Anson Lo 30而立更能抗压 不再做喊包 英文名由来与TVB名剧有关丨名人杂志

MIRROR成员卢瀚霆（Anson Lo）入行7年经历了大大小小的难关，抗压能力成功提升，生活工作上都取得平衡，下月迎来30岁生日，Lo要做一个有承担的男人，担起养家的责任，令父母的退休生活更精彩。撰文︰陈凯诗  摄影︰林宾尼

Anson Lo下月将迎来30岁生日，他立志要做个有承担的男人，也希望抗压能力会加更强。

Lo推出今年第二首派台歌《你都有今日》，今次制作班底非常特别，邀得Howie@Dear Jane作曲、黄伟文（Wyman）填词，Dear Jane联同阿琛共同监制，度身订造首支Rock Ballad歌曲，MV在YouTube上架短短4日已冲破100万点击，相当厉害！歌名好像带点寸嘴，像是在讽刺别人，Lo表示第一眼见到歌名都有点惊讶，但在Wyman解释这首歌的概念，自己再细心了解后，发现其实是一首鼓舞人心的歌，意味着“每个人都有今日”，至少依然活着，可以活出自己，不要再纠缠在过往的失败，好好把握今天move on向前行。笑问现实生活中有否向别人说过“你都有今日”，Lo笑言：“由细到大都冇讲过，玩就会咁讲，但真系好少听到寸人会用呢一句。”

获Dear Jane力挺 So Sweet！

今次破格邀得Dear Jane做监制，第一天录音更获全员上阵陪伴，Lo高呼：“好crazy，我本身知道阿Tim会嚟，点知Dear Jane全员都嚟，阿Tim话佢哋都好想嚟支持我，我觉得好sweet。𠮶日我录咗4个钟，全部人都keep住坐喺度无走到，仲好留心听同畀意见，即刻谂到啲arrangement系点样做，好似一班大哥哥喺度backup住我，真系好感谢大家。”Lo与Dear Jane就好像屋企人，经常会在不同场合碰头，亦曾经合唱过歌曲《MONEY》，每次见面都会互相慰问，最常问的是︰“你近排点呀？大唔大压力？”这种感觉很亲切。

入行7年Lo最大难关是2019年爱犬Roxy离世。

Dear Jane全员陪录《你都有今日》录足4个钟。

新歌提到昨天失去才有今天，Lo坦言入行这7年经历了大大小小的难关，特别是即将踏入30岁，自觉比以前长大了不少︰“无论样貌或者思想上都成熟咗好多，有好多嘢都放松咗好多，冇以前咁惊咁执着，依家过每一日都系向前看。”谈到这7年来最大的难关，Lo：“入行第一个好具体嘅难关，系我只狗（Roxy）过咗身，虽然唔系第一次接受生离死别，但系我至亲嘅一个经历，当时系好难过嘅一关。”幸好当然有MIRROR兄弟和神徒们的陪伴。

学识自制Me Time

Lo指现时自己处理压力的能力提升了︰“过去一年相对系小喊咗好多，唔会一嘢就喊，会慢慢process，我觉得同自己work life balance好有关系。依家会2、3日跑一次，将跑步培养变成一个习惯，又采取咗张继聪前辈的提议去沙滩grounding（吸地气）。 ”
虽然工作排到密密麻麻，但现时他已懂得为自己制造me time，并笑言：“呢个me time其实唔系好健康，可能收咗工之后返屋企，就牺牲瞓觉时间，畀自己睇吓戏，但系呢啲me time系好紧要，所以我觉得冇对与错，每个人揾me time嘅方法唔同。”出名是孝顺仔Lo，原本计划了今年4月同家人去旅行，但因教父教母已经约了朋友外游而未能成行，惟有再努力夹档期。

Lo推出今年第二首派台歌《你都有今日》。

MV在YouTube上架短短4日已冲破100万点击。

Lo表示第一眼见到歌名都有点惊讶。

笑问现实生活中有否向别人说过“你都有今日”，Lo笑言：“由细到大都冇讲过，玩就会咁讲。”

