VIVA成军一周年FM变喊包女团 首度公布粉丝名“Vitamins”：你系我哋嘅维他命

出道刚满一周年的女团VIVA，日前举行首个粉丝见面会，DJ梁文礼担任活动主持。现场百名粉丝的热情应援令VIVA由开场喊到完场，化身成“喊包女团”！VIVA更在见面会上首次公布粉丝官方名称为“Vitamins”，寓意彼此像维他命一样互相滋养、补充能量。

Ada一入场已眼湿湿

VIVA回忆起进场瞬间仍难掩激动：“一入门口𠮶刻见到有咁多人出现，系超级无敌愕然，个画面系有啲吓亲。第一次有咁多fans聚埋一齐，有好多唔熟悉嘅面孔，所以系超级无敌感激，好开心可以认识到啲新嘅朋友。”当梁文礼叫四人说感受时，Ada一开口便哽咽到说不出话，事后她自爆原来一入场已经眼湿湿，“觉得好似终于有俾人睇到嘅感觉，见到咁多人嘅时候，我系有啲眼湿湿，真系有咁多人支持我哋，佢哋喺咁多艺人歌手入面选择我哋，呢一个位系我觉得好感动。”随后Macy跟VALC在诉说自己感受时亦感动到落泪。

女团VIVA出道刚满一周年，日前举行首个粉丝见面会。

DJ梁文礼担任活动主持。

VIVA在见面会上首次公布粉丝官方名称为“Vitamins”！

VALC在诉说自己感受时感动到落泪。

Carina

Ada透露一入场见到歌迷已经眼湿湿。

感激歌迷的支持

提到FM最深刻的事情，Ada跟Macy均表示是读信环节，Ada坦言读信环节令她觉得跟fans距离拉近，“我哋真系好单纯咁直接同fans坦白我哋嘅谂法、或者对佢哋嘅爱意，有一个空间俾我哋多谢佢哋，佢哋都好愿意去聆听。当读信嘅时候，睇到每一位fans嘅眼神好感动，𠮶个moment feel到大家真系有connection嘅感觉。”Macy则指自己读信时，见到很多fans很感触，有些fans更忍不住流泪，“VIVA去到而家，唔系个个舞台都做得一百分，唔系每一首作品都会好多人听过，未系好出色嘅artist，我哋点样值得歌迷钟意呢？但系佢哋就钟意我哋，对我哋嚟讲系一个好大嘅鼓励。我哋都希望可以成为佢哋嘅精神支柱，可以比到一啲能量大家，同时当佢哋喺台下用一啲好热情、好support嘅眼神望住我哋嘅时候，佢哋都带俾我哋一啲好深嘅能量，令我哋继续行落去。”

VIVA坦言粉丝喜爱他们，已是一个好好的鼓励。

Ada表示看到每一位fans嘅眼神好感动。

梁文礼与VIVA合照。

Macy

VIVA特意到fans应援点打卡。

Carina最后亦失守“喊”

VALC收到fans送的Crying Baby公仔是最令她印象深刻，“佢同我讲：‘It’s ok to cry.’送公仔我不嬲都好钟意，但当只公仔系有意义同埋想俾个意义我嘅时候，我觉得呢样嘢好特别，所以好多谢送呢只Crying Baby俾我，我会学识表达自己嘅情绪㗎啦。”一直表现坚强的Carina到活动最后一刻亦失守，原来是因为经理人临时加入fans对VIVA告白的环节，“我最尾都有喊，亦都系我最深刻嘅moment。其中有一个妹妹好认真、又好可爱又好sweet咁话：‘好爱你哋、我好钟意你哋。我唔知讲咩好，净系谂到呢两句。’对好多人嚟讲，要将‘爱’”呢个字讲出口系一件好难嘅事，但对于佢哋嚟讲系好想Express佢对我哋嘅呢一个感情。”

VIVA特意到fans应援点打卡

见面会上，VIVA与“Vitamins”玩了多个互动游戏，从考验默契的“大电视”、“猜猜画画”到测试忠诚度的“大问答”，笑声不断，粉丝们对VIVA的深入了解更让她们惊喜万分，连成员自己都忘记的小细节，粉丝们居然如数家珍。这场真情流露的见面会，最后于笑声与泪水中圆满结束。随此之外，见面会前，VIVA更特意走到fans为她们准备的应援点打卡，认真爱锡fans。