班马扮食饭准备求婚 饭局原来AA制 见证后准新娘追收饭钱 闺蜜唔顺气爆饭脚敢言回应｜Juicy叮
有准新郎班马扮食饭准备求婚，但豪华饭局原来AA制，朋友见证后准新娘做丑人，翌日向大家追收饭钱，闺蜜唔顺气，在网上大爆饭脚的敢言回应。而留言的网民则几乎一面倒力撑楼主，有人认为“事前无讲就唔夹”；有人表明会照夹钱，但“不再相见”。详情见下图及下文：
班马扮食饭准备求婚 饭局原来AA制 见证后准新娘追收饭钱逐张睇↓↓↓↓
楼主本月26日在社交平台Threads以“黐Ｘ线求婚叫朋友夹钱”为题发帖，称“㖊日我闺蜜个男朋友叫晒啲朋友，话买咗花同埋戒指，准备今晚求婚，叫我哋出嚟扮食饭，唔好同佢女朋友讲，OK大家二话不说几忙都应承出嚟食饭，食到咁上下佢就开始拎啲嘢出嚟求婚，成餐都好顺利嘅”。
楼主续指“今日我闺蜜WhatsApp我叫我夹返㖊晚餐饭钱，每人夹返$800左右，我知系佢男朋友叫嘅，比你哋会点做，唔夹怕之后面左左，夹又觉得唔顺气”。
相关阅读：参加小朋友生日会后被追数$1140 港妈举家出席兼送1千蚊贺礼：事后对方家长竟要求收费！
楼主强调真人真事
回应的网民好奇查问“其实系咪潮文，间唔中就一单剧情一样嘅”，楼主回应表明“真人真事，㖊日（25日）发生嘅”。另有人想知“其他共同朋友如何回应？？系咪全部都夹？？ 之后全部unfriend（不做朋友）！？ ”。楼主进一步透露，“有一大半人已俾咗钱，其中一个有话：你唔系咁都叫人夹嘛？但都俾咗钱，佢应该比得好唔gur（唔顺气）”。
还有人询问“食咩饭要$800？”，楼主解画“一间4星级左右嘅餐厅，啲嘢OK好食，但唔值$800囉”、“我望到张单Total（总数）约1万几，有叫酒但我无饮，（只系望咗一眼，唔肯定Exactly（实际）个数），所以唔知佢有无计埋扎花和蛋糕，除返条数应该都合理嘅”。
网民大都站楼主这边
回应的网民大都站楼主这边，有人表明唔夹钱，有人却列出会夹钱的条件：“人情度扣返”、“事前无讲就唔夹”、“夹𩠌算啦，夹咩钱”、
“呢啲朋友要断舍离啦”、“可能被要求夹酒席钱”、“我会照夹钱，然后不再相见”、“我会夹，但不会出席之后婚宴（香港人要返工很忙呀）”、“唔紧要当做咗人情，佢哋结婚唔使去了！可以封锁埋”。
相关阅读：拍拖6年拟拉埋天窗 男方只肯影结婚相 港女一再退让：净搞观礼 准新郎坚拒 绝情说出6个字......
