25岁小店老板自爆卖水晶发迹史 靠全民派1万元起家 唔会$2000攞货卖过万 最多赚呢个数｜Juicy叮
一名年约25岁的小店老板，近日在网上自爆卖水晶的发迹史，靠着2020年时港府“全民派钱”的1万元起家，强调做生意不会攞2000元的货色转卖过万元，最多只会赚呢个数。创业故事相当励志，获不少网民支持，鼓励继续加油。详情见下图及下文：
小店老板自爆卖水晶发迹史 靠全民派1万元起家逐张睇↓↓↓↓
楼主在社交平台Threads以“创业”为题发帖，以长文讲述自己的水晶生意如何发迹：
“唔知道大家仲记唔记得2020年中政府派𠮶1万蚊，当时身无分文嘅我、20岁嘅我，用咗呢1万蚊决定创业，入咗一批水晶手串卖，卖完一批再入一批，之后仲比我遇到好好嘅水晶批发同工厂。
想俾大家用一个最高性价比嘅价钱买水晶，一直喺屋企做网店，开直播，直至摆完第一次D2市集，𠮶时就觉得系时候了，要开一个工作室，2021年1月决定每个月$4600租金150呎，喺观塘开我第一个门市，做咗4个月，觉得唔得了，需要大啲嘅地方放货，然后就搬咗去一个400几呎，每个月万几蚊租嘅地方，一直做，做到今时今日，2025年。
大家一定系咪觉得水晶好好做？但现实又系咪咁样呢？我哋无背景、人脉、资金，由零开始去识人，慢慢同批发打交道，攞货，攞得唔多，卖又卖得平啲，贴地啲。
其实真系唔系大家理想咁赚得多，起码唔会攞货返嚟$2000然后卖你1万，最多赚你一千几百，不过讲咁多，都系想同大家讲，创业其实唔难，守业先系最重要，靠有一班熟客，然后再介绍俾其他朋友，慢慢拓展客源，先做到今日。而家市道明显转差，大家消费都谨慎咗，如果系守紧业嘅你，我哋一齐加油，经营小店真系唔容易”。
创业故事获同路人和应
回应的网民都鼓励楼主加油，有人指“真心几Ｘ劲，当年嘅我无咁嘅勇气去创业，唔敢去闯（屋企负担），希望你成功越做越顺”。另有同路人留言和应“我都系𠮶阵开舖，2020年7月俾完二按（按金）一上（上期）同入货，银行系无钱嘅，一啲后路都唔留俾自己。本身想主要卖水晶，点知好快就转做灵气+魔法，不知不觉间已经第5正职，你提起先知时间过得好快”。
楼主回应时透露更多创业细节：
•系二上一按已经差唔多两万，入埋货真系完全冇钱，我当时都系心谂唔得就重新嚟过。大家都要加油，喺自己条跑道上边继续努力，发光发亮。5年真系好快过，而且都好充实。
•我一开始开工作室，即系第一间铺嘅时候，我系All in（全部）晒落去，入咗10万蚊左右货，希望3个月里面可以回本，因为冇员工，全部都系自己一脚踢，装修都系自己整，所以呢类型嘅支出唔算好大。
•因为我知道，开得门市，就一定要放最多嘅货喺度，大家上嚟先有得睇同选择，所以先All In落去。
•工作上，开铺开2点至8点，全职开铺，以前开铺后开直播会好癫，开到凌晨4、5点都试过。一开始未开门市，开直播试过开到天光。除咗工作都有生活嘅，不过就放弃咗自己最钟意嘅跳舞，都有少少唔开心的，不过依家行呢条路都无后悔。
另有网民忆起当年收到1万元时如何使用：
•网民甲：我当时攞咗去买小米；
•网民乙：我𠮶1万蚊用咗来自资出书同买嘢；
•楼主：相信好多人都攞晒嚟买嘢，1万蚊话多唔多，话少唔少；
•网民乙：系，之后都开咗间网店卖书同玩具。
另有网民提到“因为失业多时，都考虑要不要创业。压力很大”，楼主留言鼓励“你问我要唔要创业，我一定支持，但系我都讲咗创业容易，守业难，创业都会有好多压力，所以谂清楚先，我就话当时20岁，可以All in”。
2020年全民派1万元
2020年时，为鼓励消费，振兴香港经济，港府公布《财政预算案》时，宣布向每名年满18岁的香港永久性居民发放1万元。派钱计画于当年6月21日起接受申请，经21间与政府签署协议的银行网页或以电子银行服务登记，最快可于7月8日收钱。
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
