向展鹏晒奢华生活澄清非炫富：系守游戏规则 出歌圆梦玩大咗变冇瘾丨独家

向氏后人向展鹏（Jeffrey）将奢华生活方式放上社交网成为热门话题，无论名牌穿搭、豪华度假及高档餐厅美酒佳肴都成为网民羡慕对象，晒命相及视频不仅吸纳近8万粉丝追踪，也引来负面批评，对于被广泛讨论，Jeffrey有话要说：“呢个就系我生活，边个有钱人唔用靓嘢？”他更直言，其实边个不想威？社交网就是用来晒的平台。生活无忧的Jeffrey还自资近百万出歌及拍MV圆少年梦！ 采访：方骞平 场地：Gentry Club

向展鹏脚踏10万鳄鱼皮鞋，Fendi外套8万多，Birkin40手袋加挂饰总值13万接受访问。

Jeffrey好精神。

Jeffrey周身名牌。

出入代步的是700多万的劳斯莱斯房车。

Jeffrey诚心上香。

Jeffrey每年都为朋友祈福。

每年Jeffrey都到观音庙祈福。

向展鹏不只是“影坛大佬”向华强及向华胜的侄仔，还是收入惊人的“保险界猛人”，热爱唱歌的Jeffrey前年参加《中年好声音2》，虽然60强止步，但却唱出歌瘾，最近自资近百万推出4首歌，其中由细听到大，最喜欢的《问我》已录好，随时在网上平台上架。

Jeffrey为《问我》拍MV。

借咗结他拍MV。

年前Jeffrey参加《中声2》，因为压力太大晕过7次兼面瘫。

Jeffrey歌喉唔错。

最后被黄剑文拣他出局。

Jeffrey跟安雅希、黄剑文等都有偈倾。

谢师宴上重遇旧战友。

出歌辛苦到顶唔顺

54岁的Jeffrey处男出歌，他笑说：“出歌系我20多岁时嘅梦想，去到退休年纪，趁自己个样唔差仲见得人咪出下歌囉，哈！应该仲会有fans嘅，我个IG有7万多粉丝追踪，但我冇畀钱买㖞！”经过《中声2》的不安，曾于60强时因为在后台叉错脚跌亲，流住血，脚都震晒影响到表现被foul，最后搞到晕过7次兼面瘫，今次Jeffrey只是谂住出歌玩下，不跑宣传，不想有大压力，可是做落发觉玩大咗：“练歌好辛苦，练咗几个月只录完《问我》，个MV仲要改咗5次，𠵱家专注紧第2首新歌，日日要唱10几次唱到好闷，跑步50几分钟，又要上堂及录音，真系辛苦到想死，自己唔系歌星嚟，真系顶唔顺，原来谂同做系两样嘢，当唱歌兴趣变咗职业就完全接受唔到，我已变成唔钟意唱歌，因为被逼系Enjoy唔到嘅。”

Jeffrey热爱唱歌。

自弹自唱。

由音乐总监张家诚指导录音。

网上分享生活体验

多年来买咗千万爱马仕服装及包包而成为VIP的Jeffrey，月中将会被邀到巴黎睇马术比赛、参观酒庄及旅游：“香港只系邀请咗3位VIP，所以都好兴奋。”对于Jeffrey不时在网上“晒命”，就连年前入院都不忘大晒3个名牌包包惹来关注，他却说：“𠵱家经已少咗出IG Post，同埋回收返好多旧帖子啦。”他再剖白：“我真心唔明，边个出Po唔系晒？个个都要面子，边个唔想威？好似捐血相、公仔挂饰、甚至一杯茶都会放上网，觉得得意咪同大家分享下囉，冇理由讲唔开心嘅嘢啫，社交网就系用嚟晒嘅平台，要遵守规则先得，唔晒要嚟做乜？而且呢个就系我生活，系我日常用嘅嘢，唔系借出嚟晒，系分享靓嘢，我平时唔系咁就话啫。”他甚至坦言系少爷：“我唔使靠屋企人，年薪都唔少，今年就算交税少咗都缴咗300几万，但我已经唔算系劲，只不过属中游比一般人好，我身边嘅人都用靓嘢啦，边个有钱人唔用靓嘢？尤其有钱嘅老一辈，我妈咪会化妆衬晒啲衫出街，爸爸就打领呔着西装。”

戴每只价值38万的卡地亚手鈪叹天九翅。

Jeffrey将捐血相都放上网分享。

多年来Jeffrey买咗千万爱马仕服装及包包而成为VIP。

到访伦敦尊贵Ritz Club。

和妹妹及家人米兰旅行。

新玩具。

独立屋有花园。

年前向展鹏入院在病床上晒Hermès。

入住医院特级豪华套房。

私人房有小客厅。

拥有价值超过140万的Hublot钛金属珠宝腕表。

向展鹏亦爱收藏名表，​之前送畀自己超过100万的Rolex钻表。

好抢眼啫。

价值16万的特制Fendi鳄鱼皮袋。

生活讲究。

Jeffrey做咗马主多年。

上月打扮英伦风到马会搞周年活动。

Jeffrey最爱名酒。

邀林青霞出山拍戏

另外，他又指爸爸向华荣原先想投资2亿人民币在内地开戏，交由他及妹妹策划，连导演、剧本、巨星主角、批文都定下，但洽谈过程中有些事有伏味，最后无限期押后：“始终呢啲市道攞嚿大钱出嚟要认真考虑，我反而冇兴趣拍戏，最多争取唱下主题曲及片尾曲。”他自爆曾忽发奇想打过林青霞主意：“可能佢做做下少奶想玩下啲特别嘢呢？咁啱有次见到林青霞，随意问佢‘我爸爸想开戏，拍唔拍戏呀？’佢竟一口婉拒，话‘我有30年冇演戏啦。’”

Jeffrey同林青霞都有交情。

向展鹏爸爸向华荣都好着重仪表。

向展鹏、吕良伟互相欣赏。

向展鹏、刘青云夫妇系老友。

向展鹏和甄子丹有交情。