Lo坦言入行这7年经历了大大小小的难关。

特别是即将踏入30岁，自觉比以前长大了不少。

Lo直言有好多嘢都放松咗好多，冇以前咁惊咁执着。

Lo说遇上难关，幸好有MIRROR兄弟和神徒们的陪伴。

Lo指现时自己处理压力的能力提升了

睇《妙手仁心II》立志行医

而在新歌MV大玩“制服诱惑”的Lo穿上护士装，神徒都将焦点放在他的爆肌身形上，Lo澄清：“其实件衫唔系好啱我size，但揾唔到再大件啲，就变咗好逼，你哋睇落就觉得我好大只，但其实我系冇咁大只㗎！”他续指依家亦有不停操肌，cardio加重训双管齐下。

Anson Lo的英文名原来是来自剧集《妙手仁心2》。

Lo志愿做医生，因生物化学非专长，MV做护士还自己一个心愿。

今次碌爆友情卡，Lo请来“最佳男配角”朱栢康“最佳新演员”苏文涛来助阵。

Lo透露小时候因睇剧集《妙手仁心II》曾立志做医生，并大爆Anson的英文名的由来：“啱啱小一嘅时候睇电视剧个医生角色系叫Anson，𠮶阵觉得佢好有型，所以就改自己个名做Anson，亦因为咁，细个觉得长大后一定要做医生，但到中学时发现理科唔系自己叻嘅嘢，自己亦兴趣不大，所以就冇做到。”

公开素颜无压力

2025巳过了一半，下半年Lo正拍摄以全英语对白演出的剧集《The Season》 ，同时电影亦在筹备当中，还要开会、排舞、宣传新歌，以及录制开骚前会推出的album，所有范畴一同进行，非常忙碌。问12月的个人演唱会，Lo就剧透是在12月初：“睇完应该未过圣诞。”

在团综节目中即场卸妆，Lo公开素颜获赞皮肤好！

在团综《吕涛米Lo 花Son Show》中，Lo激罕在镜头前即场卸妆，公开真实素颜，他表示：“感觉都冇乜嘢，最惊讶系落个下，全场工作人员都‘哗’，因为我抹完仲白过个妆，大家就觉得好夸张。”他续分享心声：“有工作人员话其实冇需要咁样落妆畀人睇，做乜要proof畀人睇？如果佢系唔钟意你，你做呢个行为，佢都系有100个方法唔钟意你，但系对于呢一个落妆行为我系舒服嘅，同埋我都想畀大家睇吓我另一面，当系畀大家睇下未见过嘅Anson Lo，同做戏角色一样，总之我唔介意就OK。”

30后想试形象大改造

7月7日迎来30岁生日，Lo早在28岁开始经常被提醒自己即将30岁，感觉30岁是一件很恐怖的事，青春快将要完结；但到现在感觉反而觉得成熟了，可以做一个真男人，有承担说到做到，Lo说三十而立就像跨去人生另一个转捩点，人生目标更加明确︰“想继续去养起屋企，想父母生活越嚟越丰富精彩，佢哋而家退休嘅生活都精彩忙过我，周围去玩、探吓亲戚朋友 ，呢个系我好想见到嘅画面，我都好想继续提供呢啲生活比佢哋。”而30岁的目标：“我冇一个目标系30岁之前要完成一样嘢，但我想睇踏入30岁之后，演一啲好唔Anson Lo嘅角色，可以畀我一个形象大改造，如留长头发、生到满面胡须，总之系完全唔同形象！”神徒们拭目以待！

快将30岁的Lo希望养起屋企人，令父母退休生活更精彩。

虽然工作排到密密麻麻，但现时他已懂得为自己制造me time。

出名是孝顺仔Lo，原本计划了今年4月同家人去旅行，但因教父教母已经约了朋友外游而未能成行。

2025巳过了一半，下半年Lo正拍摄以全英语对白演出的剧集《The Season》 。

问12月的个人演唱会，Lo就剧透是在12月初：“睇完应该未过圣诞。”

Lo早在28岁开始经常被提醒自己即将30岁，感觉30岁是一件很恐怖的事。

但到现在感觉反而觉得成熟了，可以做一个真男人，有承担说到做到。

，Lo说三十而立就像跨去人生另一个转捩点，人生目标更加明确。

化妆：Rainbow Chung @Annie G. Chan Makeup Centre
发型：Denny Ku @Chic private I salon
服装：Dmop, iiJin
造型设计：PIPA Creative
地点：Lubuds Group, FWD House 1881