星级大搜查丨明星爆趣洗头秘招大公开 方力申忌𢯎头Edan讲究地心吸力 娟姐：唔洗太干净
香港的夏天炎热又潮湿，洗头对于香港人而言是每日必做的事，但如何洗才是正确的洗头方式？我们又该怎样正确选择洗发护发产品？今集《星级大搜查》搜查一吓艺人明星们的洗头及护发习惯，并找来皮肤科专科医生陈厚毅讲解正确的洗头方式及保养头发方法。
谢君豪每日洗头：唔洗似雀巢
《星级大搜查》访问多位艺人，发现他们洗头习惯各有不同。吕爵安（Edan）表示自己每天洗头：“如果唔洗会觉得瞓觉好似好污糟，或者唔舒服。（我洗得）好快手，3、4分钟洗完。”姚焯菲根据季节决定洗头频率，她说：“夏天嚟讲，我每一日都会洗头，同埋有时工作要喷定型喷雾，我觉得（用咗）对头发唔好嘅（产品）就每一日都要洗。但系冬天比较干燥，如果每日洗头，其实对头发好差，所以我可能会keep住隔日洗，除非出汗。”
谢君豪则与Edan一样每天洗头，他说：“一定要洗咗先出门口，如果唔系就觉得自己成嚿嘢喺个头，好似个雀巢咁塌晒，第二就系个人唔精神，朝早洗晒头，精精神神出门咁就最好喇！”
相关阅读：星级大搜查丨明星手机充电习惯曝真个性？郭柏妍一习惯显焦虑个性 张振朗“借电”维生
明星洗头习惯大不同？
吕爵安爱“低头洗”：有地心吸力
至于洗头方法，吕爵安表示自己是“低头洗”：“习惯咗，因为细细个妈咪系咁样帮我洗，所以我由细到大都系咁样洗。我会觉得咁样洗干净啲，有个地心吸力吸住啲头发，如果唔系好似洗极啲gel仲喺个头度咁。”甄泽权则表示有独门洗头秘诀：“我洗头用嘅水温唔算太热，偏冻少少，我唔会用好多洗头水或者护发素，可能用一个五毫（份量）就够。”娟姐（练美娟）则表示：“千祈唔好洗太耐，如果洗得太耐的话，入面本身啲油脂、分泌物洗走晒的话，听讲会甩头发，所以唔需要洗得太干净，我唔知咁样啱唔啱。”
相关阅读：星级大搜查丨明星人生座右铭反映真实个性？金马影后钟雪莹：唔死乜都得 刘德华“五字真言”成金句
方力申有防脱发秘方？
不少艺人明星都习惯每天洗头，但他们都表示，有听闻每天洗头或影响头皮健康。方力申更质疑经常洗头或容易引致脱发，他说：“我有时去山区探访，好多农民系唔洗头㗎，但佢哋头发好浓密。我哋都市人成日洗头，但点解我哋脱发呢？呢样嘢我真系唔明，好苦恼。究竟系我哋嘅水问题？我哋用嘅产品唔啱？定系其实人系唔应该成日洗头呢？”
方力申分享，他是视乎情况决定是否每天洗头，若连续两天有工作，翌日一早要出席活动，他会在前一晚不洗头。“我唔想听朝去发型屋set头嘅时候，我呢个头会留到去听日，好似木乃伊咁瞓囉，唔郁咁样瞓！”方力申直言已到要关注脱发问题的年纪，甚至会找可令头发更坚韧及帮助生发的偏方，而他亦有自己一套洗发方式。他说：“唔好用太热嘅水洗头，听讲太热又会伤头皮，同埋我尽量唔会𢯎到头皮入面，我真系觉得会唔会洗得多系会甩头发呢？”
相关阅读：星级大搜查丨包包挂公仔成娱圈潮流指标 汤宝如爆男艺人储公仔成狂：车埋衫畀公仔著
皮肤科专科医生陈厚毅：最好暖水洗头
