刘德华自揭嗌交叻谈情无趣 邱礼涛认定是贵人得$10 Budget戏照拍

刘德华最近和最佳拍档导演邱礼涛再度合作，首次拍摄商业罪案片《猎金游戏》，华仔表示拍这题材是和市民息息相关。他和两位女主角倪妮、黄奕擦出不少火花，笑言非常享受：“我不嬲嗌交都好叻，但我天生系谈情嘅。我现实生活中唔系好识，一拍戏就大情人上身，倪妮会畀我一个好舒服，好好嘅环境，佢会令到我好自然咁堕入爱河！”

刘德华diss邱礼涛旧作

早前郑则士提过如果学做人，一定要学刘德华，邱礼涛亦非常认同：“之前我哋合作都系断断续续，到咗大约2016年，开始合作无间，我觉得佢一日一日咁长大，人就越嚟越好，如果以前系8分好，而家系10分好。我觉得佢而家嘅事业，就系我要做个好人！呢个系佢嘅使命。呢行好多明星都会摆明星款，佢一定冇。”华仔续说：“我由《无间道》就开始‘我要做个好人！’呢件事，我觉得只要对人好，自己条路自自然都会顺畅啲，做人都会开心啲！”他又透露曾经被人出卖：“𠮶次畀人出卖，由𠮶一刻开始，我就觉得佢系一个坏人，我一定要同佢计较。我下下算住佢！但耐咗就谂，算啦！自己嘻嘻哈哈，唔好同佢计较，最低限度，佢都冇害到你，最多都系皮外伤啫！”邱导亦赞同这种是成熟的表现，要高层次的人才可以做到这样。

合作无间的两人，亦认同是对方的贵人，华仔对导演好坦白：“之前佢有啲戏都拍得唔太好，我真系咁同佢讲，呢个人又真系好帮我，就算我Budget得10蚊，佢都会帮我拍。”而邱导亦觉得刘德华是自己贵人：“讲真，我呢世人都冇乜大成功，直至2017年开始，《拆弹专家》、《扫毒2》，就系遇到刘德华嘅时间，相对地红过，所以绝对系互相嘅贵人。”

刘德华和邱礼涛再度合作，日前两人接受HOY TV访问。

邱礼涛、刘德华近年合作无间，互称贵人。

关于《猎金游戏》，华仔︰“我唔玩股票，但都好影响我哋嘅进度，可能近排股市唔太好，投资老板都唔太愿意听我哋啲电影故仔咁！”

邱礼涛盛赞刘德华是10分好人。

华仔在《猎金•游戏》扮演股票分析师，运筹帷幄，仲同倪妮堕入爱河。

《猎金•游戏》以金融骗局为背景，踢爆阴谋。

华仔一头白发的霸气造型，原来是邱礼涛的意思。