送外卖倒泻晒不顾而去 苦主开门惊见“奶茶湖” 网民闹爆外卖员 分享送餐心得｜Juicy叮
收外卖最怕食物唔企理，打泻汤汁、饮品等最麻烦。有网民早前叫外卖时便遇上让人崩溃一幕，外卖送到时倒泻饮品不特止，还在门外走廊弄出了个“奶茶湖”，凌晨1时要亲自落手落脚清理走廊，嬲到头顶出烟，在网上发文大闹。详情见下图及下文：
送外卖倒泻晒就咁走咗 苦主开门惊见“奶茶湖”逐张睇↓↓↓↓
楼主月前在社交平台Threads上载相片及短片发帖大呻，指“见到个外卖咁，个外卖员仲想尝试队入我屋要我收。咁我话我唔收啦，然后佢叫我自己打上平台取消。咁，我叫佢自己联络平台。唔好意思一声都冇，都算啦，咁我闩门先。
楼主续称“转头开门睇吓真系崩溃！个外卖员冇清理返现场走咗去！仲整到成个走廊都系......凌晨1点几冇得食都算，仲要我玩清洁。
相关阅读：观塘惊现疯狂外卖员 行功乐道长命楼梯发晦气 最后“咁糟质”外卖惹哗然
楼主在回应栏上载相片补充：
•一来个饮品冇胶袋， 二来系𠮶个外卖员抽得衰，佢话喺里面打泻咗，即系连食物都浸埋。
•佢系0道歉！倒泻晒仲乱咁放，你睇吓道墙啲奶茶渍，害到我半夜要清洁埋走廊。呢个先系最嬲嘅地方。
•谂住佢自己联络返平台，带走外卖时会清洁返，我谂多咗。
回应的网民替楼主抱不平，指“个外卖员仲好意思送上嚟俾你，正常做法呢应该喺楼下已经取消你张单，退返钱俾你，重新落过order（指令）。
相关阅读：南亚外卖员长沙湾疯狂掟餐 礼貌取餐后突发烂渣：“你同我玩嘢啊！”原因耐人寻味
送外卖倒泻晒就咁走咗 苦主开门惊见“奶茶湖”逐张睇↓↓↓↓
网民上载相片同声一哭
另有人上载倒泻外卖的相片同声一哭，留言“我今日都系”、“我今日都系咁”。还有苦主讲述惨痛经历，“试过几次都系佢哋倒泻嘢，最离谱我试过个包俾人咬咗一啖”、“我都试过，佢去到门口失手，成袋跌落地，门口张地垫、走廊全部都系柠檬茶。佢系咁道歉，话佢㩒取消，返餐厅帮我重新拎过张单，我就一边清洁，相信佢嘅说话，点知，佢冇返过嚟，被骗，我哋成家劲肚饿”。
满有外卖经验的网民则指出，“冻饮杯出水一湿个杯盖边整湿咗个纸袋就好易烂，外卖真系唔适合用纸袋”、“其实而家好多食肆都唔识包外卖。我开头做饮食𠮶阵时啲老前辈都有讲过，包外卖系有技巧，包得唔好系好易反，一反就湿，一湿就烂！”。于是有人分享出最安全的送餐大法“叫外卖真系尽量都唔会嗌嘢饮”。
资料来源：2.19chu＠Threads
相关阅读：70岁婆婆将军澳做外卖步兵 买𩠌车送餐“做一事”超细心 网民大赞：肯定干净！↓↓↓↓
有网民分享在将军澳遇到一名年约70岁的婆婆，做外卖步兵，婆婆用买𩠌车送餐，放置外卖的超细心安排，被网民大赞“肯定干净”。
>>>星岛网WhatsApp爆料热线(416)6775679，爆料一经录用，薄酬致意。
>>>立即浏览【生活百答】栏目：新移民抵埗攻略，老华侨也未必知道的事，移民、工作、居住、食玩买、交通、报税、银行、福利、生育、教育。
