【曾智华专栏】陈振江100分演出

陈振江是谁？稍后开估！

多年来，遇到N咁多人问：“碌Sir，点解凡跟你去食的，皆零舍好味嘅呢？”

每当有此问题，若有几位在座的，必有人叻唔切话：“梗系啦，佢有地盘吖嘛！”

“叻唔切”啱唔啱？最多三分一。事实，香港哎吔有个“地盘”（专栏、电台、电视、网台……）者，多如天上繁星，咁佢哋又会否经常食到厨师的最高功力呢？

又例如不少财大气粗者，经常以为有钱大晒，我有乜食唔到？啱唔啱？呢次，最多啱五分一。因人乃情绪动物，尤其殿堂厨师，个个艺术家，你串串贡用钱挞佢，真系睬你都儍。

咁应该点？最基本，由时时帮衬做熟客开始，争取与楼面经理及厨房阿头以尊重及欣赏态度交朋友（当然锁死出色食肆才出手，绝非三九唔识七都做）。然后，好的，在传媒上表扬，当然要阔绰一点，贴士松手少少，如此，就可以开始有不同的服务与厨工享受嘞。

以上只是基本，另要配合客观形势。乜叫客观形势？以下几点：一、勿在繁忙日子帮衬，避开五六日，因大厨做到踢晒脚时，哪有时间心情轻挑慢撚，将细节处理得妥妥当当？二、最好星期一帮衬。因五六日餐馆雪柜多会清仓，新鲜货周一重新补充，材料正好多。三、避开周三及大厨休息日，厨师多爱投注赛马，周三跑夜马，极有可能心不在焉；大厨每星期也会休息一至两日，又或放大假，呢啲日子千祈咪去，因高手低手功力可以差好远㗎！

刚周一“快乐传媒老是佛”喜万年酒楼聚餐，我一个月前已向负责人梁经理确认大厨陈振江当值，恳请两位炮制示范级菜式。

结果掂过碌蔗，食出100分！