黄泽锋58岁老婆走出引产哀痛：浴缸屙四公升血 愿为爱女搏老命丨独家

58岁黄泽锋太太陈丽丽，6年曾“超高龄产妇”剖腹诞下精灵健康女儿黄熙恩(小黄妃)，今年佛诞两公婆于社交平台宣布再做父母，腹中孻女“小黄妃2.0”已5个月大，预产期为今年9月。两公婆恨追B有无比决心，唔会受任何抨击影响。陈丽丽更自爆去年底第一次做人工受孕，陀唔稳时要做引产，难忘小产的痛苦经历：“喺浴缸一日一夜，屙足4公升血！”再做妈妈的勇气值得佩服！ 采访：方骞平

开心孕妇陈丽丽最新图片，5个月孕肚都几凸。

今年佛诞两公婆于社交平台宣布再做父母。

黄泽锋、陈丽丽、女儿小黄妃开心迎接新家庭成员。

6岁女儿小黄妃梦想成真做姐姐。

 从《星岛头条》独家相所见，“超高龄孕妇”陈丽丽陀住5个月孕肚，精神状态不错：“今次陀得好靓，冇水肿，仲长胎唔长肉，𠵱家只系重咗几磅，体重维持167磅，冇乜唔舒服。”

开心孕妇陈丽丽最新图片，5个月孕肚都几凸。

懂性囡囡安慰父母

对于超高龄再怀孕引起网民热议，反应两极演变成“口水战”！不少网民送上祝福，亦有斥两公婆“自私”、“贪心”、“逆天而行”，甚至心痛小黄妃自我价值太低，竟将妈妈曾不幸小产责任孭上身。对此，陈丽丽有话要说：“因为初孕阶段不宜公开，点知囡囡急不待将秘密跟同学仔分享，所以自责留唔到个B系自己唔乖，今次佢就守口如瓶，我哋冇怪过佢。”她大赞囡囡年纪轻轻却好懂事，知道父母受到压力加以安慰：“㖊晚佢话‘我哋生BB系我哋嘅家事，关啲人乜事呀？佢唔系我哋屋企人！”

妈妈被抨击年老，小黄妃在节目《不一样的爸妈》中挺身维护。

小黄妃系生性小孩。

小黄妃曾做过“𡃁模”。

6岁小黄妃精灵可爱。

小黄妃参加儿童水运会。

小黄妃走进录音室。

小黄妃才艺表演获奖。

小黄妃开心成长。

小黄妃升K3学生样。

6岁小黄妃有运动天份。

黄泽锋培训女儿黄熙恩游水。

小黄妃K2时，参加学校的运动会。

小黄妃曾夺亲子填色比赛季军。

唔认同子华神金句

又有不少网友引述电影《破‧地狱》中黄子华的金句作出讨论：“我都唔细50几岁喇，到个仔18岁，70岁㗎喇，我有几多时间畀佢呀？就当我哋好彩，活到90好唔好？咁即系话佢要用呢世人最黄金、最美丽、最当打嘅年华，去照顾我哋两个老嘢呀，我哋都冇问过佢想唔想嚟呢个世界，佢一嚟到我哋就掉两嚿大包袱畀佢，咁对佢公唔公平呢？”陈丽丽却认为电影要有大反差才吸睛，观众先受落，平铺直叙就冇人睇，故不能作准。她更要强调，屋企有人会帮手照顾幼女，因为两公婆早有家庭计划：“我哋唔使众筹，唔使靠人养，你哋又知我哋冇钱？我嘅年龄好快拎到大笔强积金啦。”黄泽锋说：“咪由得人哋讲够佢囉，啲人讲来讲去咪都系6年前𠮶啲！”陈丽丽表示同意：“佢哋可以发表意见，但要有口德，唔好咀咒我个女，曾有恶毒留言，当年话祝我生个唐氏综合症。”

电影《破.地狱》中黄子华的金句，成为“高龄父母”黄泽锋、陈丽丽讨论热话。

小黄妃想有个伴。

自己施工引产屙血
 
陈丽丽又分享再次怀孕，为母则强的心路历程：“其实早喺去年初试过自然怀孕，可惜最终于胎儿12周时心跳停咗救唔返，医生话年纪大，想要嘅话就要尽快，所以采纳医生建议尝试人工受孕，去台湾‘尽地一煲’，前后试咗两次才成事，合计花费约20万港元。”58岁的丽丽坦言人工受孕过程相当难顶：“因为老公见针就惊，每日自己要喺肚皮度拮排卵针；另外对住块镜喺pat pat位打咗过百支安胎针…”不过，对比起第1次人工受孕，不幸胎死腹中，要“药流”排出未发育的胚胎只属小儿科：“医生建议我自己塞药，咁样对身体会最好。”当日痛苦过程，至今仍历历在目：“我费事老公阻住晒，趁住父女唔喺屋企就亲自动手，子宫收缩时好痛，踎喺浴缸屙咗一日一夜，屙出大量血块，失血4公升，流产后恶露排足一周，面青唇白送个女返学，体重急降咗10多磅，呃朋友话唔舒服！”

黄泽锋夫妇在2010年才结婚。

超高龄怀孕的丽丽由医生监察到实。

黄泽锋妻陈丽丽52岁成功怀孕。

6年前52岁陈丽丽成功生女。

初生小黄妃。

黄泽锋做凑仔公。

陈丽丽愿为小黄妃梦想成真而“搏老命”：“佢见到身边啲同学仔陆续做咗哥哥、姐姐，追问我哋多次：‘我都想有弟妹照顾！点样可以有呀？’佢嘅爱成为家中动力。”她认为，只要家人团结一致爱家，心态就会好：“就算当年生小黄妃时，曾因血压急升突患妊娠毒血症，产后需送入ICU观察，再生都冇有怕，因为𠵱家Keep住抽血检查，确保BB健康外，我仲会选择剖腹生产减低风险。”

2002年郑伊健、李家声、黄泽锋、吴婉芳出席刘家勇新店。

黄泽锋（右）离开幕前多年。

黄泽锋1986年报读TVB艺训班做演员。

再做父亲的黄泽锋要努力工作养家。

加重负担的黄泽锋忙于做游水教练。