六合彩得主女儿罕公开谈变化 撰文近4千字称父母中奖后性格剧变：“好欣赏佢哋冇畀金钱蒙蔽双眼”｜Juicy叮
有自称六合彩中奖得主的女儿，近日在网上公开撰文近4千字，分享全家中奖后的变化点滴，她指父母中奖后性格剧变，由于有苦衷至今仍向一些至亲隐瞒中奖的消息，她表示非常欣赏父母“冇畀金钱蒙蔽双眼”。
女事主在社交平台撰文并与网民互动分享，她坦言为了保护私隐出帖的帐户不是私人“main account”（主帐户），“有啲事实我改咗，唔系真系exactly系，我主要都系想分享吓我嘅感受”“感受系真实嘅”，帖文引发热议，以下为女事主分享的要点：
六合彩得主女儿罕公开谈变化 撰文近4千字称父母中奖后性格剧变：“好欣赏佢哋冇比金钱蒙蔽双眼”↓↓↓↓
女事主在刚过去的周日（1日）在社交平台Threads发帖分享“我屋企中六合彩X奖嘅经验”“我想详细啲讲吓，我由未中六合彩到中六合彩呢个转变”。她说想分享并非“晒命”，而是“纯粹想感谢主耶稣，天公作美”，她在帖文及回复网民提问，共撰文近4千字。
中六合彩前一家6口住公屋
她表示，中六合彩那年自己读小三，而妹妹读K2，她们两姊妹连同父母，一家四口本住在居屋，但因为父亲卖楼，帮烂赌姑妈还大耳窿欠债，结果“搬咗去爷爷嫲嫲间公屋住”。
“𠮶阵时六个人就喺呢二、三百呎嘅屋入边生活”，当时父亲“因为学历唔够俾人bully（欺凌）”而辞去工作，家庭主要收入为母亲担任洗衫工作的每月一万余元薪金，再加上“我爷爷（每月）几千（元）嘅退休金（唔知有冇攞综援）就撑起我哋呢六个人”。
首次买六合彩父母曾因此嘈交
她记得，在暑假或开学时，“阿爸就话今次六合彩有好多钱，佢想搏一搏”，但母亲反对因为担心父亲会像“姑妈咁样沉迷喺呢啲赌博度”，两人曾因此嘈交，但最后父亲仍偷偷买六合彩，“叫我拣一个数字，又叫我阿妹拣一个数字”，但该期六合彩最后“开彩冇中”，这是父亲第一次买六合彩。
之后，因为父亲找到新工作，“我哋全部人（连埋爷爷麻麻）出街庆祝爸爸揾到新工作”，父亲表示为庆祝找到工作，提议买六合彩，“因为今次累积奖金好似好多，惊喜系今次我阿妈应承咗。”
一家六口每人想一个号码落注
女事主记得当时在元气寿司店，她们6人每人写一个号码，“首先系我阿爸揿咗一个数字，跟住就到我阿妈，之后就我阿妹，传过去对面就系我，我再传畀隔离嘅嫲嫲，我嫲嫲再传畀爷爷，最后我爷爷揿完最后一个数字畀返阿爸。”
女事主形容当时和妹妹“劲兴奋”：“又有得食寿司，又好似进行紧啲咩好神圣嘅仪式。”
父亲购买该期六合彩结果中奖，女事主分享想号码时的心情：“我记得我𠮶阵时揿数字嘅时候，只眼好似比一个数字吸引咗咁，跟住就揿咗落去，完全冇𠮶啲咩要struggle好耐嘅感觉。我哋每个人都好快咁揿咗一个数字，呢个感觉我记到嚟而家（虽然而家冇再中过笑死）。”
父亲对搅珠结果突“行咗去厨房揾妈咪”
六合彩搅珠当日，父亲拿着六合彩票即场观看直播对号码：“佢每出一个Number，我就问爸爸有冇中。第一个出嚟，我同阿妹好兴奋咁问：有冇中、有冇中、有冇中？我爸爸话有！我哋即刻企晒起身好兴奋。”
“跟住到第二第三个，我爸爸都话有，佢个‘有’已经唔系兴奋咁简单，系充满着wtf𠮶种嘅‘有’，我同我阿妹完全系当地板，喺跳弹床咁样喺度跳，互相拥抱住对方。”
到第六个号码搅珠出来，“我同阿妹即刻问有冇中有冇中，点知阿爸唔理我哋，佢行咗去厨房揾妈咪。”之后“阿嫲好似知道啲嘢，即刻抱住我哋两个话：冇中到啊。”
