友乜唔讲得丨曾志伟自爆做TVB高层最唔惯一事 曾遭子女反对：我都高估咗我自己
由阮兆祥、梅小惠及江欣燕主持的《友乜唔讲得》今晚（18日）播出最后一集，压轴登场的嘉宾是TVB节目内容营运总经理曾志伟。曾志伟分享接任TVB总经理后的生活变化，直言接任前曾遭子女反对。
曾志伟成TVB高层自问高估自己
由于工作性质关系，曾志伟多年来生活模式与一般人颠倒，梅小惠打趣问志伟为何如此热爱自由及喜欢没有压力，却突然加入TVB做高层，梅小惠说：“你（而家）朝早八点几钟就返工，打Golf 都冇咁早……真系要付出好多㖞，点解你当其时咁大胆会接受呢？”曾志伟即笑言：“咁我都高估咗我自己嘅，我初初都以为唔使咁辛苦嘅，但原来系唔得嘅。”
相关阅读：曾志伟回应鲁振顺收入大减诉求 指冇一个艺人可以做到老 已尽力做到最好保留旧人
曾志伟谈接任TVB高层：高估咗我自己
曾志伟公开接任TVB高层两大原因
曾志伟指加入TVB有两大原因：“第一TVB 可以讲得系我成长嘅地方，我对TVB 好有感情，第二就系我觉得，如果呢个行业系佢养大我嘅，我有能力嘅话，都希望喺呢个行业度做返啲嘢啦…我记得𠮶时揾我（返TVB），我自己都谂咗好耐，亦都有同我啲仔女分享，佢哋梗系反对啦，话‘喂依家先嚟咁辛苦？唔使喇啩！’”曾志伟表示加入TVB当行政人员后，确实有很多不习惯的地方：“最唔习惯系要睇日历过日子，以前系唔知咩叫做公众假期。我成日觉得我哋嘅行业冇假期嘅，要做嘢就做嘢，做掂咗就得架喇，做掂咗咪放囉。”
相关阅读：曾志伟72岁生日派对有惊喜！《中年好声音3》二大人气王玩对唱 有望跑出成“谭辉智2.0”
曾志伟曾多次计划不再做《奖门人》
曾志伟主持的《奖门人》系列陪伴不少人成长，做足多辑的他坦言每年都结束《奖门人》系列：“《奖门人》我当然好想做，啲嘉宾令现场啲观众笑之余，我自己都（觉得）好笑架嘛，又开心又有钱攞，几开心系咪先？不过我其实年年都想话‘唔做嘞’，因为其实做奖门人就冇机会做第二啲新嘅节目，我成日都想尝试下唔同嘅嘢。”曾志伟更提起已故前辈肥姐，坦言更爱做下靶，“肥姐就系我上靶，我成日特登讲啲嘢驳肥姐，佢成日话‘唔好嘈，做乜讲啲咁嘅嘢呀，作死呀？’肥姐走咗后，我成日都要做上靶，我最钟意做人哋叫我唔好嘈𠮶个㗎嘛。”
相关阅读：TVB盆菜宴星光熠熠！大热视后大合照罕有企C位 “绿叶王”站中间位靠近高层有意思？
曾志伟72岁生日会视帝影帝歌神云集？
曾志伟被爆“通处瞓”真相
阮兆祥在节目中踢爆曾志伟“通处瞓”背后真相，他说：“佢每一次都喺唔同嘅地方瞓著，通常佢瞓著嘅原因系咩呢？系因为佢太攰，同埋佢好多时牺牲自己睡眠时间去睇剧本，睇啲新导演或者新编剧嘅剧本，你话佢为咗咩嚟睇？佢系为咗提携新人，如果佢睇到剧本有咩不足，就会同佢讲。”
相关阅读：万千星辉贺台庆2024｜曾志伟回应《战场上》被腰斩 称要注重外间反应 亲解黎芷珊缺席原因
曾志伟分享帮人宗旨
曾志伟坦言自己当年做导演时，也希望能有贵人帮忙：“我哋后生𠮶时，最难揾就系老板，边个肯畀钱我拍呢？所以到到我自己有能力，我就帮佢哋揾金主，同时去揾啲有前途嘅新人。”曾志伟指帮人前有一大宗旨：“除咗佢系新导演同有能力之余，我最紧要觉得佢人系好先，我唔想为我哋嘅行业带嚟一个唔好嘅人。”
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
