$500万买200呎单位 供楼供到80岁 单身中女因一凄凉理由置业 网民心酸｜Juicy叮
一名单身中年女子近日被同事爆料，指于2021年摸顶以$500万买入一间面积约200多呎的单位，贷款30年，供楼供到近80岁。对于这位中女的高龄上车，网民大多不甚理解，认为做法傻猪，但原来事主有着一个令人心酸的凄凉原因。详情见下图及下文：
单身中女因一凄凉理由置业逐张睇↓↓↓↓
楼主近日在社交平台Threads发帖，指“今日在一向好安静的office（办公室）突然有人情绪激动咁大叫”，于是引出该名中女的故事——
楼主续指，“𠮶个人系50岁度的女同事，大叫原因系工作同生活压力太大。（老板知佢供紧楼，等钱使，而且年纪大，唔会离开到间公司，所以俾好多workload（工作量）佢）。
之前同过女同事倾计，知道佢在21年将自己8成身家高位入手差唔多$500万的200几呎单位，贷款30年，即系佢要供到80岁。问佢点解得自己一个人住都要买楼，仲要供到80岁？女同事话当年纪再大啲，6X岁，系好难租楼。
好多业主会怕老人家将间屋变凶宅而唔放租，所以女同事就宁愿将副身家用嚟买楼以免将来冇屋住。如果系我，我会宁愿租内地楼，去香港返工，都唔会将副身家买楼，而家楼价仲愈来愈低，买完即时负资产。其实大家系佢，又会点做？”。
相关阅读：坐拥80万身家 月入2.27万打工仔豪言储够钱：以后花光人工叹世界
楼主：女事主认为楼价好快回升
回应的网民对中女事主的背景都相当好奇，楼主回应网民时透露更多细节：
•网民：65退休仲点供？
楼主：我觉得佢冇谂到呢样，正常谂到呢样都唔会咁傻去买。
•网民：但……问题系佢退休之后冇粮出都系供唔到，都系冇屋住㗎？不过又咁讲，呢啲老姑婆有可能好有钱，唔系银行都唔会借俾佢。
楼主：女同事系1997年前入银行做，咁多年都冇走过，所以佢退休会有一笔丰厚退休金。
•网民：辟价放，返大陆住。
楼主：女同事仲系天真认为楼价好快升返，到时升咗再算。其实楼价跌，借钱利息又高咗，佢已经要星期六日都做part time（兼职）先够俾。
•网民：如果系真，真系好惨。如果继续落去要做到80岁，我索性唔供等破产算。
楼主：所以个同事系咁俾主管虾，不停俾屎佢食，就系贪佢走唔到。佢真系惨，唔明点解要供楼咁傻猪。
网民：最惨就系退唔到休，仲要做到80岁。带晒啲财物走，交返条匙俾银行，返大陆过日子揾一日用一日好过啦。
网民和应：年纪大好难租屋住
对于女事主因为“女同事话当年纪再大啲，6X岁，系好难租楼”而决定上车，有回应的网民深表认同，称：
•“年纪大的确好难租屋，呢种情况买未补地价居屋可唔可行？”。
•佢其实只系唔好彩买正喺高位咋㖞，佢嘅谂法冇错㗎㖞，依家50岁咁2021年即系佢40中啦，呢个年纪有储蓄而且通常人工ok，就算借足30年多数都系供多10几年就供完㗎啦，退休咪啱啱好唔使供囉，到佢退休如果冇层楼喺手又租唔到楼仲惨啊，仲有唔好以为大陆租楼易，咪同香港一样唔租俾老人，而且两地生活习惯又唔同，到退休都老啦，又要重新适应生活，就算当依家50岁上去住，来回通勤啲时间咪又系钱，我觉得你同事当年冇落错决定㖞。
虽然如此，但仍有不少网民追问女事主“点解上到会？”、“65岁后点供？”、“有银行批到佢30年咩？”、 “点解按揭俾佢做到30年？”、“做银行，50岁先买楼，咁奇怪？”、“银行点会俾佢供到80歳，压测都过唔到啦”、“吓！咁年纪、条件单身女人，5球几买200几呎，边间银行仲肯同佢做30年按揭？ ”。
网民：其实都几凄凉
网民同情女事主之余，还毫不保留地发表自己的一番意见：
•其实都几凄凉，看起来算中产，一买屋就变负资产，唔买又要挨贵租，好容易理解！如果是我就唔买啦！就算租$7000-$8000蚊的楼，佢嘅收入都足够俾，身家就算做定期或者其他仲可以有收益，分分钟周围去旅行都得，如果工作地点近深圳，租内地楼就更没压力啦！
•如果我已经50岁，我会辞职唔做喺屋企hea，同去申请公屋，用余下嘅钱租20年屋。20年内一定上到公屋吧，到时都70岁，就住公屋住到死吧。
•其实可以买内地中山、惠州楼，最多10年后供完，退休返去大陆住，点解一把年纪都咁唔识⋯⋯
•咁佢都唔抵帮，我系佢租住先，之后宁愿返深圳又好，去东南亚又好，根本过咗40岁又知自己唔会有大发展，就唔应该负债咁多。
•退休应该揾安老院／公屋，rather than（而不是）孭住成身债，要还到80岁
•真系好惨呀，返工真系唔好讲私人事，困境唔会有人体谅，随时遇到呢啲Ｘ街仲俾人剥削欺凌。
另有不少网民认为女事主“错在高位入”，直指“入错市，200几呎，真系放出去$300万都唔知有冇人要。ps.（补充）千祈唔好同脑细讲要供楼，好Ｘ街食硬你”、“就算佢买香港楼都唔系错，佢错在买咁贵啫。有村屋又大西北𠮶啲蚊型单位，都唔使咁贵”。
网民：唔买都买咗咯
说到入错市的问题，网民大肆议论本港的楼市：
•$400几万买大西北，$500几万仲要200几呎，傻的吗？
•唔买都买咗咯，仲可能系负资产，趁有工作收入，继续供喇，根本无得拣，希望供多10年8载，唔再负资产，咁可以卖咗佢，搬去平啲地方住，或者做逆按揭。
•从来买楼对99%嘅人系一个影响一生数十年嘅财务决定，香港人就好似买菜咁随便。以前就发达，而家就基本上冇咗一生。
•我啲亲朋戚友喺20年同21年都好多都买咗楼 ，以家都唔敢同佢哋讨论个楼市呀。
相关阅读：22岁港女何文田买1千万楼 隐形富二代“一原因”拒靠父荫：“我仍要孭15年房贷！”↓↓↓↓
22岁的港女“盈盈”2023年仍读大学四年级，但已在何文田买下一千万元的单位，更在旺角开设一间4千呎的足浴店，单装修便花了二百万元，现已有盈利。盈盈2023年底被网红访问，这名商科大学生年纪小小，竟然已买楼开店，迅即成为网民瞩目焦点↓↓↓↓
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