其后，“阿爸阿妈出嚟......阿爸好失落咁话净系中咗$1000，阿爸讲完之后，我同阿妹都冇继续深究”，但其实父亲隐瞒中了六合彩，因事主发现自此财政变得非常充裕，“洗费比平时大咗，又话谂住俾阿妹读私立小学”。
父亲称“净系中咗$1000”
事主说，父母至今仍没有告诉她当年中六合彩获取了多少奖金，“其实我爹哋妈咪都冇同我讲有几多钱，反正就多到财富自由”，他们之后有“投资银行股，买咗三间屋，一间自住，两间租出去，有部份钱捐咗畀救助流浪猫狗嘅协会（详细唔讲）”，“有劲多劲多张银行咭”。
她回应网民提问指，父母隐瞒至亲中六合彩有苦衷，主要是不想“畀太多钱我嫲嫲”，因为最后会给烂赌的姑妈“呃晒”。
她说，中六合彩后除捐钱给“救助流浪猫狗嘅协会”，至今仍在工作的父母，亦会“将自己10%嘅人工捐畀医管局”，选择医管局是因为“佢哋做紧相关嘅行业”。
父母仍全职工作 为低调住普通私楼
父母目前仍保持低调生活，没有因为中六合彩而退休，反而继续返工，估全职工作，“仲话要返到65岁”，“其实佢哋而家都系做紧啲服务性嘅工作，我都好欣赏佢哋冇畀金钱蒙蔽双眼。”
她又透露，她们一家目前只是“住普通私楼”，“如果由咁穷变住豪宅，系人都睇得出，够住就OK啦。”她说，父母中六合彩后，“一开始𠮶阵时候系谂住移民，但系因为佢哋英文唔系好劲，所以都系留返喺香港。而我之后养咗好多只宠物，所以都唔会出外国读书。”
“最大改变都系失眠问题”
她谈及父母在中六合彩后，性格起了重大改变，“即系以前我爸爸真系好恶，系会攞衣架打我哋𠮶啲，妈咪都会......我爸爸之前讲嘢超级大声，我妈咪都系𠮶啲大声公，咩都周围同人讲。”
“中咗六合彩之后，爸爸稳重咗劲多倍，讲少咗嘢，仲要每次都讲得好细声，好温柔。而我妈咪由E人（外向）变得超级I（内向），I到系一有放假就唔会出街𠮶种。”
她特别指出，父母中六合彩后开始有失眠：“不过讲到最大改变都系失眠问题，佢哋话自己个心成日囉囉挛，攞住呢笔钱好唔安稳。”庆幸“我哋一家四口嘅关系都系照样咁close！！都系好有爱。”
网民问中奖征兆 事主：关负能量正能量事？
无论如何，女事主认为父母过往“真系好坎坷”，“我觉得佢哋系值得拥有而家嘅一切”。
有网民问到女事主当年父母中六合彩时“有冇啲咩征兆”，女事主回复说第二次买六合彩中奖，“𠮶日就超开心”，父亲找到新工作，又难得一家一齐食寿司，“成件事真系好温馨好开心”。相反，第一次买六合彩不中，当时“系咁啱我喺学校喊完返嚟，跟住阿爸话买，因为佢哋𠮶阵时话要离婚，所以我觉得关负能量正能量事？我买六合彩𠮶日真系好好好好好好开心。”
网民纷纷留言热议：“应该系中头奖，好羡慕。”“爸爸妈妈心理质素好好，无畀横财蒙闭双眼，咁先可以好好守住财富。”有人表示：“好似睇紧现实版嘅港产片《家有喜事》咁。你写得好好啊，一家人好可爱！你们值得现在拥有嘅嘢。”有人则提醒女事主保持低调：“感觉到你好似好想爆呢个多年秘密出嚟，想提下真系尽量唔好。”
来源：clsbubblez＠Threads
相关热话：
六合彩最幸运“士丹利街投注站”近6年无开斋 呢间投注站力追连中三元｜Juicy叮
中$80万六合彩二奖 幸运儿传授落注心得 现身讲6个字感受｜Juicy叮
连中3次六合彩袋近$6万 幸运儿分享神奇报梦经历 自爆去呢间投注站落注｜Juicy叮
《爱回家》奇蹟贴中六合彩！剧情搅珠撞中多个号码 网民跟买赢钱｜Juicy叮
同场加映：奇招$220买齐49个号码 过来人曝光实测往绩：第一次咁中5位数奖金↓↓↓↓
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
