仵工自爆工作日常 堕楼案遗体完整度讲彩数？ 最恐怖案例与矛状防盗栏有关｜Juicy叮
不少涉及死亡的新闻都会见到“仵工将尸体舁送殓房”讲法。仵工，俗称“忤作佬”，搬运遗体是职责之一。有仵工在社交平台Threads以“仵工日常”为题发帖，讲述工作时遇到的种种，揭开这份职业的神秘面纱。说到死亡这件人生最终大事，有网民郑重提醒要“活在当下多珍惜”。详情见下图及下文：
仵工自爆工作日常 堕楼案遗体完整度讲彩数？ 最恐怖案例与矛状防盗栏有关逐张睇↓↓↓↓
楼主：自行斟酌是否继续阅读
楼主早前发布的其中一个“仵工日常”帖文，便讲述工作时处理堕楼遗体的不同情况：
“呢个Post（帖文）会解答对跳楼自杀有误解嘅人，但将会描写得好详细所以会好血腥或者恶心，请自行斟酌（是否继续阅读）。
有人同我讲佢见过跳楼自杀嘅人同荧幕上嘅差唔多，冇我所讲得咁恐怖。咁我会话系个先人好彩，喺跳落嚟嘅过程冇撞到任何嘢同高度唔太高，所以个冲击力唔足以令遗体支离破碎。
我做过一单跳楼自杀案系个遗体跳落嚟嘅冲击力可以撞穿有玻璃上盖嘅行人路，亦都见过跌凹咗行人路嘅栏杆。以上嘅情况都无一例外系成个遗体系散晒，一般最常见嘅系地下会有一滩血水，头骨碎咗散落周围，再常见嘅系拦腰式，而肠个范围啲内脏跌晒出嚟”。
楼主接著称，“以防再有人问我遇过最恐怖嘅跳楼Case（个案）系点，我喺度一次过讲埋，都系𠮶句自行斟酌（是否继续阅读）。
好记得𠮶晚系凌晨，咁个屋苑啲防盗栏系好似外国𠮶啲，个头个顶系好似一支矛咁。好不幸地𠮶次先人就跳中喺防盗栏上面，头皮挂咗喺支矛上面，上半身都系挂住喺防盗栏度，而下半身就喺屋苑外面。庆幸𠮶阵系夜晚又冇乜灯，唔系嘅话我都相信自己都可能会作呕……”。
相关阅读：红磡殡仪馆$45000超高薪请仵工 工作职责曝光惹热议
楼主：要当场执手尾
有回应的网民好奇查问“你要当场去执手尾㗎？”，楼主大方回应“一定要，除非啲肉／内脏已经碎到执唔，到同埋黐实晒喺地下”。
此外，似乎有行家留言指“有时做高处堕下嘅Case，去到现场，可以叫做人体爆炸，可想而知有几散。又试过做一位女士高处堕下，她大部分内脏由佢嘅下体挤出”。楼主和应“试过200几米外都仲揾到啲碎骨”。
有人引述楼主的行家称“我朋友系你同行， 有次东涌有单先人喺落地最尾𠮶段同墙擦着落，散晒，佢同我讲话尽执，大嚿啲用夹刮返落胶袋”。楼主于是就相关情况补充细节“大嚿𠮶啲，我哋都系戴住手套咁执起，揾个胶袋装好再放入尸袋入面，等殓房Ching（师兄）／法医处理”。
另有网民忆起旧事——“我读书时遇过唔止一次跳楼，多数都系心中有感，感觉下再望向特定方向，PoP（泊）一声或“拍”一声⋯⋯见过要‘执’返嘅，我震撼嘅通常唔系先人，震撼嘅系家人反应与后著，在生之人要多爱身边人，活在当下多珍惜”。
防止自杀求助热线：
“情绪通”精神健康支援热线：18111
香港撒玛利亚防止自杀会： 2389 2222
生命热线： 2382 0000
明爱向晴轩： 18288
社会福利署： 2343 2255
撒玛利亚会热线(多种语言)： 2896 0000
东华三院芷若园： 18281
医管局精神健康专线： 2466 7350
赛马会青少年情绪健康网上支援平台“Open 噏”：http://www.openup.hk
资料来源：______iloveyou3000＠Threads
相关阅读：红磡殡仪公司“争议价”请仵工 须识英普粤电脑文书绘图 要驾灵车抬棺遗体处理做仪式 网民讥：黑工都唔做↓↓↓↓
有位于红磡的殡仪公司早前公开招聘仵工，人工被指出手过低，引起争议，该仵工职位，资历要求除粤语外，须具一般英文及普通话能力，并懂电脑文书，并识用Mac机做电脑绘图，工作包括驾灵车、抬棺材、帮先人穿衣化妆、遗体处理、做仪式等等一脚踢。
有网民认为，该工作要求及薪酬不相配，讥讽“黑工都唔做”，有殡仪业界人士表示：“个市场已经坏咗。”有关仵工招聘薪酬详情如下↓↓↓↓
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