皮肤科专科医生陈厚毅表示，暂时没有医学实证证明“多洗头易脱发”的说法。陈说：“唔系洗得次数多就容易甩头发嘅，要睇佢洗头嘅时候会唔会好大力喇，当然如果好大力嘅话，咁样扯法，乜嘢头发都会甩，就紧系会脱发啦！”至于洗头一般应该洗多久，陈厚毅认为，一般每次洗头5至10分钟已足够，“洗太耐不单止未必干净，反而头皮有机会越洗越干，因为油脂保护膜受损，变成湿疹更加痕痒。”他建议最好用暖水洗头，太热嘅水有机会溶咗个油脂保护膜，令头皮越来越敏感。”
遇四种情况应每日洗头
陈厚毅医生建议四种情况，应该每日洗头，他说：“如果系头油好多、做完运动、本身又有用唔同头发产品，最好都系每一日洗，因为如果啲定型产品残留咗喺头发，有机会引致毛囊炎，严重嘅话有机会脱发。好似喺香港咁，夏天相当炎热同潮湿，都系建议每日洗会比较合适。”
相关阅读：星级大搜查丨新一代“明星街市”大公开 档主爆陈山聪、陈炜专攻煲汤料 呢个街市外围最易偶遇艺人
明星拣洗头水各有心得
相比男士大多几分钟洗完一次头，女士洗头的步骤则较为繁复。留长发的张蔓莎说：“我喺头发护理方面好detail，洗头前我会用一啲精华油喷喺头先，跟住再梳一梳 ，之后就洗头，水温唔可以太热，护发素我会搽咗一层先，跟住用埋护发膜，我系非常之护理我嘅头发！”干性发质的姚焯菲则选用滋润型洗发用品；Edan选用清爽去油洗头水，而胡子彤重视功能性，他说：“睇吓头发系咪会生得浓密啲。”谢君豪的选择最随心，他说：“我拣洗头水有个原则嘅，就系见到有咩喺度我就攞嚟洗，如果冇洗头水就用番枧洗。其实我唔知（洗头水）有咩效用，总之我见到佢摆喺浴缸侧边，写住洗头水3个字，咁我就攞嚟洗㗎喇！”
相关阅读：星级大搜查丨明星遇小人怎么办？ 193＠ERROR怒打Haters“小人头” 直击一蚊Joe鹅颈桥底打小人
头皮敏感忌用含防腐剂及香料产品
陈厚毅医生指，选用护发产品要视乎头皮的情况，头皮敏感者应特别小心，他说：“尽量唔好拣啲常见嘅防腐剂，譬如Paraben（对羟基苯甲酸酯） 。另外就系会唔会有香料成份，如果头皮容易敏感，用啲特别容易致敏嘅防腐剂同香料，有机会刺激头皮，从而令洗完头越嚟越痕。”至于是否用护发素及发尾油等，陈厚毅医生提点：“ 呢啲护发产品基本上 都系可以用嘅，不过用法有唔同，有啲系（使用）时间上有啲唔同，有啲（使用）次数上唔同，睇清楚说明书去用就比较合适，尽量唔好掂到头皮。”
相关阅读：星级大搜查丨明星千奇百趣恐惧症 P1X3L成员有尖嘴恐惧 糖妹最惊一种声音 医生：属于精神病
无硅洗头水更健康？医生：暂冇医学实证
至于近年兴起的无硅洗头水，不少都标榜对头皮更健康，有助防止毛孔堵塞、减少头皮油脂分泌过多的问题等，陈厚毅医生指：“暂时就冇充足医学实证话无硅洗头水比较好，亦冇话特别唔阻塞毛孔，不过而家好多无硅嘅洗头水系冇问题嘅。”至于含硅的洗头水，其实都有助修补头发角质层，陈厚毅医生表示：“睇落去滑啲，唔会影响个毛囊嘅，令头发冇咁暗哑。”
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
