《中年好声音3》禤振华遭阿婆“奖赏”500蚊被逼锡锡 还原“遇袭”经过：唔觉可耻｜独家专访
《中年好声音3》100强止步的“中三生”禤振华（Dave）最近凭一段“酒楼奇遇记”意外爆红！事缘Dave在酒楼登台时，竟被七旬阿婆“霸王硬上弓”连环索吻，更戏剧性塞500蚊要求“回吻”，影片流出后网民齐叹“歌手难捞”。面对“做x”、“乐坛垃圾”等恶评，Dave首度开腔强调冇吃不消，更唔觉可耻：“婆婆开心咪得囉！”他更自封“新一代师奶杀手”幽默解画。
禤振华与七旬阿婆素未谋面
40岁禤振华未婚，但已有固定女友。现职首饰销售员的Dave热爱唱歌，亦是业余歌手，出战《中声3》后跟一班志同道合的“中三生”区瑞明、扬溢、姚芷慧等组成超声团，更于“区瑞强70大SHOW演唱会”中演出，之后还会出歌。由于被指貌似刘锡明、森美、陈键锋，Dave吸引老中青铁粉，不过，却与短片中的七旬阿婆素未谋面。
相关阅读：《中年好声音3》参赛者酒楼登台片疯传 被塞500元锡阿婆面珠 热情互动惹侧目网叹揾食艰难
禤振华：氹下佢冇乜所谓
Dave首开腔向《星岛头条》生动还原当晚“吻袭”经过：“当晚应主办方邀请唱酒楼骚，期间边唱郭富城嘅《狂野之城》，边落台同观众握手互动，当时有好多观众兴奋埋身，场面大混乱，行到婆婆身边时，佢就好热情咁捉实我揾我影相，表现到好钟意、好欣赏我唱歌，跟住婆婆喺冇预警下情不自禁（连环锡面）。”Dave冇装假，认被婆婆热情举动吓亲，虽然算不上尴尬，但就有少少怕丑：“会有啲不知所措！之后佢仲示意我锡返佢，我谂住𠱁婆婆开心，咪搞下气氛讲笑话‘我咁大个仔未锡过女仔嘛！’点知佢竟然好认真回答‘我唔系女仔嚟㗎！’”对于今次“遇袭事件”，他剖白感受：“既然婆婆咁支持我，见到佢咁开心我都开心嘅，氹下佢冇乜所谓啦，我冇抗拒佢，我哋做呢行主要系娱乐观众，观众开心咪得囉，就算去探访老人院都会送上拥抱，只要心态正常就得。”
禤振华唔觉出手太低
Dave唯一澄清，他不知道婆婆在银包取钱给他：“当时冇谂过呢样嘢，只系带点不知所措，想有人过嚟帮手缓和下，快啲完成件事。”被问到阿婆要求他回吻，只打赏500元出手是否太低？Dave解释：“又唔会！咁呢行登台时收利是及礼物好平常，利是多少冇关系，只系代表有鼓励性，我嘅心态系佢表示钟意我，感到开心咁我就接受，冇谂过要出卖啲乜；相反，我亦相信婆婆唔系用500蚊买啲乜嘢…总之只系娱乐一场，讲到底，能被网络疯传，有爆红感觉又几舒服及开心嘅。”Dave还“自抽”幽自己一默：“我知，揾食艰难嘛…咁个个人揾食都艰难㗎啦，最重要个中寻找到乐趣，好似我钟意唱歌咁，就唔觉得艰难。”他再补充话要多谢婆婆：“始终做娱乐圈多人认识系好事，希望下次大家会注意返我啲歌。”他还笑住温提，日后有机会再遇上热情婆婆，请她“温柔”返少少。
禤振华不觉可耻
纵使事件惹来关注，他却强调冇畀人笑到面黄，更加不觉可耻，故对于“做x”、“乐坛垃圾”、“呕心”、“肉酸”等恶意抨击会尽量不看：“香港言论自由讲乜都得，最重要知道自己唔系，我又唔系做咗啲乜，唔觉得唔光彩㖞，只要做嘅嘢系正确，做好自己就ok，我见都有留言话我系‘新一代师奶杀手’，哈！呢个名我都几钟意。”经此一役他已学精，懂得保护自己：“下次我会企返开少少，要保持距离，如果避无可避，只能说‘不’、‘唔好意思’，或者日后多啲同fans聚会，成日见到嘅话，佢哋就唔会对我咁肉紧喇。”
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