另有不少力撑楼主的网民都愿就事件作长文回应，讲出心底话阐述看法：
•睇嚟你都几大信任，你唔会谂下多种可能性。嘅然成婚姻，一个长久日日嘅枕边人亲啲，定系所谓闺蜜亲啲！？枕边人要一同生活、过老，闺蜜朋友各自最后有家庭，有重要嘅枕边人。如果系以上嘅前题因素下，你无考虑过“扯猫尾”？真系佢男友叫？定系两公婆有晒公识，闺蜜揾你就话男友叫就好，做丑人。呢种可能性有无？
•原来我并不孤单，我好多年前又系有个friend（朋友）系咁。我觉得咪当自己食咗餐唔好食嘅饭囉。钱咪照俾嘅。肉酸系佢哋。再讲有点样嘅男朋友就会有点样嘅女朋友。如果唔系同一类人，又点会开到口问你。真心呢种人疏远佢啦。对自己好啲。你当人系交心，人哋转个头就笑你哋。
•认真，你当人闺蜜人哋有无当你系先？未婚夫同闺蜜识做嘅就应该唔收呢嚿钱，就算未婚夫提出，你闺蜜其实都可以拒绝佢㗎。唔系𠮶800蚊嘅问题，而系条气唔顺，你都可以预想之后佢哋结婚，揾你做帮手嘅话，又要你出钱又要你出力啦，只会吃力不讨好。
•你回应佢，唔该下次再求婚冇Budget（预算）就唔好拣咁贵嘅餐厅啦，你求婚唔系我呀，我老麦（快餐店）都得㗎，$800包埋人情啦，结婚当晚我出席唔到啊脚痛啊，你哋呢次结得开心啲，下次再结唔好搞我，俾咗$800要有排储钱呀。
•$800买断个朋友关系，抵！不过以防沟通上有误会，我会好清楚话俾佢听事前系冇讲过要夹钱嘅，要夹钱我唔介意，戥你高兴，下次麻烦你事前讲声大家好做。同埋，我唔会去饮囉。
•其实呢啲情况，你忍得一次，就会有第二次，久而久之，你都会忍唔到，结果都系冇朋友做。嘅然迟早都冇朋友做，咁就唔好浪费金钱、时间，同心机去维系一段咁样嘅友谊。
•黐线，要出埋钱帮佢求婚！要人帮手就预咗要请食饭嫁啦！无钱唔好学人拣啲贵地方求婚啦！男人无钱唔紧要，孤寒加计较，边个嫁俾佢真系好Ｘ惨。
•钱照夹，但之后叫做姐妹／兄弟，就不了。不然随时不止没有裙／礼服，反过来要帮他们夹什么钱，而且是突然间才“通知”你付款。
•做咗场show（骚）点都要收返人工，霞姐都起码有饭盒，仲有结婚就唔好做佢姊妹，阵间连姊妹裙都要自己俾钱买。
•但凡关结婚事嘅都系照妖镜嚟，你朋友嘅真面目同你想像中系有出入的，唔好讲得咁肯定。好好做心理准备吧。
•唔食都食咗，可以俾，但结婚𠮶日成班真系唔好去，仲有一样嘢，过数俾返佢男朋友，唔好直接过俾佢。
•夹唔夹钱应该一早讲明，事后先话要夹好肉酸囉成件事。你哋全部人都唔好夹呀，扮唔记得过数。
•经过呢次之后，希望脆主（楼主）唔好答应做姊妹伴娘，唔系倒贴又劳气嘅事接二连三咁发生。
•留言一面倒。证明大家都系正常人。我谂你都应该知点做，佢求婚做咩要你买单，就算想人俾钱都要事前讲清楚啦，到时知道要俾钱都照去就系你情我愿。
不过，亦有网民认为食饭AA制合理，弱弱地指“大镬.....我觉得食饭要AA（制）有少少合理添”，但补充“$800系贵的”。
资料来源：kelly_lo_bb＠Threads
相关阅读：港铁妇与“非洲情人”Whatsapp对话疯传 “我想你来香港向我求婚！”网民：边个骗边个？↓↓↓↓
有网民搭港铁，看到一名妇人低头打Whatsapp，网民偷偷瞥到她疑正与“情人”对话，内容疑似电骗正在发生中，但“边个骗边个”引发网民热议。
有网民2023年11月在连登讨论区中，以“地铁阿姐疑似中咗电骗”为题公开事件，该网民的偷拍行为虽备受网民批评，但其截图却成为讨论焦点。以下是有关“传情”对话的截图，有网民从电话字头，发现该女子的“情人”竟是来自非洲，从应对内容中，网民热议骗与被骗的微妙关系↓↓↓↓
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
