件事？系唔会㗎！所以大家敏感咗，但公司有咁嘅决定，点解要蔓儿离职呢？真系唔知！𠮶日佢喺903群组话畀大家知：‘蔓儿要离职啦’！”我哋都系𠮶时先知。”谈到商台是否出现“裁员潮”，小仪说：“我又唔觉有个潮㖞！暂时见佢一位，可能重组架构上变化，我哋都系small potato开咪啫！写字楼或高层决定，真系唔知道！现阶段睇唔到有咩动摇，继续做好节目。其实环境系每一行，都见到结业，好似大酒楼，所以每一个工作都惊，我哋岗位做好节目同自己本份，希望多啲客户同听众，若然留到同事喺度，希望大家努力。”

小仪今日（4日）主持开幕礼活动。

小仪主持开幕礼，吕爵安（Edan）与花剑运动员蔡俊彦出席活动。

小仪撑卢觅雪是姜糖。

《在晴朗的一天出发》卢觅雪的言论再起风波。

小仪撑卢觅雪是姜糖，“严格嚟讲，佢MIRROR每位镜仔都锡 ！”

商台解雇蔓儿。

小仪唔觉商台出现裁员潮。

小仪事前唔知蔓儿离职。