洪嘉豪自爆第一份粮3000蚊 葛民辉出术唔畀阿妈知人工 Kiri T提出加人工方法吓亲师弟Gordon

潮流教父葛民辉（阿葛），伙拍新生代人气创作歌手洪嘉豪、Kiri T及Gordon Flanders，组成星级阵容拍摄银行广告企划。今次是嘉豪第2次与银行合作，上一次是孖住金牌司仪Do姐郑裕玲拍广告，面对口才了得又IQ高的Do姐，嘉豪顺利过关；今次拍住出名脑筋转得快兼无厘头文化祖师的阿葛，嘉豪都招架得住。

Kiri T第一份工在咖啡店上班

同样是第2次跟银行合作的阿葛，上一次学到只要好好部署，每一蚊的价值都可以无限放大；今次同嘉豪、Kiri T及Gordon擦出新火花。被问到第一次收人工的经验，嘉豪分享：“我第一份工系喺快餐店做暑期工，出粮户口都系阿妈帮我搞。”至于人生的第一份粮，嘉豪表示：“做咗差不多两个月暑期工，份粮只得3000多元！”Kiri T自爆：“我第一份工系喺咖啡店工作，不过未过试用期就被炒，因为我太废！记得做咗一星期左右，赚到几百蚊。”出道大概两年的Gordon表示：“我第一份人工就系帮嘉豪写歌，一出粮就用嚟交租！而我用嚟出粮嘅银行户口，就系屋企楼下最近嘅银行开嘅。”

葛民辉伙拍洪嘉豪、Kiri T及Gordon Flanders一齐拍广告。

嘉豪分享第一份工在快餐店做暑期工，人工只得3000多元！

Kiri T自爆第一份工在咖啡店工作，但未过试用期就被炒。

4人拍广告拍得好开心！

阿葛表示当年唔怕OT、唔怕蚀底，努力做其他瓣数，例如电影，令自己人工加少少！

洪嘉豪、葛民辉、Kiri T及Gordon一起分享如何加人工。

阿葛有太太帮忙规划理财

至于资历最深的阿葛表示初出来工作时，公司是用支票出粮，打趣说：“以前出粮会尽量要求收支票，阿妈睇红簿仔时就唔会知我真实有几多人工，俾家用可以年年一样。”被问到出粮的心情，阿葛再次发挥其搞笑又到位的一面，笑言：“我呢啲咁早成家立室嘅，太太会帮我plan好，一出粮已经分配好、安排好，我一早已经有个‘人生嘅Preferred Banking’！”

嘉豪用更多努力换取更高人工

作为艺人不是月月出粮，收入亦不稳定。当讨论到有什么方法加人工，Kiri T竟然大胆提出：“转公司囉！”此言一出，即引来在场两位同门师兄弟哗然，嘉豪笑指：“上年公司帮你做到咁好成绩，你竟然话转公司！”Kiri连忙耍手澄清：“唔系讲我自己，系听啲返朝9晚5嘅朋友讲，可以试吓转工，咁旧公司为咗留人或者新公司挖角都会加人工。”加入公司年资最浅的Gordon就最实际，直言帮公司每一位歌手都写歌，多劳多得，希望续约时公司可以加人工，嘉豪笑指他用更多的努力换取更高人工，这不是真正加人工！前辈阿葛撑Gordon：“帮多啲不同歌手做多啲好歌，然后有好成绩就可以加价了！”

阿葛当年唔怕OT唔怕蚀底

至于老板级的阿葛离开打工仔行列好一段日子，现在回想起自己当年亦是为加人工努力做出成绩：“我正式返工嘅头两年人工低，当时十分勤力工作，唔怕蚀底、唔怕OT，几乎每3个月就会升职加几百蚊，跟底薪比例算高。之后转工加入电台工作，冇主动争取加人工，反而努力做其他瓣数，例如电影，令自己人工加少少！”